Luˇkaꞈ 22:32 - Akha

³² Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Aerkhawf, nawr jan-eu jeq maqya byaerdzaeni, ngar, nawq-euq gharduq guiqlanq shar-euq ma. Nawr, ngar jawr-eu gar ghofkhoflar ngae, nawq-euq cawq zaqlanr nuideuq-anr ghaq bi khavlar-awq.”

Luˇkaꞈ 22:32 ပူးပေါင်းရင်းမြစ်များ

Maꞈtehˬ 18:3

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ nui ma paˇ-awˇ, zaˬ yaw nyiˇ tiˬ gʼaˬ loꞈ-ehˇ maˬ pyeuꞈ laˇ kʼoeˇ keuˆ ni, Mˬtaˆ Miˇkʼahˬ laꞈ kʼoeˇ naw maꞈ maˬ ya uˇ leˇ-a.

Maꞈtehˬ 26:75

Kʼoeˇ ngeh jawˇ, “Ya poeˇ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a” lehˇ, Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ, Beˬtuˆluˆ noeˬ doˆ leˇ-euˬ meh. Kʼoeˇ naˇ, aˬ yawꞈ laꞈ nyiˇ iˇ doˆ-awˇ, ngoeˇ dui dui-euˬ meh.

Maˬkuˆ 14:72

Kʼoeˇ loꞈ-ehˇ ehˇ gʼaˬ-eu maˬ dah ni, ya poeˇ nyiˬ tahˬ tiˬ tahˬ doeˇ doˆ laˇ-euˬ meh. Kʼoeˇ ngeh, “Ya poeˇ nyiˬ tahˬ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a” lehˇ, Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ noeˬ doˆ leˇ-awˇ, nui ma-ahˇ maˬ nyehꞈ tehˬ gʼaˬ coeˇ-ehˇ ngoeˇ-euˬ meh.

Maˬkuˆ 16:7

Aˬ yawꞈ-euˬ zaˬ lahˇ deuˬ hawˇ-eu Beˬtuˆluˆ jawˇ gaˇ iˇ-awˇ, ‘Aˬ yawꞈ naw maꞈ-euˬ mehˬ hu Gaˬliˬlehˇ miˇ kʼahˬ-ahˇ iˇ dzeuˇ-euˬ meh. Aˬ yawꞈ naw maꞈ-ahˇ ehˇ taˬ-euˬ loꞈ-ehˇ, aˬ yawꞈ-ahˇ kʼoeˇ gaˇ ya mawˇ tehꞈ-a’ lehˇ ehˇ nehˬ-iˇ-awˬ.”

Luˇkaꞈ 8:13

Kʼaˬ lo lo yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ-euˬ dawˬ kawˬ ya gaˬ ngeh, laˬ kʼaˬ tiˬ cehˇ ha geuꞈ-euˬ kʼawꞈ, duˬ ciˇ maˬ toeˬ ziꞈ nya-eu miˇ neh, tiˬ kʼehˇ laˇ kʼehˬ tehꞈ-ehˇ jah-awˇ, muˇ juˇ juˇ-eu jeˬ keuˆ le ngeh, coˬ-iˇ-eu meh.

Yoˇhaˬ 14:19

Tiˬ kʼehˬ tiˬ yamˬ laꞈ kʼoeˇ, miˇ tsaˬ zaˬ deuˬ ngaˬ-ahˇ maˬ paˇ ya mawˇ meh. Ehˇ kʼawꞈ, naw maꞈ ngaˬ-ahˇ ya mawˇ tehꞈ-a. Ngaˇ dehꞈ-eu baˬ da neh, naw maꞈ kʼawꞈ ya dehꞈ tehꞈ-a.

Gʼaˬkʼehˇ 3:19

Naw maꞈ-euˬ iˬ baˇ bi pyehˬ nehˬ-eu gʼaˇ duˬ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ kʼoeˇ loꞈ-ehˇ jahˇ naˇ,

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.

Lormav 8:34

Toˆ-ehˇ ngeuˇ naˇ, aˬ yawꞈ maꞈ iˬ baˇ ahˇ meh lehˇ aˬ suˇ gʼaˬ paˇ ehˇ nmˇ. Tiˬ gʼaˬ-iˬ maˬ paˇ ehˇ-aˇ. Shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-awˇ, Miˬyehˇ-euˬ aˇ maˇ paw jawˇ-awˇ aˬ dui-euˬ gʼaˇ duˬ Miˬyehˇ-ahˇ shaˇ luꞈ-eu gʼaˬ pyeuꞈ-eu Yeˬsuˇ Ka li kʼawꞈ, kʼoeˇ loꞈ-ehˇ maˬ ehˇ-aˇ.

2 Tiˆmoˇseˬ 2:18

Aˬ dui gʼoꞈ dehꞈ laˇ-eu jeˬ keuˆ le dzeuˇ-euˬ meh lehˇ ehˇ-eu laꞈ kʼoeˇ, yaw tsaˬ yaw dawˇ gaˇ ma-ahˇ aˬ yawꞈ maꞈ byehˇ dzeh-awˇ, tsawˇ haˬ tiˬ paˆ na deuˬ-euˬ jah-eu nui ma bi cawˆ-iˇ-eu meh.

Tiˇtuˆ 1:1

Miˬyehˇ-euˬ zaˬ kʼaˆ hawˇ-eu Yeˬsuˇ Ka li-euˬ gʼaˬ kʼehˇ yeuꞈ-eu ngaˇ Pawˇluˆ heu loꞈ-ehˇ sahˬ boꞈ boꞈ ahˇ leꞈ-eu ma. Miˬyehˇ neh tseˇ doˆ-euˬ tsawˇ haˬ deuˬ-euˬ jah-eu jeˬ-ahˇ caw dehˬ caw toˆ nehˬ-awˇ, aˬ dui-euˬ uˬ duˬ tahˬ-eu zahˇ sahˇ kʼoꞈ heu neh mehˬ taˬ tsoˆ taˬ-euˬ yaw tsaˬ yaw dawˇ jeˬ-ahˇ siˬ nya laˇ ni sheuˬ gʼeh nehˬ-eu gʼaˇ duˬ, ngaˬ-ahˇ tseˇ doˆ-awˇ kʼehˇ gʼeh leꞈ-euˬ meh.

HeˬByehˇ 12:15

Miˬyehˇ-euˬ guiˬ lahˬ-ahˇ maˬ ya byehˇ dzeh ni yahˇ-awˬ. Kʼaˬ dui dui-eu baw duˆ mehˇ laˇ-awˇ aˬ yawꞈ-euˬ doꞈ kʼoeˇ neh aˬ cawˬ-ahˇ laˆ bahˬ laˆ muˆ-eu loꞈ-ehˇ, tsawˇ haˬ tiˬ gʼaˬ-iˬ taˬ bi pyeuꞈ.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

1 Beˬtuˆluˆ 1:1

Yeˬsuˇ Ka li-euˬ gʼaˬ kʼehˇ pyeuꞈ-eu ngaˇ Beˬtuˆluˆ, Aˬ cawˬ miˇ kʼahˬ doe ni bi teh byaˆ jiˇ-awˇ, Boˬtuˆ miˇ kʼahˬ, Gaˬlaˬtiˆ miˇ kʼahˬ, Gaˬbaˬdawˇciˆ miˇ kʼahˬ, Aˬshaˆ miˇ kʼahˬ, Beˬtuˇniˇ miˇ kʼahˬ, heu deuˬ-ahˇ jawˇ byaˆ taˬ-euˬ Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

1 Beˬtuˆluˆ 1:13

Kʼoeˇ miˇ neh, naw maꞈ-euˬ nui ma lehˬ hmˬ dah taˬ-awˬ. Yaw beuˇ beuˇ-ehˇ dehꞈ-awˇ, Yeˬsuˇ Ka li-ahˇ bya cehˆ ni ya mawˇ ngeh nah naw maꞈ-ahˇ biꞈ-eu lehˇ lehˬ hmˬ taˬ-euˬ guiˬ lahˬ yaw dzahˇ-ahˇ tehꞈ-ehˇ noeˬ tsoˆ taˬ-awˬ.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.

2 Beˬtuˆluˆ 3:14

Kʼoeˇ miˇ neh cawˬ deuˬ-oˇ, Aˇnah kʼoeˇ nah-ahˇ naw maꞈ dawˬ luꞈ-eu loꞈ-ehˇ, Miˬyehˇ mehˬ shi iˬ baˇ taˬ kʼaˇ maˬ za-eu Miˬyehˇ-ahˇ tsaˬ leˇ tsahˇ leˇ gʼaˬ-euˬ muiˬ-eu shawˇ-eu tsawˇ haˬ pyeuꞈ ni leh jeh-awˬ.

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.