Luˇkaꞈ 3:36 - Akha

³⁶ Gaˬiˇnaˬ, Aˬpaˬtsaˆ, Sheˬmaˇ, Noˇaˬ, Laˬmehˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Gaqirnaq, Aqpaqsav, Sheqmav, Noraq, Laqmaer,

Luˇkaꞈ 3:36 ပူးပေါင်းရင်းမြစ်များ

Aˇ dahˬ 5:3

Aˬdaˬ tiˬ yaˇ smˬ tseˇ kʼoꞈ kʼawˆ ngeh, aˬ yawꞈ-ahˇ duˇ-eu aˬ li tiˬ li paˇ jawˇ le-awˇ, Seˬtaˆ lehˇ myahˇ nehˬ-euˬ meh.

Aˇ dahˬ 6:22

Miˬyehˇ neh kʼaˇ ehˇ nehˬ-euˬ loꞈ-ehˇ Noˇaˬ jahˇ-euˬ meh.

Aˇ dahˬ 7:13

Kʼoeˇ ngeh nah-ahˇ, Noˇaˬ hawˇ-eu aˬ yawꞈ-euˬ miˬ zaˬ maˬ ehˇ, aˬ yawꞈ-euˬ aˬ li Sheˬmaˆ, Haˬmaˇ, Yaˬpahˇ hawˇ-eu aˬ yawꞈ-euˬ kuiˬ ma deuˬ maˬ ehˇ, saˇ baoˬ laꞈ kʼoeˇ uˇ leˇ-euˬ meh.

Aˇ dahˬ 7:23

Miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ pyeuꞈ-eu, ho zaˬ nga jiˇ yawˬ mawˇ na luꞈ maˬ ehˇ, jeˬ zaˬ yawˬ mawˇ na luꞈ maˬ ehˇ, tsawˇ haˬ yawˬ gʼaˬ na luꞈ maˬ ehˇ, dawˬ tawˆ luꞈ-ahˇ Sahˬpaˬ Miˬyehˇ laˆ cawˆ nehˬ jiˇ-euˬ meh. Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ leˇ-euˬ deuˬ tehꞈ-ehˇ dzeuˇ-iˇ-euˬ meh.

Aˇ dahˬ 8:1

Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ-eu jeˬ zaˬ deuˬ-ahˇ Miˬyehˇ maˬ ngehˇ-a. Aˬ yawꞈ jaˬ lehˇ bi baw laˇ-awˇ, iˇ cuꞈ bi aw-iˇ-euˬ meh.

Aˇ dahˬ 9:1

Noˇaˬ hawˇ-eu aˬ yawꞈ-euˬ aˬ li deuˬ-ahˇ Miˬyehˇ guiˬ lahˬ biꞈ-awˇ, heu loꞈ-ehˇ ehˇ nehˬ-euˬ meh. “Miˇ tsaˬ kʼoeˇ taˆ naw maꞈ-euˬ zaˬ deuˬ dehꞈ byah jawˇ byah jiˇ ngeh keuˆ ni jeuˬ le o le-awˬ.

Aˇ dahˬ 9:18

Saˇ baoˬ laꞈ kʼoeˇ neh doˆ le-euˬ Noˇaˬ-euˬ aˬ li deuˬ-aˬ, Sheˬmaˆ, Haˬmaˇ, Yaˬpahˇ, aˬ ha smˬ mehˇ nmˇ meh. Haˬmaˇ-aˬ, Kaˬnaˬ-euˬ aˬ da meh.

1 Laˬsaˬbaˬ 1:1

Aˬdaˬ-euˬ aˬ li Seˬtaˆ, Seˬtaˆ-euˬ aˬ li Iˇnoˆ, Iˇnoˆ-euˬ aˬ li Gaˬnaˬ,

1 Laˬsaˬbaˬ 1:17

Sheˬmaˆ-euˬ aˬ li deuˬ pyeuꞈ-eu Eˇlamˬ, Aˬshuˇlaˆ, Aˬpaˬshaˇ, Luˇdaˆ, Aˬlamˬ, Uˇzaˆ, Huˇlaˆ, Gaˬdeuˬ, Meˬshehˆ heu deuˬ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ meh.

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Luˇkaꞈ 17:27

Noˇaˬ saˇ baoˬ laꞈ kʼoeˇ uˇ leˇ-awˇ, aˬ yawꞈ maꞈ-ahˇ iˇ cuꞈ dahˬ pymˬ sehꞈ jiˇ-euˬ aˇ nah kʼoeˇ nah-ahˇ keuˆ ni, aˬ yawꞈ maꞈ dzaˬ-awˇ dawˇ-awˇ, miˬ zaˬ laˬ smˇ miˇ iˇ-eu maˬ tsehˆ leˇ-a.

Luˇkaꞈ 3:35

Seˬlawˇ, Yeˬuˇ, Pehˇlehˆ, Eˬbaˬ, Sheˬlahˬ,

Luˇkaꞈ 3:37

Maˬtuˇseˬlah, Iˇnawˆ, Jaˬyehˆ, Maˬhaˬleˬliˆ, Geˇnaˬ,

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

1 Beˬtuˆluˆ 3:20

Bi ka lahˇ taˬ-euˬ saꞈ laˇ kʼoeˇ deuˬ-aˬ, Noˇaˬ saˇ baoˬ jahˇ-euˬ ziˇ kʼoeˇ ziˇ-ahˇ Miˬyehˇ nui ma gʼawˬ mahˇ ni taˬ-awˇ dawˬ-euˬ kʼawꞈ, Miˬyehˇ-euˬ ehˇ dawˬ maˬ naˇ haˬ-euˬ tsawˇ haˬ kʼoeˇ deuˬ-euˬ saꞈ laˇ deuˬ meh. Saˇ baoˬ laꞈ kʼoeˇ uˇ leˇ-euˬ tsawˇ haˬ yehꞈ gʼaˬ tehꞈ-ehˇ Miˬyehˇ neh iˇ cuꞈ-ahˇ bi buˬ-iˇ-euˬ meh.

2 Beˬtuˆluˆ 2:5

Aˇ hu ba miˇ tsaˬ kʼoeˇ taˆ dehꞈ-eu deuˬ-ahˇ kʼawꞈ, Miˬyehˇ maˬ taˬ nehˬ-ehˇ, Miˬyehˇ-ahˇ yaw zeu maˬ baw-eu tsawˇ haˬ deuˬ-ahˇ iˇ cuꞈ bi dahˬ pymˬ-euˬ meh. Yaw tsaˬ yaw dawˇ jeˬ mehˬ-eu gʼaˬ pyeuꞈ-eu Noˇaˬ hawˇ-eu tsawˇ haˬ shiꞈ gʼaˬ-ahˇ tehꞈ-ehˇ aˬ yawꞈ ka kʼoꞈ-euˬ meh.