Luˇkaꞈ 22:33 - Akha

³³ Beˬtuˆluˆ ehˇ-eu, “Sahˬpaˬ-oˇ, nawˬ nehˬ-ehˇ paꞈ kuˆ-ahˇ tiˬ kawˆ loꞈ-ehˇ uˇ-awˇ tiˬ gaˇ shiˇ-eu gʼaˇ duˬ ngaˇ noeˬ tsehˆ taˬ-euˬ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Beqtuvluv, aqyawf-anr aernaeq-eu, “Sanqpaq-or! Ngar, nawq naeq-aer kuv-anr ur-ir-eu hawr-eu shir-eu gharduq khawf laeqhmqdan taq-euq ma.”

Luˇkaꞈ 22:33 ပူးပေါင်းရင်းမြစ်များ

Dawqdaq 28:26

Yawˬ ha-euˬ nui noeˬ-ahˇ gʼoe-awˇ dehꞈ-eu tsawˇ haˬ aˬ dzawˬ aˇ gah meh. Yaw gahˇ gahˇ-ehˇ noeˬ-awˇ, zaˬ siˬ tsawˇ gahˇ ahˇ-eu deuˬ neh mehˬ taˬ yaꞈ-euˬ dawˬ-ahˇ gʼoe-awˇ dehꞈ-awˬ.

Yeˬlaˬmiˇ 10:23

Sahˬpaˬ Miˬyehˇ-oˇ, tsawˇ haˬ zaˬ yaw dehꞈ dehꞈ-eu-aˬ, yawˬ ha gaˇ kawˆ yawˬ ha maˬ gʼaˬ leˇ-ehˇ, yawˬ ha saꞈ laˇ-ahˇ maˬ tuˆ tehˬ nya-eu ngaˇ siˬ nya ma.

Yeˬlaˬmiˇ 17:9

Tsawˇ haˬ zaˬ-euˬ nui ma aˬ suˇ gʼaˬ siˬ nya ta. Nui ma loꞈ-ehˇ laꞈ gʼoꞈ baw-eu tiˬ jeˬ-iˬ maˬ jaˆ-a. Yaw cawˆ myaˬ-eu miˇ neh maˬ laˆ muiˬ geuꞈ nya-a.

Maꞈtehˬ 20:22

Aˬ nyaꞈ nmˇ-ahˇ Yeˬsuˇ ehˇ nehˬ-eu, “Naw nyaꞈ nmˇ shaˇ-eu jeˬ-ahˇ naw nyaꞈ nmˇ maˬ siˬ nya-a. Ngaˇ dawˇ-eu lehˇ gʼeh-eu shaˬ zahˬ naꞈ-eu kʼmˬ maˬ-ahˇ naw nyaꞈ nmˇ dawˇ coeˇ ma loˇ.” Aˬ nyaꞈ nmˇ ehˇ-eu, “Dawˇ coeˇ ma.”

Maˬkuˆ 14:29

Beˬtuˆluˆ ehˇ-eu, “Aˬ cawˬ nawˬ-ahˇ byehˇ dzeh-awˇ cehˆ jiˇ kʼawꞈ, ngaˇ nawˬ-ahˇ maˬ byehˇ dzeh.”

Maˬkuˆ 14:31

Beˬtuˆluˆ ui cuiˆ teˇ kʼaˆ jeˬ-ehˇ ehˇ-eu, “Ngaˇ nawˬ- nehˬ-ehˇ ya shiˇ paˬ-ehˇ tsaˬ laˇ kʼawꞈ, nawˬ-ahˇ ngaˇ maˬ siˬ lehˇ maˬ ehˇ.” Kʼoeˇ ngeh, zaˬ lahˇ dawˬ tawˆ luꞈ kʼawꞈ, kʼoeˇ loꞈ-ehˇ ehˇ-eu meh.

Luˇkaꞈ 22:34

Yeˬsuˇ ehˇ-eu, “Beˬtuˆluˆ-oˇ, ngaˇ nawˬ-ahˇ heu loꞈ-ehˇ ehˇ-eu ma. Nymˇ ciꞈ ya poeˇ maˬ doeˇ laˇ mi naˆ-ehˇ, ngaˬ-ahˇ maˬ siˬ lehˇ, smˬ poˆ keuˆ ni nawˇ pyehˇ tehꞈ-a.”

Luˇkaꞈ 22:57

Ehˇ kʼawꞈ, Beˬtuˆluˆ tsawˇ pyehˇ pyehˇ-awˇ ehˇ-eu, “Aˬ buˇ-oˇ, aˬ yawꞈ-ahˇ ngaˇ maˬ siˬ nya nya.”

Yoˇhaˬ 13:38

Yeˬsuˇ ehˇ-eu, “Nawˇ ngaˬ-euˬ gʼaˇ duˬ aˬ diˇ aˬ maˇ shiˇ dah peuˬ ma loˇ. Ngaˇ nawˬ-ahˇ maˇ jawˆ ni ehˇ-eu ma. Ya poeˇ maˬ doeˇ laˇ mi naˆ-ehˇ, ngaˬ-ahˇ maˬ siˬ lehˇ smˬ poˆ keuˆ ni nawˇ pyehˇ tehꞈ-a.”

Gʼaˬkʼehˇ 21:13

Ehˇ kʼawꞈ, aˬ yawꞈ ehˇ-eu, “Aˬ jeˬ miˇ neh naw maꞈ ngoeˇ ngoeˇ-ehˇ ngaˬ-euˬ nui ma tsawˬ paˆ-iˇ ni jahˇ nehˬ laꞈ te. Yeˬluˇsaˬlehˬ meuˬ-ahˇ aˬ cawˬ neh bi paꞈ-eu tehꞈ-ehˇ maˬ ngeuˇ ni, Sahˬpaˬ Yeˬsuˇ-euˬ gʼaˇ duˬ kʼoeˇ gaˇ shiˇ dah gaˇ keuˆ ni ngaˇ leh hmˬ taˬ-euˬ ma.”