Luˇkaꞈ 24:41 - Akha

⁴¹ Aˬ yawꞈ maꞈ zahˬ leˇ-awˇ laˬ kʼaˬ cehˇ dui dui kʼawꞈ, maˬ jah duˬ nya-ehˇ shaˬ luꞈ-eu meh. Kʼoeˇ miˇ neh, “Dzaˬ-eu tiˬ jeˬ paˬ maˬ jaˆ loˇ” lehˇ, aˬ yawꞈ maꞈ-ahˇ aˬ yawꞈ naˇ haˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Aqyawfmaf laqkhaq caer-awr zanqler taq-euq baqda’nae, maq janni jawrluf ngae, Yeqsur, aqyawf maf-anr aernaeq-eu, “Nawmaf, heugar dzaq-eu jeq tiqjeqpaq maqjav laq?”

Luˇkaꞈ 24:41 ပူးပေါင်းရင်းမြစ်များ

Yawˇbaˆ 9:16

Aˬ yawꞈ ngaˬ-ahˇ dawˬ bi ngehˬ laꞈ law hawˇ kʼawꞈ, ngaˬ-euˬ dawˬ-ahˇ aˬ yawꞈ naˇ haˬ tehꞈ-a lehˇ maˬ jah nya.

Maˬkuˆ 16:11

Yeˬsuˇ yaw dehꞈ-ehˇ jawˇ gaˇ aˬ yawꞈ ya mawˇ-euˬ gaˇ kawˆ, aˬ yawꞈ maˬ-ahˇ dzawˇ nehˬ ngeh, aˬ yawꞈ maˬ maˬ jah-a.

Maˬkuˆ 16:13

Aˬ yawꞈ nyaꞈ gʼoꞈ leˇ-awˇ, nui deuˬ-ahˇ dzawˇ mehˬ-euˬ meh. Ehˇ kʼawꞈ, aˬ yawꞈ maꞈ maˬ jah-a.

Maˬkuˆ 16:14

Aˇ saˬ saˬ-eu poˆ, zaˬ lahˇ tseˇ tiꞈ gʼaˬ hawˬ dzaˬ dzaˬ luꞈ gaˇ Yeˬsuˇ gʼawˇ mawˇ bi mawˇ le-euˬ meh. Aˬ yawꞈ maꞈ maˬ jah ni nui ma gʼahˇ gaˇ aˬ yawꞈ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ gʼoꞈ dehꞈ laˇ-awˇ jawˇ gaˇ ya mawˇ-euˬ deuˬ neh dzawˇ nehˬ-euˬ dawˬ-ahˇ aˬ yawꞈ maꞈ maˬ jah-a.

Maˬkuˆ 8:7

Aˬ yawꞈ maꞈ ngaˬ shaˬ shaˬ zaˬ heu myaˆ mawˇ paˇ ahˇ-eu meh. Kʼoeˇ-euˬ gʼaˇ duˬ, Miˬyehˇ-euˬ guiˬ lahˬ-ahˇ Yeˬsuˇ paˇ ja ceuˬ-awˇ, aˬ yawꞈ-euˬ zaˬ lahˇ deuˬ-ahˇ kʼehˇ-awˇ, tsawˇ haˬ aˇ maꞈ-ahˇ ngaˬ shaˬ kʼoeˇ paˇ bi biˇ nehˬ-euˬ meh.

Luˇkaꞈ 24:11

Ehˇ kʼawꞈ, maˬ ngeuˇ gaˇ ehˇ-eu nga lehˇ noeˬ-awˇ, Gʼaˬ kʼehˇdeuˬ maˬ jah-a.

Luˇkaꞈ 24:40

Aˬ yawꞈ kʼoeˇ loꞈ-ehˇ ehˇ gʼaˬ-awˇ, aˬ yawꞈ maꞈ-ahˇ aˬ yawꞈ-euˬ aˬ kuiˇ aˬ laꞈ bi haw-euˬ meh.

Luˇkaꞈ 24:42

Aˬyawꞈ maꞈ aˬ yawꞈ-ahˇ ngaˬ sha tehˬ ba-euˬ biꞈ nehˬ-euˬ meh.

Yoˇhaˬ 16:22

Naw maꞈ kʼawꞈ, kʼoeˇ gaˇ duˇ-eu meh. Nymˬ-mˇ naw maꞈ ya noeˬ shaˬ-eu meh. Ehˇ kʼawꞈ, naw maꞈ-ahˇ ngaˇ paˇ haw mawˇ le ngeh, naw maꞈ laˬ kʼaˬ cehˇ dui dui tehꞈ-a. Kʼoeˇ ngeh jawˇ, naw maꞈ laˬ kʼaˬ cehˇ-eu jeˬ-ahˇ tiˬ gʼaˬ-iˬ maˬ paˇ lu doˆ geuꞈ gʼeh nya-aˇ.

Yoˇhaˬ 21:5

“Zaˬ guˬ deuˬ-oˇ, ngaˬ shaˬ dzeh mi maˬ loˇ” lehˇ Yeˬsuˇ naˇ haˬ ngeh, “Maˬ dzeh mi-aˬ” lehˇ aˬ yawꞈ maꞈ ehˇ kʼoꞈ nehˬ-euˬ meh.

Gʼaˬkʼehˇ 12:14

Beˬtuˆluˆ-euˬ teˇ saˇ-ahˇ aˬ yawꞈ gʼoˆ siˬ-awˇ, laˬ kʼaˬ cehˇ dui dui-eu miˇ neh laˇ gʼoˆ pah nehˬ-eu maˬ noeˬ ni iˇ kahˇ laꞈ kʼoeˇ paˇ cehˆ uˇ gʼeh-awˇ, Beˬtuˆluˆ laˇ gʼoˆ dawˬ peh yawꞈ luꞈ meh lehˇ ehˇ gaˬ nehˬ-euˬ meh.