Luˇkaꞈ 22:36 - Akha

³⁶ Yeˬsuˇ ehˇ-eu, “Ehˇ kʼawꞈ, nymˬ-mˇ poˆ jawˇ-aˬ, pyuˇ pawˬ behˆ kʼaˇ ahˇ-eu tsawˇ haˬ, pyuˇ pawˬ behˆ pi gʼeh-awˬ. Pehˇ tahˬ jaˆ-eu tsawˇ haˬ kʼawꞈ, shaꞈ gʼeh-awˬ. Mi cehˇ maˬ ahˇ-eu tsawˇ haˬ, yawˬ ha-euˬ pehˇ kʼahˬ ahˬ-awˇ mi cehˇ zeuˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Yeqsur, aqyawf maf-anr heulof-aer aernaeq-euq mae: “Aerkhawf, nymq-mr povjawr-aq, pyur pawqbaev jav-eu deuq yurghae-awr, paertanr jav-eu deuq khawf shaf ghae-awq. Micaer maqjav-eu deuq maeqtsoeq anq-awr micaer zeur-ir-awq.

Luˇkaꞈ 22:36 ပူးပေါင်းရင်းမြစ်များ

Maꞈtehˬ 10:10

Pehˇ tahˬ maˬ ehˇ, pehˇ kʼahˬ hawˇ-eu sehˬ nawˆ aˇ dzehˬ maˬ ehˇ, gawˬ yoeˬ maˬ ehˇ, yuˇ gʼeh-eu maˬ loˬ-a. Aˬ jeˬ miˇ neh ehˇ naˇ, gaˇ mˇ-eu tsawˇ haˬ-aˬ, yawˬ ha kʼaˇ loˬ-eu jeˬ za geuˇ-eu meh.

Luˇkaꞈ 22:35

Kʼoeˇ naˇ, Yeˬsuˇ aˬ yawꞈ-euˬ zaˬ lahˇ deuˬ-ahˇ ehˇ nehˬ-eu, “Ngaˇ naw maꞈ-ahˇ, pyuˇ pawˬ behˆ, pehˇ tahˬ, sehˬ nawˆ, heu deuˬ maˬ bi yuˇ ni kʼehˇ gʼeh ngeh, naw maꞈ tiˬ jeˬ paˬ loˬ-euˬ jaˆ te loˇ.” Aˬ yawꞈ maꞈ ehˇ-eu, “Tiˬ jeˬ-iˬ maˬ loˬ-aˬ.”

Luˇkaꞈ 22:37

Aˬ jeˬ miˇ neh ehˇ naˇ, ‘Aˬ yawꞈ-ahˇ smˇ kʼoeˬ tahˇ joe loꞈ-ehˇ sawˇ nehˬ tehꞈ-a’ lehˇ ehˇ-eu dawˬ kʼoeˇ dawˬ ngaˬ-euˬ kʼoeˇ taˆ keuˆ le tehꞈ-a. Ngaˬ-euˬ gaˇ kawˆ kʼaˇ boꞈ taˬ-euˬ jeˬ byah laˇ meh.”

Luˇkaꞈ 22:38

Zaˬ lahˇ deuˬ ehˇ-eu, “Sahˬpaˬ-oˇ, haw sheˇ. Heu gaˇ mi cehˇ nyiˬ kahˇ ahˇ ma,” Yeˬsuˇ ehˇ-eu, “Gʼaˬ tehꞈ-a.”

Yoˇhaˬ 15:20

‘Baw leˬ naˆ maˬ tseˇ huiˬ dzehˬ-eu zaˬ kʼaˆ maˬ jawˇ-a’ lehˇ ngaˬ neh naw maꞈ-ahˇ ehˇ nehˬ-euˬ dawˬ-ahˇ taˬ ngehˇ. Aˬ yawꞈ maꞈ ngaˬ-ahˇ kʼehˬ nehˬ kʼaˆ nehˬ laꞈ-euˬ-aˬ, naw maꞈ-ahˇ kʼawꞈ kʼehˬ nehˬ kʼaˆ nehˬ laꞈ tehꞈ-a. Aˬ yawꞈ maꞈ ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ naˇ, naw maꞈ neh mehˬ nehˬ tsoˆ nehˬ-euˬ dawˬ-ahˇ kʼawꞈ naˆ haˬ geuꞈ tehꞈ -a.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

1 Teˇsaˬloˇni 3:4

Kʼoeˇ miˇ neh, naw maꞈ nehˬ-ehˇ nga maꞈ jawˇ ngeh neh, kʼehˬ-eu kʼaˆ-eu jeˬ-ahˇ aˬ dui ya daˬ tehꞈ-a lehˇ naw maꞈ-ahˇ ehˇ nehˬ-euˬ ma. Kʼaˇ ehˇ-euˬ loꞈ-ehˇ keuˆ le teuˇ le luꞈ-eu naw maꞈ siˬ duˬ mawˇ duˬ luꞈ meh.

1 Beˬtuˆluˆ 4:1

Ka li-euˬ shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ-aˬ, naw maꞈ kʼawꞈ aˬ yawꞈ noeˬ-eu loꞈ-ehˇ noeˬ nya ni lehˬ hmˬ taˬ-awˬ. Aˬ jeˬ miˇ neh ehˇ naˇ, shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ tsawˇ haˬ-aˬ, iˬ baˇ-ahˇ ziˇ tsehˆ-euˬ meh.