Luˇkaꞈ 22:15 - Akha

¹⁵ Aˬ yawꞈ maˬ-ahˇ aˬ yawꞈ ehˇ nehˬ-eu, “Ngaˇ maˬ ya kamˇ shiˇ mi naˆ-ehˇ, naw maꞈ nehˬ-ehˇ Baˬsaˬkaˬ dzaˬ byawˇ heu byawˇ dzaˬ taꞈ mawꞈ dui dui-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoerngae, Yeqsur, aqyawf maf-anr heulof-aer aernaeq-euq mae, “Ngar, shaqzanq maqya daq-euq minav-aer, nawmaf naeq-aer Baqsaqkaq dzaqbyawr heubyawr dzaqtaf mawf duidui mir-a.

Luˇkaꞈ 22:15 ပူးပေါင်းရင်းမြစ်များ

Luˇkaꞈ 12:50

Ngaˬ-ahˇ iˇ cuꞈ-ahˇ bi dehˬ uˇ-awˇ, iˇ cuꞈ ya bi shawˇ-a siˬ. Iˇ cuꞈ maˬ shawˇ gʼaˬ kʼoeˇ keuˆ ni, ngaˬ-euˬ nui ma-ahˇ shaˬ zahˬ ciˬ tehˬ taˬ-euˬ gaˇ duˇ nya.

Luˇkaꞈ 22:14

Baˬsaˬkaˬ dzaˬ byawˇ dzaˬ-eu aˇ yamˬ keuˆ laˇ ngeh, Yeˬsuˇ hawˬ jeh-ahˇ jawˬ leˇ-euˬ meh. Gʼaˬ kʼehˇ deuˬ kʼawꞈ, aˬ yawꞈ nehˬ-ehˇ jawˬ leˇ-euˬ meh.

Luˇkaꞈ 22:16

Aˬ jeˬ miˇ neh ehˇ naˇ, Miˬyehˇ Miˇkʼahˬ laꞈ kʼoeˇ dzaˬ byawˇ heu-euˬ dawˬ tsuiꞈ maˬ byah laˇ kʼoeˇ keuˆ ni, dzaˬ byawˇ heu ngaˇ maˬ paˇ dzaˬ ma lehˇ, naw maꞈ-ahˇ ngaˇ ehˇ-eu ma.”

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 17:1

Yeˬsuˇ kʼoeˇ loꞈ-ehˇ ngehˬ gʼaˬ tmˇ gʼaˬ ngeh, mˬ paw gʼawˇ leuˇ-awˇ heu loꞈ-ehˇ ehˇ-eu meh. “Aˬda-oˇ, aˇ yamˬ keuˆ le-euˬ meh. Zaˬ maˇ baˬ da neh nawˬ-euˬ yaw shehꞈ kʼahˬ sehˇ-ahˇ aˬ cawˬ mawˇ nya ni, nawˬ-euˬ Zaˬmaˇ-ahˇ yaw shehꞈ kʼahˬ sehˇ biꞈ laꞈ-awˬ.

Yoˇhaˬ 4:34

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.