Luˇkaꞈ 6:19 - Akha

¹⁹ Tsawˇ haˬ aˇ maꞈ dawˬ tawˆ luꞈ, aˬ yawꞈ-ahˇ ya toeˬ tuˆ ni leh jeh-eu meh. Aˬ jeˬ miˇ neh ehˇ naˇ, aˬ yawꞈ-euˬ laꞈ kʼoeˇ baoˬ doˆ le-awˇ, aˬ yawꞈ maꞈ dawˬ tawˆ luꞈ-ahˇ naˇ gawˇ bi taˬ leˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Tsawrhaq armaf dawqtawvluf, aqyawf-anr ya toeqcivni laejae-eu mae. Aqjeq mirnae aernar-aq, aqyawf-euq lafkhoer nae baoq dovle-awr aqyawfmaf dawqtawv luf-anr bi taqler-euq mae.

Luˇkaꞈ 6:19 ပူးပေါင်းရင်းမြစ်များ

2 Sahˬpaˬ 13:21

Tiˬ poˆ-aˬ, tsawˇ haˬ baꞈ pahˬ luꞈ ngeh, aˇ muˇ kʼoeˇ tiˬ muˇ laˇ luꞈ gaˇ ya mawˇ-awˇ, tsawˇ shiˇ-ahˇ Eˇliˇshehˇ-euˬ lmˬ bymˇ laꞈ kʼoeˇ baꞈ ahˇ yaꞈ-awˇ, cehˆ jiˇ-euˬ meh. Tsawˇ shiˇ kʼoeˇ Eˇliˇshehˇ-euˬ shaˬ yoeˬ-ahˇ ga tuˆ-euˬ nehˬ-ehˇ, tiˬ poˆ tehꞈ-ehˇ gʼoꞈ dehꞈ laˇ-awˇ, gawˬ yawꞈ yawꞈ laˇ-euˬ meh.

Maꞈtehˬ 14:36

Aˬ yawꞈ-euˬ pehˇ kʼahˬ pehˇ dahˬ-ahˇ tehꞈ-ehˇ kʼawꞈ bi toeˬ ciˆ laꞈ lehˇ aˬ yawꞈ maꞈ shaˇ-awˇ, kʼaˇ ya toeˬ ciˆ-euˬ deuˬ naˇ gawˇ taˬ leˇ jiˇ-euˬ meh.

Maˬkuˆ 3:10

Aˬ jeˬ miˇ neh ehˇ naˇ, tsawˇ haˬ gʼawˬ mya ni-ahˇ aˬ yawꞈ naˇ gawˇ laˆ taˬ nehˬ haw-euˬ miˇ neh, naˇ-eu tsawˇ haˬ dawˬ tawˆ luꞈ, aˬ yawꞈ-ahˇ toeˬ ciˆ-eu lehˇ tahˬ tahˬ-ehˇ oe luꞈ-eu meh.

Maˬkuˆ 5:30

Yeˬsuˇ-aˬ, aˬ yawꞈ-euˬ laꞈ kʼoeˇ ahˇ-eu naˇ gawˇ bi taˬ leˇ-eu baoˬ doˆ-iˇ-euˬ aˬ yawꞈ-ahˇ siˬ leˇ-awˇ, tsawˇ haˬ aˇ maꞈ maꞈ ma gʼahˇ ceh naˇ kʼah paw zeuˆ pyawˇ-awˇ ehˇ-eu, “Ngaˬ-euˬpehˇ kʼahˬ-ahˇ toeˬ ciˆ-euˬ aˬ suˇ gʼaˬ-a.”

Maˬkuˆ 6:56

Pu doe ni, meuˬ doe ni, yaˇ kʼahˬ yaˇ lahˬ doe ni, Yeˬsuˇ kʼaˇ iˇ kʼaˇ laˇ doˆ gaˇ, lehˆ lehˆ tsmˇ tsawˇ haˬ uiˬ leˇ duˬ-ahˇ, naˇ-eu tsawˇ haˬ baꞈ taˬ-awˇ, Yeˬsuˇ-euˬ pehˇ kʼahˬ pehˇ dahˬ-ahˇ tehꞈ-ehˇ kʼawꞈ bi toeˬ ciˆ laꞈ-eu gʼaˇ duˬ, aˬ yawꞈ maꞈ shaˇ-euˬ meh. Kʼaˇ toeˬ ciˆ-euˬ deuˬ naˇ gawˇ taˬ leˇ jiˇ-euˬ meh.

Maˬkuˆ 8:22

Kʼoeˇ naˇ, Behˬdzeˇdaˬ meuˬ-ahˇ aˬ yawꞈ maꞈ iˇ keuˆ-euˬ meh. Tsawˇ haˬ tiˬ deuˬ Yeˬsuˇ jawˇ gaˇ myaˆ behꞈ tiˬ gʼaˬ sheuˬ laꞈ-awˇ, tiˬ poˆ toeˬ ciˆ nehˬ-eu gʼaˇ duˬ, Yeˬsuˇ-ahˇ shaˇ-eu meh.

Luˇkaꞈ 5:17

Tiˬ nah-aˬ, Yeˬsuˇ mehˬ nehˬ tsoˆ nehˬ luꞈ ngeh, Paˬliˬsehˇ tiˬ paˆ na deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ kʼawꞈ, nuiˇ luꞈ-eu meh. Aˬ yawꞈ maꞈ-aˬ, Gaˬliˬlehˇ miˇ kʼahˬ hawˇ-eu Yuˇdaˆ miˇ kʼahˬ-ahˇ jaˆ-eu meuˬ yawˬ meuˬ na luꞈ hawˇ-eu, Yeˬluˇsaˬlehˬ meuˬ-ahˇ jawˇ-eu oe-euˬ meh. Naˇ-eu gawˇ-eu tsawˇ haˬ deuˬ-ahˇ Yeˬsuˇ laˆ taˬ nehˬ nya ni, Sahˬpaˬ Miˬyehˇ-euˬ baoˬ aˬ yawꞈ nehˬ-ehˇ jawˇ luꞈ-eu meh.

Luˇkaꞈ 6:18

Nehꞈ yaw jawꞈ uˇ-eu baˬ da neh shaˬ luꞈ-eu tsawˇ haˬ deuˬ-ahˇ, aˬ yawꞈ laˆ taˬ nehˬ-euˬ meh.

Gʼaˬkʼehˇ 19:12

Pawˇluˆ neh zmˬ-euˬ paˇ jeh maˬ ehˇ, joꞈ tsiˬ maˬ ehˇ, naˇ-eu tsawˇ haˬ deuˬ jawˇ gaˇ yuˇ gʼeh nehˬ ngeh naˇ gawˇ taˬ leˇ-awˇ, nehꞈ yaw jawꞈ uˇ-eu deuˬ kʼawꞈ nehꞈ doˆ-iˇ-euˬ meh.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.