Luˇkaꞈ 23:22 - Akha

²² Sahˬ paˬ Piˇlaˆ aˬ yawꞈ maꞈ-ahˇ smˬ poˆ tiˬ poˆ paˇ shaˇ-awˇ ehˇ-eu, “Aˬ yawꞈ mˇ lehˬ mˇ ca-euˬ aˬ jeˬ jaˆ ta. Aˬ yawꞈ ya shiˇ paˬ-ehˇ mˇ lehˬ taˬ-euˬ tiˬ jeˬ-iˬ ngaˇ maˬ ya mawˇ-aˬ. Aˬ yawꞈ-ahˇ ngaˇ yahˬ caˆ neh bi juiꞈ-awˇ pyehˬ nehˬ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoerngae, Pirlav smq pov tiqpov aqyawf maf-anr aernaeq-eu, “Aqjeq mirnae bi tafsaef mawf-eu nya? Aqyawf yawdoer jeq mrtaq-euq aqgeu jeq jav-eu la? Ngar, aqyawf-euq lafkhoer shir paq-aer mrbanq taq-euq yawbanq tiqjeq-iq maq povmawr-aq. Khoermirnae, ngar, aqyawf-anr diq-awr pyaeqnaeq ma.”

Luˇkaꞈ 23:22 ပူးပေါင်းရင်းမြစ်များ

Luˇkaꞈ 23:14

Aˬ yawꞈ maꞈ-ahˇ aˬ yawꞈ ehˇ nehˬ-eu, “Tsawˇ haˬ heu gʼaˬ miˇ kʼahˬ zaˬ deuˬ-ahˇ gaˇ ma sheuˬ bahˬ-euˬ meh lehˇ naw maꞈ ehˇ-awˇ ngaˇ jawˇ gaˇ sheuˬ laꞈ-euˬ meh. Naw maꞈ-euˬ mehˬ shi aˬ yawꞈ-ahˇ ngaˇ naˇ haˬ-awˇ pyehˆ tseˇ haw ngeh, naw maꞈ ehˇ-eu loꞈ-ehˇ lehˬ-eu ca-eu ngaˇ maˬ mawˇ-aˬ.

Luˇkaꞈ 23:16

Kʼoeˇ miˇ neh, aˬ yawꞈ-ahˇ yahˬ caˆ neh bi juiꞈ-awˇ pyehˬ nehˬ ma.”

Luˇkaꞈ 23:20

Sahˬ paˬ Piˇlaˆ-aˬ, Yeˬsuˇ-ahˇ pyehˬ nehˬ mawꞈ-eu miˇ neh, aˬ yawꞈ maꞈ-ahˇ tiˬ poˆ paˇ shaˇ-euˬ meh.

Luˇkaꞈ 23:21

Ehˇ kʼawꞈ, aˬ yawꞈ maꞈ paˇ guˇ-eu, “Laꞈ yaꞈ kʼoeˇ taˆ taꞈ sehꞈ-awˬ. Laꞈ yaꞈ kʼoeˇ taˆ taꞈ sehꞈ-awˬ.”

Luˇkaꞈ 23:23

Ehˇ kʼawꞈ, Yeˬsuˇ-ahˇ laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ, aˬ yawꞈ maꞈ gʼaˬ kʼaˇ jaˆ-eu shaˇ shaˇ-ehˇ guˇ-eu miˇ neh, aˇ saˬ saˬ laˇ ngeh aˬ yawꞈ maꞈ neh guˇ gʼaˬ-euˬ meh.

Luˇkaꞈ 23:4

Kʼoeˇ naˇ, piˇ ma aˬ yuiꞈ deuˬ hawˇ-eu tsawˇ haˬ aˇ maꞈ maꞈ ma-ahˇ sahˬ paˬ Piˇlaꞈ ehˇ nehˬ-eu, “Tsawˇ haˬ heu gʼaˬ lehˬ-eu ca-eu ngaˇ maˬ mawˇ-aˬ.”

1 Beˬtuˆluˆ 1:19

Maˇ byawꞈ maˇ naˇ tiˬ pawꞈ-iˬ maˬ baw-eu yawˇ zaˬ-ahˇ duˇ-eu Ka li aˬ yawꞈ-euˬ shiˬ lawˇ dah-euˬ miˇ neh, aˇ poeˬ kʼaˆ dui dui-eu jeˬ neh naw maꞈ-ahˇ zeuˇ kʼoꞈ taˬ-euˬ jeˬ pyeuꞈ-eu meh.

1 Beˬtuˆluˆ 3:18

Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.