Luˇkaꞈ 23:13 - Akha

¹³ Piˇ ma aˬ yuiꞈ deuˬ, aˬ yuiꞈ aˬ tsu deuˬ hawˇ-eu, miˇ kʼahˬ zaˬ deuˬ-ahˇ sahˬ paˬ Piˇlaˆ neh kuˇ uiˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoerngae, Pirlav, pirma aqyuif deuq, aqyuif geuf-eu deuq hawr-eu tsawrhaq baqmaf-anr kuruiq-awr,

Luˇkaꞈ 23:13 ပူးပေါင်းရင်းမြစ်များ

Maˬkuˆ 15:14

Sahˬ paˬ Piˇlaˆ ehˇ-eu, “Aˬ yawꞈ neh mˇ bahˬ taˬ-euˬ aˬ jeˬ jaˆ ta.” Aˬ yawꞈ maꞈ yaw kʼaˆ-ehˇ paˇ guˇ-awˇ ehˇ-eu, “Laꞈ yaꞈ kʼoeˇ taˆ taꞈ sehꞈ-awˬ.”

Luˇkaꞈ 23:35

Tsawˇ haˬ gʼawˬ mya ni kʼoeˇ gaˇ yawꞈ-awˇ haw luꞈ ngeh, Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ naˬ gʼa naˬ gʼa-ehˇ ehˇ-eu, “Aˬ yawꞈ aˬ cawˬ-ahˇ ka kʼoꞈ-euˬ meh. Aˬ yawꞈ-aˬ, Miˬyehˇ neh Tseˇ doˆ-euˬ Gʼaˬ lehˇ ehˇ-eu Ka li ngeuˇ naˇ, yawˬ haˇ yawˬ ha ka kʼoꞈ luꞈ-uˇ.”

Luˇkaꞈ 24:20

Aˬ yawꞈ-ahˇ sehꞈ-eu lehˇ yaˇ kʼaˬ bi daˇ tsehˆ-eu gʼaˇ duˬ, nga maꞈ-euˬ piˇ ma aˬ yuiꞈ deuˬ hawˇ-eu sahˬ paˬ sahˬ ma deuˬ neh a dzeh nehˬ-awˇ, laꞈ yaꞈ kʼoeˇ taˆ bi taꞈ sehꞈ-euˬ meh.

Yoˇhaˬ 12:42

Yuˇdaˆ tsawˇ haˬ aˬ yuiꞈ aˬ tsu deuˬ laꞈ kʼoeˇ kʼawꞈ, Yeˬsuˇ-ahˇ jah-eu gʼawˬ mya ni jawˇ-eu meh. Ehˇ kʼawꞈ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni Paˬliˬsehˇ deuˬ teh dzeh laˇ gaˇ guˆ-eu miˇneh, bya cehˆ ni maˬ ehˇ doˆ peuˬ-a.

Yoˇhaˬ 18:38

Sahˬ paˬ Piˇlaˆ ehˇ-eu, “Yaw tsaˬ yaw dawˇ ehˇ-eu aˬ jeˬ-a.”

Yoˇhaˬ 19:4

Sahˬpaˬ Piˇlaˆ tiˬ poˆ paˇ iˇ doˆ-awˇ, tsawˇ haˬ aˇ maꞈ-ahˇ heu loꞈ-ehˇ ehˇ nehˬ-euˬ meh, “Naˇ haˬ sheˇ. Tsawˇ haˬ heu gʼaˬ-euˬ yaw lehˬ ngaˇ maˬ poˆ mawˇ nya-euˬ naw maꞈ ya siˬ duˬ ni, aˬ yawꞈ-ahˇ naw maꞈ jawˇ gaˇ sheuˬ doˆ nehˬ leꞈ ma.”

Yoˇhaˬ 3:1

Niˇgawˇdeˬ lehˇ myahˇ-euˬ Yuˇdaˆ tsawˇ haˬ aˬ yuiꞈ aˬ tsu tiˬ gʼaˬ jawˇ-eu meh. Aˬ yawꞈ-aˬ, Paˬ liˬ sehˇ aˇ muˇ-ahˇ uˇ-eu tsawˇ haˬ tiˬ gʼaˬ meh.

Yoˇhaˬ 7:26

Haw sheˇ. Aˬ yawꞈ tsawˇ haˬ heu myaˆ ni gʼeh-eu mehˬ shi bya cehˆ ni dawˬ ngehˬ kʼawꞈ, aˬ yawꞈ maꞈ aˬ yawꞈ-ahˇ tiˬ jeˬ-iˬ maˬ ehˇ nehˬ nga tawˇ. Aˬ yawꞈ Meˬsiˇya pyeuꞈ-eu ngaˇ lehˇ aˬ yuiꞈ aˬ tsu deuˬ siˬ duˬ-eu miˇ neh nga loˇ.

Yoˇhaˬ 7:48

Aˬ yuiꞈ aˬ tsu deuˬ hawˇ-eu Paˬliˬsehˇ deuˬ laꞈ kʼoeˇ aˬ yawꞈ-ahˇ jah-eu tsawˇ haˬ tiˬ gʼaˬ na mawˇ haw teˬ loˇ.

Gʼaˬkʼehˇ 13:27

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu aˬ yawꞈ maꞈ-euˬ aˬ yuiꞈ aˬ tsu deuˬ-aˬ, aˬ yawꞈ Ka kʼoꞈ-eu gʼaˬ pyeuꞈ-eu gaˇ kawˆ siˬ nya-eu maˬ ngeuˇ-a. Jawˇ nah aˬ yawꞈ nah yawꞈ gui luꞈ-eu Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ kʼawꞈ, aˬ yawꞈ maꞈ maˬ siˬ nya-a. Ehˇ kʼawꞈ, aˬ yawꞈ maꞈ Yeˬsuˇ-ahˇ muiˇ-eu laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ byah laˇ ni jahˇ-euˬ meh.

Gʼaˬkʼehˇ 3:17

“Aˬ yuiꞈ aˬ nyiˇ deuˬ-oˇ, naw maꞈ hawˇ-eu naw maꞈ-euˬ aˬ yuiꞈ aˬ tsu deuˬ neh Yeˬsuˇ-ahˇ jahˇ nehˬ-euˬ heu-aˬ, naw maꞈ maˬ siˬ nya-eu miˇ neh meh lehˇ ngaˇ siˬ duˬ ma.

Gʼaˬkʼehˇ 4:5

Yawˬ nah yawˬ-ahˇ, Yuˇdaˆ tsawˇ haˬ aˬ yuiꞈ aˬ tsu deuˬ, tsawˇ mawˬ tsawˇ kʼaˆ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, Yeˬluˇsaˬlehˬ meu laꞈ kʼoeˇ uiˬ laˇ-euˬ meh.

Gʼaˬkʼehˇ 4:8

Kʼoeˇ ngeh, Beˬtuˆluˆ-aˬ, Muiˬ-eu shawˇ-eu Yaw sahˇ Miˬyehˇ aˬ yawꞈ laꞈ kʼoeˇ tiˬ byah ni ahˇ-awˇ, aˬ yawꞈ maꞈ-ahˇ heu loꞈ-ehˇ ehˇ kʼoꞈ nehˬ-euˬ meh. “Miˇ kʼahˬ za-euˬ aˬ yuiꞈ aˬ tsu deuˬ hawˇ-eu tsawˇ mawˬ tsawˇ kʼaˆ deuˬ-oˇ,