Luˇkaꞈ 6:11 - Akha

¹¹ Ehˇ kʼawꞈ, tsawˇ haˬ kʼoeˇ deuˬ nui ma pehˇ dui dui-awˇ, Yeˬsuˇ-ahˇ aˬ joˆ-ehˇ jahˇ nehˬ paˬ nga lehˇ, aˬ yawꞈ maꞈ yaw kaˬ bawˬ dzaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyawfmaf nuima paer duidui lar-awr, aqyawfmaf, Yeqsur-anr aqjox-aer janrnaeq-eu paq nga laer aqyawf maf-euq yawkaq bawqdzaq-eu mae.

Luˇkaꞈ 6:11 ပူးပေါင်းရင်းမြစ်များ

Dawˬ tsoˆ 9:3

Tsawˇ muiˬ tsawˇ doeˇ maˬ baw ni, tsawˇ haˬ dawˬ tawˆ luꞈ aˬ yawꞈ tiˬ tsahˇ-ahˇ tehꞈ-ehˇ uˬ duˬ ya duˬ leˇ-eu meh. Nahˇ ma heu siˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ, kʼoeˇ naˆ ni doeˇ-eu meh. Tsawˇ haˬ zaˬ yaw dehꞈ kʼaˇ dehꞈ kʼoeˇ keuˆ ni, nui ma laꞈ kʼoeˇ yaw haiˬ jeˬ hawˇ-eu aˬ dzawˬ aˇ gah gah-eu jeˬ tehꞈ-ehˇ byah luꞈ-awˇ, ja pyuˬ ni ya shiˇ jiˇ-eu meh.

Maꞈtehˬ 16:7

Aˬ yawꞈ maꞈ yaw kaˬ ja-eu, “Aˬ dui maꞈ kaˬ muˇ maˬ hehˇ leꞈ-euˬ miˇ neh, aˬ yawꞈ teu loꞈ-ehˇ ehˇ-eu ngaˇ.”

Maꞈtehˬ 21:45

Piˇ ma aˬ yuiꞈ deuˬ hawˇ-eu Paˬliˬsehˇ deuˬ, Yeˬsuˇ yaw jeˬ ma jeˬ ja gaˇ gaˬ-awˇ, aˬ yawꞈ maꞈ gaˇ kawˆ ehˇ-eu nya lehˇ noeˬ siˬ-euˬ meh.

Luˇkaꞈ 4:28

Aˬ yawꞈ kʼoeˇ loꞈ-ehˇ ehˇ gaˇ, uˬ duˬ tahˬ nymˇ laꞈ kʼoeˇ jawˇ-eu tsawˇ haˬ deuˬ nui ma pehˇ dui dui-euˬ meh.

Luˇkaꞈ 6:10

Yeˬsuˇ aˬ yawꞈ maꞈ-ahˇ tiˬ jawˬ haw doe-awˇ, aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ “Aˬ laꞈ caw ja-awˬ” lehˇ ehˇ nehˬ-euˬ meh. Tsawˇ haˬ kʼoeˇ gʼaˬ aˬ laꞈ cawˬ ja ngeh, laꞈ shiˇ shiˇ-eu taˬ leˇ-euˬ meh.

Luˇkaꞈ 6:12

Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

Yoˇhaˬ 11:47

Kʼoeˇ ngeh, Paˬliˬsehˇ deuˬ hawˇ-eu piˇ ma aˬ yuiꞈ deuˬ Baꞈdzah aˇ muˇ-ahˇ tahˬ puˬ-awˇ, heu loꞈ-ehˇ ehˇ-eu meh. “Aˬ dui aˬ joˆ-ehˇ jahˇ nmˇ. Tsawˇ haˬ kʼoeˇ gʼaˬ zahˬ leˇ paˬ-ehˇ gʼeh-eu gʼawˬ mya jeˬ mˇ luꞈ meh.

Yoˇhaˬ 7:1

Kʼoeˇ naˇ, Gaˬliˬlehˇ miˇ kʼahˬ-ahˇ Yeˬsuˇ cah-euˬ meh. Yuˇdaˆ miˇ kʼahˬ-ahˇ aˬ yawꞈ maˬ cah mawꞈ-a. Aˬ jeˬ miˇ neh ehˇ naˇ, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ mawꞈ-eu meh.

Gʼaˬkʼehˇ 26:11

Aˬ yawꞈ maꞈ-ahˇ uˬ duˬ tahˬ nymˇ laꞈ kʼoeˇ gʼawˬ mya poˆ bi kʼehˬ bi kʼaˆ ni ngaˇ jahˇ-awˇ, aˬ yawꞈ maꞈ-euˬ jah-eu jeˬ-ahˇ bi byehˇ dzeh-eu gʼaˇ duˬ ngaˇ leh jeh dui dui-euˬ ma. Aˬ yawꞈ maꞈ-ahˇ ngaˇ nui ma pehˇ dui dui-euˬ miˇ neh, aˬ cawˬ miˇ kʼahˬ-ahˇ jaˆ-eu meuˬ deuˬ-ahˇ keuˆ ni le le-ehˇ aˬ yawꞈ maꞈ-ahˇ kʼehˬ haw kʼaˆ haw-euˬ ma.

Gʼaˬkʼehˇ 4:15

Kʼoeˇ ngeh, aˬ yawꞈ nyaꞈ-ahˇ Baꞈ dzah dzah luꞈ-eu nymˇ laꞈ nyiˇ bi doˆ-iˇ-awˇ, aˬ yawꞈ maꞈ tehꞈ-ehˇ bawˬ dzaˬ-euˬ meh.

Gʼaˬkʼehˇ 4:19

Ehˇ kʼawꞈ, Beˬtuˆluˆ hawˇ-eu Yoˇhaˬ aˬ nyaꞈ ehˇ-eu, “Naw maꞈ-euˬ ehˇ dawˬ naˇ haˬ-eu hawˇ-eu Miˬyehˇ-euˬ ehˇ dawˬ naˇ haˬ-eu heu nyiˬ jeˬ, Miˬyehˇ mehˬ shi aˬ geu jeˬ tsaˬ dzehˬ ta lehˇ naw maꞈ shaˇnoeˬ haw sheˇ.

Gʼaˬkʼehˇ 5:33

Baꞈ dzah-ahˇ uˇ-eu tsawˇ haˬ deuˬ dawˬ kʼoeˇ dawˬ-ahˇ ya gaˬ ngeh, nui ma pehˇ dui dui laˇ-awˇ, gʼaˬ kʼehˇ deuˬ-ahˇ sehꞈ mawꞈ-eu meh.

Gʼaˬkʼehˇ 7:54

Saˬteˬpaˬ kʼoeˇ loꞈ-ehˇ ehˇ gaˇ ya gaˬ ngeh, Bahꞈdzah laꞈ kʼoeˇ uˇ-eu tsawˇ haˬ deuˬ aˬ yawꞈ-ahˇ nui ma pehˇ dui dui laˇ-awˇ, seuˬ teuꞈ-eu meh.

2 Tiˆmoˇseˬ 3:9

Ehˇ kʼawꞈ, aˬ yawꞈ maꞈ gʼawˬ mahˇ ni iˇ gʼeh kʼaˇ maˬ za-a. Aˬ jeˬ miˇ neh ehˇ naˇ, aˬ yawꞈ maꞈ aˇ naˆ ni dzawˬ-eu gaˇ kawˆ tsawˇ haˬ yawˬ gʼaˬ na luꞈ siˬ duˬ mawˇ duˬ tehꞈ-a. Kʼoeˇ-aˬ, Yaˬneˬ hawˇ-eu Yaˬbeˬ aˬ nyaꞈ pyeuꞈ dzeuˇ yaꞈ-euˬ gaˇ duˇ-eu meh.