Luˇkaꞈ 24:21 - Akha

²¹ Aˬ yawꞈ Iˇsaˬleˬlaˆ tsawˇ jeuˬ-ahˇ ka kʼoꞈ tehꞈ-a lehˇ nga maꞈ jah-euˬ ma. Kʼoeˇ uˬ taꞈ, kʼoeˇ loꞈ-ehˇ pyeuꞈ dzeuˇ yaꞈ-euˬ smˬ nah byah laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aqyawf-aq, Irsaqleqlav tsawrjeuq tsawrca-anr kakhof le-eu ghaq ngeur-eu paq laer nga’maf noeqtmq-euq ma. Khoeruqtaf, garkawv heudeuq pyeuflar-euq-aq, iqnan smq nan byanlar-euq mae.

Luˇkaꞈ 24:21 ပူးပေါင်းရင်းမြစ်များ

Jaceuq 130:8

Aˬ yawꞈ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ-ahˇ, iˬ baˇ dawˬ tawˆ luꞈ laꞈ kʼoeˇ aˬ yawꞈ ka kʼoꞈ tehꞈ-a.

Iˇsaˬyaˇ 59:20

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-ahˇ ngehˬ gʼeh-eu gʼaˇ duˬ hawˇ-eu, iˬ baˇ kʼaˇ noeˬ poˆ-eu tsawˇ haˬ dawˬ tawˆ luꞈ-ahˇ, ka kʼoꞈ-eu gʼaˇ duˬ ngaˇ oe ma.

Luˇkaꞈ 1:68

“Aˬ yawꞈ-euˬ tsawˇ haˬ deuˬ shaˬ gaˇ, ka kʼoꞈ doˆ nehˬ le-euˬ miˇ neh, Iˇsaˬleˬlaˆ Miˬyehˇ pyeuꞈ-eu, SahˬpaˬMiˬyehˇ-ahˇ ja ceuˬ ma.

Luˇkaꞈ 2:38

Aˇ yamˬ kʼoeˇ yamˬ nyiˬ paˆ-ehˇ aˬ yawꞈ laˇ keuˆ-awˇ, Miˬyehˇ-ahˇ ja ceuˬ-awˇ, Yeˬluˇsaˬlehˬ meuˬ-ahˇ Miˬyehˇ bi buˬ-iˇ gaˇ noeˬ tmˬ luꞈ-eu tsawˇ haˬ dawˬ tawˆ luꞈ-ahˇ, zaˬ nahˬ kʼoeˇ gʼaˬ-euˬ gaˇ kawˆ aꞈ yawꞈ ja mehˬ-euˬ meh.

Gʼaˬkʼehˇ 1:6

Zaˬ lahˇ deuˬ tiˬ gaˇ uiˬ leˇ-awˇ Yeˬsuˇ-ahˇ ya tahˬ dzoeˇ ngeh heu loꞈ-ehˇ naˇ haˬ-euˬ meh. “Sahˬpaˬ-oˇ, nymˬ-mˇ poˆ jawˇ Miˇ kʼahˬ heu kʼahˬ Iˇsaˬleˬlaˆ tsawˇ jeuˬ-ahˇ nawˇ biꞈ kʼoꞈ-eu lehˇ gʼeh-eu ma loˇ.”

Gʼaˬkʼehˇ 7:28

Miˇ nah Iˇjiˇtuˆ tsawˇ haˬ kʼoeˇ gʼaˬ-ahˇ nawˇ sehꞈ-euˬ loꞈ-ehˇ, ngaˬ-ahˇ paˇ sehꞈ-eu gʼeh te loˇ.’

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.