Luˇkaꞈ 22:35 - Akha

³⁵ Kʼoeˇ naˇ, Yeˬsuˇ aˬ yawꞈ-euˬ zaˬ lahˇ deuˬ-ahˇ ehˇ nehˬ-eu, “Ngaˇ naw maꞈ-ahˇ, pyuˇ pawˬ behˆ, pehˇ tahˬ, sehˬ nawˆ, heu deuˬ maˬ bi yuˇ ni kʼehˇ gʼeh ngeh, naw maꞈ tiˬ jeˬ paˬ loˬ-euˬ jaˆ te loˇ.” Aˬ yawꞈ maꞈ ehˇ-eu, “Tiˬ jeˬ-iˬ maˬ loˬ-aˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Yeqsur, aqyawf maf-anr aernaeq-eu, “Ngar, nawmaf-anr pyur pawqbaev, paertanr hawr-eu saeqnawv maqyurni ir-awq laer khaerghae ngae, nawmaf-anr tiqjeqpaq mawflar-euq la laq?” Aqyawfmaf aer-eu, “Tiqjeq-iq maq mawflar-aq.”

Luˇkaꞈ 22:35 ပူးပေါင်းရင်းမြစ်များ

Aˇ dahˬ 48:15

Kʼoeˇ naˇ, Yaˬkoˆ neh Yoˇsehˆ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Ngaˬ bawˇ Aˬbyaˬhaˬ hawˇ-eu ngaˬ da Iˇtsaˆ uˬ duˬ tahˬ-euˬ Miˬyehˇ, aˬ li heu nyiˬ li-ahˇ guiˬ lahˬ biꞈ luꞈ-uˇ. Iˬ nah keuˆ ni ngaˬ-ahˇ sheuˬ gʼeh luꞈ-eu Miˬyehˇ, aˬ yawꞈ nyaꞈ-ahˇ dawˬ ngehˬ gʼeh nehˬ luꞈ-uˇ.

1 Sahˬpaˬ 11:22

“Nawˇ aˬ jeˬ miˇ neh gʼoꞈ leˇ mawꞈ-eu nya. Ngaˬ neh nawˬ-ahˇ tiˬ jeˬ paˬ maˬ mˇ byah nehˬ-euˬ jaˆ ta loˇ. Kʼoeˇ miˇ neh nawˇ gʼoꞈ leˇ mawꞈ te loˇ” lehˇ, aˬ yawꞈ-ahˇ sahˬ paˬ ehˇ-eu meh. Ehˇ kʼawꞈ, Haˬdaˇ gʼaˬ aˬ yawꞈ-ahˇ bi gʼoꞈ leˇ laꞈ lehˇ paˇ ehˇ-awˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Eˬdoˬ miˇ kʼahˬ-euˬ sahˬ paˬ pyeuꞈ-eu Haˬdaˇ-aˬ, Iˇsaˬleˬlaˆ miˇ kʼahˬ-ahˇ muiˇ-eu haiˬ-eu tsawˇ haˬ tiˬ gʼaˬ pyeuꞈ-eu meh.

Jaceuq 23:1

SahˬpaˬMiˬyehˇngaˬ-ahˇbo-eu, yawˇbo-eu yaw sahˇmeh. Ngaˇtiˬ jeˬ-iˬloˬ-eu maˬjaˆ.

Jaceuq 37:3

SahˬpaˬMiˬyehˇ-ahˇnawˇgʼoe-awˇ, yaw muiˬjeˬ-ahˇmˇ-awˬshaˇ-awˬ. Miˇkʼahˬheu kʼahˬnawˇya jawˇ-awˇ, nui saˇ oꞈ-awˇya dehꞈtehꞈ-a.

Luˇkaꞈ 10:4

Pyuˇ pawˬ behˆ, pehˇ tahˬ, sehˬ nawˆ, heu deuˬ taˬ yuˇ gʼeh. Gaˇ pehˇ-ahˇ tahˬ puˬ le-eu tsawˇ haˬ deuˬ-ahˇ dawˬ cawˬ puˬ puˬ-ehˇ taˬ jawˇ.

Luˇkaꞈ 22:34

Yeˬsuˇ ehˇ-eu, “Beˬtuˆluˆ-oˇ, ngaˇ nawˬ-ahˇ heu loꞈ-ehˇ ehˇ-eu ma. Nymˇ ciꞈ ya poeˇ maˬ doeˇ laˇ mi naˆ-ehˇ, ngaˬ-ahˇ maˬ siˬ lehˇ, smˬ poˆ keuˆ ni nawˇ pyehˇ tehꞈ-a.”

Luˇkaꞈ 22:36

Yeˬsuˇ ehˇ-eu, “Ehˇ kʼawꞈ, nymˬ-mˇ poˆ jawˇ-aˬ, pyuˇ pawˬ behˆ kʼaˇ ahˇ-eu tsawˇ haˬ, pyuˇ pawˬ behˆ pi gʼeh-awˬ. Pehˇ tahˬ jaˆ-eu tsawˇ haˬ kʼawꞈ, shaꞈ gʼeh-awˬ. Mi cehˇ maˬ ahˇ-eu tsawˇ haˬ, yawˬ ha-euˬ pehˇ kʼahˬ ahˬ-awˇ mi cehˇ zeuˇ-awˬ.

Luˇkaꞈ 9:3

Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ gaˇ ma doˆ-iˇ ngeh, tiˬ jeˬ-iˬ maˬ yuˇ ni iˇ-awˬ. Gawˬ yoeˬ maˬ ehˇ, pehˇ tahˬ maˬ ehˇ, dzaˬ dzaˬ dawˇ dawˇ maˬ ehˇ, pyuˇ maˬ ehˇ, mehˬ tsoeˬ dzeˇ paˇ maˬ ehˇ, tiˬ jeˬ-iˬ maˬ yuˇ ni iˇ-awˬ.

2 Gawˇliˬtu 8:15

Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Gʼawˬ mya ni gʼoˆ uiˬ-euˬ gʼaˬ maˬ jaˆ myaˬ dzehˬ-ehˇ, ui cuiˆ tehꞈ-ehˇ gʼoˆ uiˬ-euˬ gʼaˬ maˬ jaˆ cuiˆ dzehˬ-aˇ.”

Dawˬmehˬ 8:16

Bawˇ tsahˬ bawˇ dahˇ laꞈ kʼoeˇ, naw maꞈ bi dzaˬ-eu gʼaˇ duˬ, naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ dzaˬ haw-euˬ maˬ naˆ kaˬ muˇ, naw maꞈ-ahˇ aˬ yawꞈ biꞈ-euˬ meh. Aˇ saˬ saˬ laˇ jawˬ-ehˇ, muiˬ-eu jeˬ guiˬ lahˬ naw maꞈ-ahˇ aˬ yawꞈ biꞈ nehˬ mawꞈ-eu miˇ neh, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ, aˬ yawꞈ naw maꞈ-ahˇ lawˬ haw-euˬ meh.