Luˇkaꞈ 4:28 - Akha

²⁸ Aˬ yawꞈ kʼoeˇ loꞈ-ehˇ ehˇ gaˇ, uˬ duˬ tahˬ nymˇ laꞈ kʼoeˇ jawˇ-eu tsawˇ haˬ deuˬ nui ma pehˇ dui dui-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Zanrdawq khawqnymr-anr jawr-eu tsawrhaq dawqtawvluf, dawq khoerdawq-anr yagaq ngae, nuima davlar-euq mae.

Luˇkaꞈ 4:28 ပူးပေါင်းရင်းမြစ်များ

2 Laˬsaˬbaˬ 16:10

Dawˬ kʼoeˇ dawˬ baˬ da neh Aˬsaˬ nui ma pehˇ dui dui laˇ-awˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, tawˬ-ahˇ dawˆ-euˬ meh. Kʼoeˇ ngeh neh aˇ dahˬ beh-awˇ, tsawˇ haˬ tiˬ paˆ na deuˬ-ahˇ Aˬsaˬ yaw kʼaˆ-ehˇ kʼehˬ nehˬ kʼaˆ nehˬ-euˬ meh.

Yeˬlaˬmiˇ 38:6

Kʼoeˇ naˇ, aˬ yawꞈ maꞈ ngaˬ-ahˇ nyehꞈ-awˇ, sahˬ paˬ zaˬ yo Maˬlaˬkiˇyaˆ-euˬ lah duˬ-ahˇ, aˇ caˆ neh pyehˬ ka ahˇ nehˬ laꞈ-euˬ meh. Lah duˬ kʼoeˇ duˬ-aˬ, sahˬ paˬ-euˬ hawˇ nymˇ lahˇ laꞈ kʼoeˇ jaˆ-awˇ, iˇ cuꞈ maˬ dahˬ ni, lah yaˬ yaˬ-eu meh. Lah yaˬ kʼoeˇ-euˬ laꞈ kʼoeˇ ngaˇ ga nuiꞈ-awˇ jawˇ-euˬ ma.

Maꞈtehˬ 2:16

Nahˇ ma doˆ kʼehˬ paw neh laˇ-euˬ zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ, aˬ yawꞈ-ahˇ tsawˇ gahˇ gahˇ-awˇ gʼoꞈ dzeuˇ-euˬ gaˇ kawˆ Heˬloˆ ya siˬ duˬ ngeh, nui ma pehˇ dui dui-euˬ meh. Kʼoeˇ ngeh, Behˬlehˬhehˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ kʼaˇ jawˇ-eu, nyiˬ kʼoꞈ-ahˇ neh laꞈ oˆ paw-euˬ aˬ li zaˬ nahˬ dawˬ tawˆ luꞈ-ahˇ sehꞈ jiˇ-eu gʼaˇ duˬ aˬ yawꞈ dawˬ biꞈ-euˬ meh. Zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ neh aˬ yawꞈ-ahˇ ehˇ nehˬ taˬ-euˬ aˬ guiˇ kʼoeˇ siˬ doˆ laˇ-euˬ aˇ yamˬ shaˇ sawˇ duˬ-awˇ, aˬ li zaˬ nahˬ deuˬ-ahˇ bi sehꞈ-eu gʼaˇ duˬ kʼoeˇ loꞈ-ehˇ dawˬ biꞈ-euˬ meh.

Luˇkaꞈ 4:27

Eˇliˇshehˇ-euˬ ziˇ-ahˇ kʼawꞈ, Iˇsaˬleˬlaˆ miˇ kʼahˬ laꞈ kʼoeˇ coiˬ doi naˇ-eu tsawˇ haˬ gʼawˬ mya ni jawˇ-eu meh. Ehˇ kʼawꞈ, nui gʼaˬ-ahˇ maˬ bi muiˬ maˬ bi shawˇ laˇ-ehˇ Suˇliˆ tsawˇ jeuˬ Neˬmaˬ tiˬ gʼaˬ-ahˇ tehꞈ-ehˇ bi muiˬ bi shawˇ laˇ-euˬ meh.”

Luˇkaꞈ 4:29

Aˬ yawꞈ maꞈ tsawˬ tuˇ laˇ-awˇ, Yeˬsuˇ-ahˇ meuˬ meuˬ dzeˇ gʼeu doˆ gʼeh-awˇ, aˬ yawꞈ maꞈ-euˬ meuˬ jaˆ-eu gawˬ jawˬ kʼoeˇ jawˬ-euˬ uˬ du tsahˇ daˆ gʼeh-euˬ meh. Aˬ yawꞈ maꞈ aˬ yawꞈ-ahˇ lo guˇ-ahˇ biˬ ka nehˬ-eu lehˇ gʼeh-eu meh.

Luˇkaꞈ 6:11

Ehˇ kʼawꞈ, tsawˇ haˬ kʼoeˇ deuˬ nui ma pehˇ dui dui-awˇ, Yeˬsuˇ-ahˇ aˬ joˆ-ehˇ jahˇ nehˬ paˬ nga lehˇ, aˬ yawꞈ maꞈ yaw kaˬ bawˬ dzaˬ-euˬ meh.

Gʼaˬkʼehˇ 5:33

Baꞈ dzah-ahˇ uˇ-eu tsawˇ haˬ deuˬ dawˬ kʼoeˇ dawˬ-ahˇ ya gaˬ ngeh, nui ma pehˇ dui dui laˇ-awˇ, gʼaˬ kʼehˇ deuˬ-ahˇ sehꞈ mawꞈ-eu meh.

Gʼaˬkʼehˇ 7:54

Saˬteˬpaˬ kʼoeˇ loꞈ-ehˇ ehˇ gaˇ ya gaˬ ngeh, Bahꞈdzah laꞈ kʼoeˇ uˇ-eu tsawˇ haˬ deuˬ aˬ yawꞈ-ahˇ nui ma pehˇ dui dui laˇ-awˇ, seuˬ teuꞈ-eu meh.