Luˇkaꞈ 6:18 - Akha

¹⁸ Nehꞈ yaw jawꞈ uˇ-eu baˬ da neh shaˬ luꞈ-eu tsawˇ haˬ deuˬ-ahˇ, aˬ yawꞈ laˆ taˬ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Naef yawjawf deuq nae bikhaeq bikhav-euq tsawrhaq deuq khawf taqler-euq mae.

Luˇkaꞈ 6:18 ပူးပေါင်းရင်းမြစ်များ

Maꞈtehˬ 15:22

Miˇ kʼahˬ kʼoeˇ kʼahˬ-ahˇ jawˇ-eu Kaˬnaˬ tsawˇ jeuˬ zaˬ miˬ zaˬ tiˬ gʼaˬ aˬ yawꞈ jawˇ gaˇ laˇ-awˇ, “Daˬbiˇ-euˬ Zaˬmaˇ-oˇ, ngaˬ-ahˇ gʼawˬ shaˬ gaˬ nehˬ laꞈ sheˇ. Ngaˬ buˇ-ahˇ nehꞈ uˇ leˇ taˬ-awˇ, uˇ gawˇ laˇ paˬ-ehˇ shaˬ dui dui luꞈ meh” lehˇ guˇ-awˇ ehˇ-eu meh.

Maꞈtehˬ 17:15

“Sahˬ paˬ-oˇ, ngaˬ li-ahˇ gʼawˬ shaˬ tiˬ poˆ gaˬ nehˬ laꞈ-awˬ. Aˬ yawꞈ mawˇ bawˬ coˬ dui dui-eu baˬ da neh, tiˬ kʼehˬ maˬ taˬ ni miˬ dzaˬ hawˇ-eu iˇ cuꞈ-ahˇ coˬ ahˇ-eu meh.

Luˇkaꞈ 6:17

Yeˬsuˇ aˬ yawꞈ-euˬ gʼaˬ kʼehˇ deuˬ nehˬ-ehˇ gawˬ jawˬ-ahˇ neh zaꞈ ka le-awˇ, myaˬ dui dui-eu zaˬ lahˇ deuˬ nehˬ-ehˇ deh ga-ahˇ yawꞈ luꞈ-eu meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ, iˬ ma laˆ shaˆ lawˇ deh-ahˇ jaˆ-eu Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ uˬ taꞈ, Yuˇdaˆ miˇ kʼahˬ kʼahˬ lah ni jawˇ-eu tsawˇ haˬ deuˬ uiˬ laˇ-awˇ, tsawˇ haˬ myaˬ dui dui-eu meh. Aˬ yawꞈ mehˬ nehˬ tsoˆ nehˬ gaˇ naˇ haˬ-eu gʼaˇ duˬ hawˇ-eu, aˬ yawꞈ neh naˇ gawˇ bi laˆ taˬ-eu gʼaˇ duˬ, aˬ yawꞈ maꞈ uiˬ laˇ taˬ-euˬ meh.

Luˇkaꞈ 6:19

Tsawˇ haˬ aˇ maꞈ dawˬ tawˆ luꞈ, aˬ yawꞈ-ahˇ ya toeˬ tuˆ ni leh jeh-eu meh. Aˬ jeˬ miˇ neh ehˇ naˇ, aˬ yawꞈ-euˬ laꞈ kʼoeˇ baoˬ doˆ le-awˇ, aˬ yawꞈ maꞈ dawˬ tawˆ luꞈ-ahˇ naˇ gawˇ bi taˬ leˇ-eu meh.

Gʼaˬkʼehˇ 5:16

Yeˬluˇsaˬlehˬ meuˬ-euˬ tahˬ gʼoꞈ tahˬ jawˇ jaˆ-eu meuˬ deuˬ-ahˇ jawˇ-eu tsawˇ haˬ deuˬ neh naˇ-eu tsawˇ haˬ deuˬ hawˇ-eu nehꞈ yaw jawꞈ uˇ-eu tsawˇ haˬ deuˬ sheuˬ laꞈ-awˇ, baˬ maꞈ puˇ jeˬ-ehˇ laˇ-euˬ meh. Aˬ yawꞈ maꞈ dawˬ tawˆ luꞈ naˇ gawˇ taˬ leˇ jiˇ-euˬ meh.