Luˇkaꞈ 3:14 - Akha

¹⁴ Yehˇdeuˬ kʼawꞈ aˬ yawꞈ-ahˇ naˇ haˬ-eu, “Nga maꞈ toe. Aˬ joˆ-ehˇ ya jahˇ nmˇ.” Aˬ yawꞈ ehˇ-eu, “Aˬ cawˬ-ahˇ nawˬ dzaˬ kʼaˆ dzaˬ-eu jeˬ hawˇ-eu, laˆ dzaˬ gahˇ dzaˬ-eu jeˬ taˬ mˇ. Yawˬ ha za luꞈ-eu ba la aˇ poeˬ-ahˇ nui kʼahˇ shiˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Guirzaq deuq khawf, aqyawf-anr narhaq-eu, “Nga’maf lawr nae aqjox-aer yaghae-eu la?” Khoerngae, Yorhaq, aqyawf maf-anr aernaeq-eu, “Tiqghaq-iq-euq myawq-anr taqkhaeq taq khavgeuf, aqcawq-euq pyur-anr taqmyawf taq shuirdzaq, yawqha zaluf-eu ghaqgar poeq-anr nuikhanr shir-awq.”

Luˇkaꞈ 3:14 ပူးပေါင်းရင်းမြစ်များ

Doˆ-iˇ 20:16

“Aˬ cawˬ gʼaˇ duˬ, maˬ tsaˬ maˬ dawˇ-eu saˇ kiˇ, nawˇ maˬ ya kamˬ-a.

Doˆ-iˇ 23:1

“Aˬ cawˬ gaˇ kawˆ, maˬ ngeuˇ gaˇ keuˆ ni ja bu ja doeˇ-eu jeˬ nawˇ maˬ ya mˇ-a. Maˬ tsaˬ maˬ dawˇ-eu tsawˇ haˬ jawˇ paw pyawˬ-awˇ, maˬ tsaˬ maˬ dawˇ-eu saˇ kiˇ nawˇ maˬ ya kamˬ-a.

Uˬ duˬ 19:11

“Smˇ kʼoeˬ taˬ kʼoeˬ. Tsawˇ gahˇ taˬ gahˇ. Jaˬ myawꞈ taˬ myawꞈ.

Maꞈtehˬ 8:5

Gaˬbeˬneˬoˬ meuˬ-ahˇ Yeˬsuˇ le-awˇ, meuˬ laꞈ kʼoeˇ uˇ leˇ ngeh, Loˇmaˆ yehˇ tiˬ yaˇ gʼaˬ kʼoeˇ taˆ uˆ lahˇ-eu yaw huiˬ yaw mahˇ tiˬ gʼaˬ aˬ yawꞈ jawˇ gaˇ oe-awˇ,

Luˇkaꞈ 19:8

Saˬgehˇ tuˇ-awˇ, Sahˬpaˬ Yeˬsuˇ-ahˇ ehˇ nehˬ-eu, “Sahˬpaˬ-oˇ, ngaˬ-euˬ pyuˇ shuiˇ myawˬ gahˬ tiˬ paˆ, shaˬ-eu zahˬ-eu tsawˇ haˬ deuˬ-ahˇ biꞈ ma. Ngaˬ neh tsawˇ haˬ tiˬ gʼaˬ na-ahˇ tiˬ jeˬ paˬ myawꞈ dzaˬ taˬ-euˬ jaˆ naˇ, oeˬ bymˇ tsoeˬ kʼoꞈ nehˬ ma.”

Luˇkaꞈ 3:10

Tsawˇ haˬ kʼoeˇ deuˬ aˬ yawꞈ-ahˇ naˇ haˬ-eu, “Toˆ-ehˇ ngeuˇ naˇ, nga maꞈ aˬ joˆ-ehˇ ya jahˇ nmˇ.”

Luˇkaꞈ 3:13

Aˬ yawꞈ ehˇ-eu, “Naw maꞈ kawˬ taꞈ ngeh, taꞈ paˬ-ehˇ gʼeh-eu uˬ tahꞈ-ehˇ aˇ dzehˬ taˬ taꞈ.”

Gʼaˬkʼehˇ 10:7

Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ gʼoꞈ doˆ-iˇ-euˬ meh. Gawˬneˬliˇ-aˬ, aˬ yawꞈ-euˬ zaˬ kʼaˆ nyiˬ gʼaˬ hawˇ-eu yehˇ tiˬ gʼaˬ-ahˇ kuˇ-euˬ meh. Yehˇ kʼoeˇ gʼaˬ-aˬ, guiˬ lahˬ saꞈ laˇ paw gʼaˬ kʼaˆ-awˇ, aˬ yawꞈ-euˬ kuiˇ laꞈ geuꞈ luꞈ-eu yehˇ tiˬ gʼaˬ meh.

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

Piˇliˇpiˆ 4:11

Naw maꞈ ngaˬ-ahˇ byehˇ dzeh nehˬlaꞈ-euˬ meh lehˇ noeˬ-eu baˬ da neh ngaˇ heu loꞈ-ehˇ ehˇ-eu maˬ ngeuˇ. Aˬ jeˬ miˇ neh ehˇ naˇ, ngaˇ-aˬ, yawˬ ha kʼaˇ jaˆ-eu myaˆ ni tehꞈ-ehˇ kʼawꞈ dehꞈ nya jawˇ nya laˇ-euˬ tsawˇ haˬ ma.

Tiˇtuˆ 2:3

Kʼoeˇ loꞈ-ehˇ duˇ ni, tsawˇ kʼaˆ kʼaˆ laˇ-euˬ zaˬ miˬ zaˬ deuˬ-ahˇ kʼawꞈ, muiˬ-eu shawˇ-eu zaˬ miˬ zaˬ deuˬ loꞈ-ehˇ dehꞈ nya jawˇ nya ni mehˬ nehˬ-awˬ. A cawˬ gaˇ kawˆ ja bu ja doeˇ-eu tsawˇ haˬ hawˇ-eu aˬ gaꞈ dzaˇ uiˇ-euˬ zaˬ kʼaˆ maˬ ya bi pyeuꞈ ni, yaw muiˬ jeˬ mehˬ-eu tsoˆ-eu tsawˇ haˬ ya bi pyeuꞈ meh.

Panmaeq 12:10

Kʼoeˇ naˇ, mˬ kʼoeˇ taˆ teˇ saˇ yaw kʼaˆ-ehˇ heu loꞈ-ehˇ ehˇ gaˇ ngaˇ ya gaˬ-euˬ ma. “Miˬyehˇ-euˬ ka kʼoꞈ-eu jeˬ nymˬ-mˇ keuˆ le taˬ-euˬ meh. Miˬyehˇ aˬ yawꞈ Sahˬpaˬ pyeuꞈ-eu gaˇ kawˆ, aˬ yawꞈ-euˬ baoˬ nymˬ-mˇ bi mawˇ laꞈ-euˬ meh. Aˬ yawꞈ-euˬ Ka li kʼawꞈ, uˆ lahˇ-eu baoˬ bi mawˇ laꞈ-euˬ meh. Aˬ jeˬ miˇ neh ehˇ naˇ, Miˬyehˇ-euˬ mehˬ shi yawꞈ-awˇ, aˬ dui-euˬ aˬ yuiꞈ aˬ nyiˇ Ka li zaˬ deuˬ-ahˇ uˬ ciꞈ nah gʼahˇ maˬ ehˇ iˬ baˇ poˆ luꞈ-eu gʼaˬ-aˬ, mˬ-ahˇ neh bi biˬ ka-euˬ meh.