Luˇkaꞈ 5:33 - Akha

³³ Tsawˇ haˬ tiˬ paˆ na deuˬ Yeˬsuˇ-ahˇ heu loꞈ-ehˇ ehˇ-eu meh. “Yoˇhaˬ-euˬ zaˬ lahˇ deuˬ tiˬ kʼehˬ maˬ taˬ ni maˬ dzaˬ-eu zahˇ jahˇ jahˇ-ehˇ guiˬ lahˬ shaˇ-eu meh. Paˬliˬsehˇ deuˬ-euˬ zaˬ lahˇ deuˬ kʼawꞈ, kʼoeˇ loꞈ-ehˇ jahˇ-eu meh. Ehˇ kʼawꞈ, nawˬ-euˬ zaˬ lahˇ deuˬ-aˬ, kʼoeˇ loꞈ-ehˇ maˬ jahˇ ni dzaˬ luꞈ dawˇ luꞈ-eu ngaˬ tawˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Khoernar-aq, aqyawfmaf, Yeqsur-anr aernaeq-eu, “Yorhaq-euq zaqlanr deuq-aq, tiqkhaeq maqtaqni dzardzaq sheuqsheuq-aer guiqlanq shar-eu mae. Paqliqsaer-euq zaqlanr deuq khawf khoerlof-aer janrluf-eu mae. Aerkhawf, aqjeq mirnae nawq naeq-aer jawrluf-eu deuq-aq, dzaqluf dawrluf-eu la?”

Luˇkaꞈ 5:33 ပူးပေါင်းရင်းမြစ်များ

Dawqdaq 28:9

Zahˇ sahˇ kʼoꞈ mehˬ nah maˬ caw teh-eu tsawˇ haˬ-euˬ guiˬ lahˬ shaˇ dawˬ-ahˇ, Miˬyehˇ nui daˆ daˆ-eu meh.

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

Zaˬkaˬliˇ 7:6

Kʼoeˇ uˬ taꞈ, aˬ yawꞈ maꞈ paˇ dzaˬ paˇ dawˇ ngeh kʼawꞈ, aˬ yawꞈ maꞈ-ahˇ tmˬ leˇ-eu gʼaˇ duˬ tehꞈ meh.”

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Maˬkuˆ 12:40

Miˬ coeˬ miˬ ma deuˬ-euˬ nymˇ-ahˇ aˬ yawꞈ maꞈ nawˬ dzaˬ kʼaˆ dzaˬ-awˇ, aˬ cawˬ neh yaw muiˬ ngaˇ lehˇ bi haw-eu gʼaˇ duˬ guiˬ lahˬ gʼawˬ myahˇ ni shaˇ-eu meh. Doeˇ dui dui-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ tehꞈ-a.”

Luˇkaꞈ 11:1

Tiˬ poˆ-aˬ, Yeˬsuˇ jawˇ duˬ tiˬ tsahˇ-ahˇ guiˬ lahˬ shaˇ luꞈ-eu meh. Aˬ yawꞈ guiˬ lahˬ shaˇ gʼaˬ ngeh, aˬ yawꞈ-euˬ zaˬ lahˇ tiˬ gʼaˬ aˬ yawꞈ-ahˇ ehˇ-eu, “Sahˬpaˬ-oˇ, Yoˇhaˬ neh aˬ yawꞈ-euˬ zaˬ lahˇ deuˬ-ahˇ mehˬ nehˬ-euˬ loꞈ-ehˇ, guiˬ lahˬ aˬ joˆ-ehˇ ya shaˇ-eu gaˇ kawˆ nga maꞈ-ahˇ mehˬ nehˬ laꞈ-awˬ.”

Luˇkaꞈ 18:12

Ngaˇ-aˬ, tiˬ jaw laꞈ kʼoeˇ nyiˬ nah maˬ dzaˬ-eu zahˇ tawˬ luꞈ-awˇ, ngaˇ kʼaˇ za-euˬ yawˬ jeˬ na luꞈ laꞈ kʼoeˇ, tseˇ bymˇ tiˬ bymˇ nawˬ-ahˇ damˬ luꞈ ma’ lehˇ shaˇ-euˬ meh.

Luˇkaꞈ 2:37

Kʼoeˇ ngeh neh naˇ, yehꞈ tseˇ kʼoꞈ byah laˇ ngeh keuˆ ni miˬ coeˬ miˬ ma geuꞈ-awˇ jawˇ-eu meh. Aˬ yawꞈ Uˬ duˬ tahˬ nymˇ nymˇ ma-ahˇ tiˬ jawˇ-iˬ maˬ gʼawˬ-iˇ ni, uˬ ciꞈ nah gʼahˇ maˬ ehˇ, maˬ dzaˬ-eu zahˇ jahˇ-awˇ guiˬ lahˬ shaˇ-euˬ meh.

Luˇkaꞈ 20:47

Miˬ coeˬ miˬ ma deuˬ-euˬ nymˇ-ahˇ aˬ yawꞈ maꞈ kʼaˆ dzaˬ-awˇ, aˬ cawˬ bi mawˇ-eu gʼaˇ duˬ guiˬ lahˬ gʼawˬ myahˇ ni shaˇ-eu meh. Doeˇ dui dui-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ tehꞈ-a.”

Luˇkaꞈ 5:32

Aˬ cawˬ yaw zeu baw-eu tsawˇ haˬ deuˬ-ahˇ kuˇ-eu lehˇ ngaˇ oe-euˬ maˬ ngeuˇ. Iˬ baˇ zaˬ deuˬ iˬ baˇ bi noeˬ poˆ ni kuˇ-eu lehˇ oe-euˬ ma.”

Luˇkaꞈ 5:34

Yeˬsuˇ aˬ yawꞈ maꞈ-ahˇ ehˇ nehˬ-eu, “Miˬ zaˬ sheuˬ-eu gʼaˬ kʼaˇ jawˇ kʼoeˇ keuˆ ni, oeˇ mˇ baˇ gaˇ laˇ-euˬ daˬ yah deuˬ-ahˇ maˬ dzaˬ-eu zahˇ bi jahˇ nya te loˇ. Maˬ bi jahˇ nya-a.

Yoˇhaˬ 1:35

Yawˬ nah yawˬ keuˆ laˇ ngeh, Yoˇhaˬ hawˇ-eu aˬ yawꞈ-euˬ zaˬ lahˇ nyiˬ gʼaˬ kʼoeˇ gaˇ paˇ yawꞈ luꞈ-eu meh.

Yoˇhaˬ 3:25

Yoˇhaˬ-euˬ zaˬ lahˇ tiˬ paˆ na deuˬ Yuˇdaˆ tsawˇ haˬ tiˬ gʼaˬ nehˬ-ehˇ, gʼawˇ mawˇ shawˇ-eu zahˇ jahˇ-eu gaˇ kawˆ tsawˇ pyehˇ pyehˇ luꞈ-eu meh.

Gʼaˬkʼehˇ 9:11

Sahˬpaˬ Yeˬsuˇ ehˇ-eu, “Lehˬ hmˬ-awˇ, Gaˇdawˇ lehˇ kuˇ-eu gaˇ ma kʼoeˇ kahˇ-ahˇ iˇ-awˇ, Yuˇdaˆ-euˬ nymˇ-ahˇ Daˬsuˆ meuˬ-ahˇ jawˇ-eu Sawˇluˆ lehˇ myahˇ-euˬ tsawˇ haˬ tiˬ gʼaˬ maˬ jawˇ nga loˇ lehˇ haw-iˇ-awˬ. Aˬ yawꞈ guiˬ lahˬ shaˇ shaˇ-ehˇ jawˇ meh.