Luˇkaꞈ 23:39 - Akha

³⁹ Kʼoeˇ gaˇ bi taꞈ tehˬ taˬ-euˬ tsawˇ haˬ yaw haiˬ kʼoeˇ tiˬ gʼaˬ Yeˬsuˇ-ahˇ yehˬ bawˬ sehˇ lu-ehˇ ehˇ-eu, “Nawˇ Ka li maˬ ngeuˇ loˇ. Yawˬ haˇ yawˬ ha ka kʼoꞈ-awˇ, nga nyaꞈ-ahˇ kʼawꞈ ka kʼoꞈ nehˬ laꞈ-awˬ tawˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Khoerngae, tiqkawv lof-aer bi taftaeq taq-euq yawbanq jeq mr-euq nyiq ghaq-anr nae tiq ghaq, Yeqsur-anr yaeqbawq saerlu-aer aer-eu, “Nawr, Kali ngeur mar-iq, yawqhar yawqha bibuq-ir-awr, nga’nyaf-anr khawf bibuq-ir naeqlaf-awq.”

Luˇkaꞈ 23:39 ပူးပေါင်းရင်းမြစ်များ

Maꞈtehˬ 27:44

Aˬ yawꞈ nehˬ-ehˇ tiˬ kawˆ loꞈ-ehˇ laꞈ yaꞈ kʼoeˇ taˆ bi taꞈ tehˬ taˬ-euˬ tahˇ joe kʼoeˇ nyiˬ gʼaˬ kʼawꞈ, aˬ yawꞈ-ahˇ kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu meh.

Maˬkuˆ 15:32

Iˇsaˬleˬlaˆ tsawˇ jeuˬ-euˬ sahˬ paˬ pyeuꞈ-eu Ka li heu gʼaˬ, hehˬ nymˬ-mˇ laꞈ yaꞈ kʼoeˇ taˆ neh zaꞈ ka le gaˇ ya mawˇ law nmˇ-aˬ, aˬ dui maꞈ aˬ yawꞈ-ahˇ jah ma ehˇ lawˬ.” Aˬ yawꞈ nehˬ-ehˇ laꞈ yaꞈ kʼoeˇ taˆ bi taꞈ tehˬ taˬ-euˬ kʼoeˇ nyiˬ gʼaˬ kʼawꞈ, aˬ yawꞈ-ahˇ yehˬ bawˬ sehˇ lu-ehˇ ehˇ-eu meh.

Luˇkaꞈ 23:35

Tsawˇ haˬ gʼawˬ mya ni kʼoeˇ gaˇ yawꞈ-awˇ haw luꞈ ngeh, Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ naˬ gʼa naˬ gʼa-ehˇ ehˇ-eu, “Aˬ yawꞈ aˬ cawˬ-ahˇ ka kʼoꞈ-euˬ meh. Aˬ yawꞈ-aˬ, Miˬyehˇ neh Tseˇ doˆ-euˬ Gʼaˬ lehˇ ehˇ-eu Ka li ngeuˇ naˇ, yawˬ haˇ yawˬ ha ka kʼoꞈ luꞈ-uˇ.”

Luˇkaꞈ 23:37

“Nawˇ Yuˇdaˆ tsawˇ haˬ-euˬ sahˬ paˬ ngeuˇ naˇ, yawˬ haˇ yawˬ ha ka kʼoꞈ-awˬ tawˇ.”

Luˇkaꞈ 23:40

Ehˇ kʼawꞈ, aˬ yawꞈ-euˬ cawˬ kʼoeˇ gʼaˬ aˬ yawꞈ-ahˇ dehˬ-awˇ ehˇ-eu, “Nawˇ Miˬyehˇ-ahˇ maˬ guˆ nya loˇ. Nawˇ gʼeh aˬ yawꞈ loꞈ-ehˇ bi sehꞈ-eu gʼaˇ duˬ bi daˇ tsehˆ taˬ-euˬ tsawˇ haˬ maˬ ngeuˇ te loˇ.