Luˇkaꞈ 21:26 - Akha

²⁶ Miˇ tsaˬ kʼoeˇ taˆ keuˆ le teuˇ le-eu lehˇ gʼeh-eu jeˬ-ahˇ tsawˇ haˬ zaˬ deuˬ noeˬ mawˇ-awˇ, myaꞈ leˇ tehꞈ-a. Aˬ jeˬ miˇ neh ehˇ naˇ, mˬ taˆ-euˬ baoˬ deuˬ luˆ laˇ nyeh laˇ jiˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Mirtsaq-euq khoertav keuvle teurle-eu laer ghae-eu garkawv deuq-anr tsawrhaqzaq sharnoeq ngae, guv-ir-awr surlar bar-ir taef-a. Aqjeq mirnae aernar-aq, mqtav-euq baoqdeuq nyaenyae-aer ghaelarjir taef-a.

Luˇkaꞈ 21:26 ပူးပေါင်းရင်းမြစ်များ

Iˇsaˬyaˇ 5:30

Aˇ nah kʼoeˇ nah keuˆ le ngeh, iˬ ma laˆ shaˆ mahˇ-eu teˇ saˇ loꞈ-ehˇ, Iˇsaˬleˬlaˆ tsawˇ jeuˬ-ahˇ aˬ yawꞈ maꞈ lmˬ tehꞈ-a. Miˇ kʼahˬ kʼoeˇ kʼahˬ-ahˇ haw gʼeh-iˬ ngeh, yaw zahˇ jeˬ hawˇ-eu yaw naꞈ jeˬ tehꞈ-ehˇ mawˇ laˇ-awˇ, yaw shehꞈ kʼawꞈ mˬ dmˇ neh bi uˆ zahˇ tehꞈ-a.

Uˬ duˬ 26:36

“Aˬ cawˬ-euˬ miˇ kʼahˬ-ahˇ bi nyehꞈ gʼeh-euˬ naw maꞈ-euˬ tsawˇ haˬ deuˬ, aˇ paꞈ-ahˇ jaˬ lehˇ baw shawˆ-eu teˇ saˇ-ahˇ keuˆni, cehˆ byoˆ paˬ-ehˇ guˆ-eu nui ma ahˇ ni ngaˇ jahˇ nehˬ ma. Guiˇ deuˆ luꞈ ngeh aˬ cawˬ neh bi teh-euˬ loꞈ-ehˇ aˬ yawꞈ maꞈ cehˆ-awˇ, muiˇ-eu tsawˇ haˬ deuˬ aˬ yawꞈ maꞈ-euˬ dawˬ peh maˬ jawˇ kʼawꞈ, coˬ lah gaˇ keuˆ ni guˆ-iˇ tehꞈ-a.

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Maˬkuˆ 13:25

aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Luˇkaꞈ 21:25

“Nahˇ ma, ba la, aˬ guiˇ laꞈ kʼoeˇ, bi siˬ bi mawˇ-eu gʼawˬ mya jeˬ pyeuꞈ doˆ laˇ tehꞈ-a. Miˇ tsaˬ tsawˇ jeuˬ deuˬ iˬ ma laˆ shaˆ iˇ luˆ dzeh-awˇ teˇ saˇ mahˇ gaˇ guˆ dui dui-awˇ, zahˬ leˇ tsoˆ leˇ tehꞈ-a.

Luˇkaꞈ 21:27

Kʼoeˇ naˇ, Tsawˇhaˬ-euˬ Zaˬmaˇ mˬ dmˇ dziˬ-awˇ, baoˬ hawˇ-eu yaw shehꞈ kʼahˬ sehˇ huiˬ dui dui-eu laꞈ kʼoeˇ oe gaˇ ya mawˇ tehꞈ-a.