Luˇkaꞈ 5:14 - Akha

¹⁴ Yeˬsuˇ aˬ yawꞈ-ahˇ dawˬ biꞈ-awˇ ehˇ nehˬ-eu, “Tsawˇ haˬ tiˬ gʼaˬ-ahˇ-iˬ maˬ ehˇ nehˬ ni, tiˬ poˆ tehꞈ-ehˇ piˇ ma jawˇ gaˇ le-awˇ, nawˬ-euˬ gʼawˇ mawˇ bi pyehˆ tseˇ haw leˇ-awˬ. Kʼoeˇ naˇ, nawˇ naˇ gawˇ taˬ leˇ-euˬ gaˇ kawˆ tsawˇ haˬ yawˬ gʼaˬ na luꞈ bi siˬ duˬ-eu gʼaˇ duˬ, Moˇseˬ neh dawˬ biꞈ taˬ-euˬ lawˇ-eu shehˇ-eu jeˬ lawˇ-iˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Khoerngae, Yeqsur, aqyawf-anr tiqghaq-anr-iq taq ja’naeq de-eq laer dawq bif-awr aer-eu, “Le-awr nawq-euq mawrdo pirma nae bi hawler-awr, nawr shawrlar-euq nga laer aqyawfmaf yasiqni Morseq nae dawq biftaq-euq lof-aer lawrnaeq-eu jeq lawrler-awq.”

Luˇkaꞈ 5:14 ပူးပေါင်းရင်းမြစ်များ

Uˬ duˬ 13:2

Tsawˇ haˬ tiˬ gʼaˬ na, maˇ naˇ naˇ-eu maˬ ehˇ, shaˬ ciˬ ciˬ-eu maˬ ehˇ, maˇ cuˬ maˇ lu lu-eu maˬ ehˇ, nyawˬ naˇ doˆ laˇ nya paˬ-ehˇ gʼeh naˇ, piˇ ma Aˬloˬ jawˇ gaˇ maˬ ngeuˇ naˇ, Aˬloˬ-euˬ aˬ li piˇ ma tiˬ gʼaˬ na jawˇ gaˇ ya sheuˬ gʼeh meh.

Uˬ duˬ 13:49

kʼoeˇ gaˇ dawꞈ-eu maˇ naˇ kʼoeˇ nyoeˇ la la-eu maˬ kaˬ, neˇ la la-eu maˬ kaˬ, nyawˬ naˇ-eu maˇ naˇ pyeuꞈ-awˇ, piˇ ma-ahˇ ya bi haw-iˇ meh.

Maꞈtehˬ 10:18

Naw maꞈ ngaˬ-euˬ mehˬ nah caw teh-eu baˬ da neh, aˬ cawˬ naw maꞈ-ahˇ paꞈ-awˇ, uˆ lahˇ-eu sahˬ paˬ sahˬ ma deuˬ jawˇ gaˇ gʼeu gʼeh tehꞈ-a. Kʼoeˇ loꞈ-ehˇ pyeuꞈ laˇ-eu laꞈ kʼoeˇ, sahˬ paˬ sahˬ ma kʼoeˇ deuˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ-ahˇ naw maꞈ laˬ kʼaˬ cehˇ-eu guiˬ lahˬ dawˬ ya mehˬ tehꞈ-a.

Maꞈtehˬ 12:16

Aˬ yawꞈ-euˬ gaˇ kawˆ aˬ cawˬ-ahˇ maˬ ja nehˬ ni yahˇ-eu gʼaˇ duˬ, aˬ yawꞈ maꞈ-ahˇ aˬ yawꞈ dawˬ biꞈ nehˬ-euˬ meh.

Maꞈtehˬ 8:4

Kʼoeˇ naˇ, aˬ yawꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Gaˇ kawˆ heu tsawˇ haˬ tiˬ gʼaˬ-ahˇ-iˬ maˬ ja mehˬ ni yahˇ-awˬ. Ehˇ kʼawꞈ, piˇ ma jawˇ gaˇ iˇ-awˇ, nawˬ-euˬ gʼawˇ mawˇ-ahˇ bi pyehˆ tseˇ duˬ-awˬ. Kʼoeˇ naˇ, nawˬ-euˬ naˇ gawˇ taˬ leˇ-euˬ gaˇ kawˆ aˬ cawˬ bi siˬ duˬ-eu gʼaˇ duˬ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ lawˇ-eu shehˇ-eu jeˬ mˇ-iˇ-awˬ.”

Maꞈtehˬ 9:30

Kʼoeˇ ngeh, aˬ yawꞈ nyaꞈ myaˆ nuiˆ mawˇ laˇ-euˬ meh. Aˬ yawꞈ nyaꞈ-ahˇ Yeˬsuˇ ehˇ nehˬ-eu, “Ngaˬ neh naw nyaꞈ-ahˇ myaˆ nuiˆ bi mawˇ laˇ-euˬ gaˇ kawˆ heu, aˬ cawˬ tiˬ gʼaˬ-ahˇ-iˬ maˬ bi siˬ ni yaw kʼaˆ kʼaˆ-ehˇ yahˇ-awˬ.”

Maˬkuˆ 1:44

“Naˇ haˬ sheˇ. Gaˇ kawˆ heu tiˬ gʼaˬ-ahˇ-iˬ taˬ ehˇ nehˬ de. Tiˬ poˆ tehꞈ-ehˇ piˇ ma jawˇ gaˇ le-awˇ, nawˬ-euˬ gʼawˇ mawˇ-ahˇ bi pyehˆ tseˇ haw leˇ-awˬ. Kʼoeˇ naˇ, nawˇ naˇ gawˇ taˬ leˇ-euˬ gaˇ kawˆ tsawˇ haˬ yawˬ gʼaˬ na luꞈ bi siˬ duˬ-eu gʼaˇ duˬ, Moˇseˬ neh dawˬ biꞈ taˬ yaꞈ-euˬ lawˇ-eu shehˇ-eu jeˬ lawˇ-iˇ-awˬ.”

Maˬkuˆ 6:11

Naw maꞈ-ahˇ maˬ ha geuꞈ-ehˇ, naw maꞈ mehˬ gaˇ maˬ naˇ haˬ mawꞈ-eu jawˇ duˬ-ahˇ naw maꞈ iˇ zaˬ naˇ, naw maꞈ doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ. Kʼoeˇ-aˬ, aˬ yawꞈ maꞈ-euˬ yaw lehˬ siˬ leˇ ni mˇ-eu saˇ kiˇ meh.”

Luˇkaꞈ 17:14

Yeˬsuˇ aˬ yawꞈ maꞈ-ahˇ haw mawˇ-awˇ ehˇ nehˬ-eu, “Piˇ ma deuˬ jawˇ gaˇ iˇ-awˇ, naw maꞈ-euˬ gʼawˇ mawˇ bi pyehˆ tseˇ haw-iˇ-awˬ.” Aˬ yawꞈ maꞈ gaˇ pehˇ iˇ luꞈ ngeh, muiˬ laˇ shawˇ laˇ-euˬ meh.

Luˇkaꞈ 5:13

Yeˬsuˇ aˬ laꞈ cawˬ ja-awˇ, aˬ yawꞈ-ahˇ toeˬ ciˆ-awˇ ehˇ-eu, “Ngaˇ jahˇ nehˬ mawꞈ ma. Muiˬ laˇ shawˇ laˇ-awˬ.” Kʼoeˇ ngeh, coiˬ coi naˇ gawˇ kʼoeˇ tiˬ poˆ tehꞈ-ehˇ byoˆ tsehˆ-euˬ meh.

Luˇkaꞈ 9:5

Naw maꞈ-ahˇ maˬ kʼaˇ ha geuꞈ nehˬ laꞈ-eu meuˬ deuˬ-ahˇ neh naw maꞈ doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ. Kʼoeˇ-aˬ, aˬ yawꞈ maꞈ-euˬ yaw lehˬ siˬ leˇ ni mˇ-eu saˇ kiˇ meh.”