Luˇkaꞈ 21:17 - Akha

¹⁷ Naw maꞈ ngaˬ-euˬ tsawˇ myahˇ-ahˇ gʼoe-eu miˇ neh, tsawˇ haˬ dawˬ tawˆ luꞈ naw maꞈ-ahˇ bye tehꞈ-a..

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoeruqtaf, ngaq-euq tsawrmyanr baqda’nae, tsawrhaq dawqtawvluf nawmaf-anr byae taef-a.

Luˇkaꞈ 21:17 ပူးပေါင်းရင်းမြစ်များ

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Maꞈtehˬ 24:9

Kʼoeˇ naˇ, naw maꞈ-ahˇ paꞈ-awˇ, bi kʼehˬ bi kʼaˆ-eu gʼaˇ duˬ hawˇ-eu, bi sehꞈ-eu gʼaˇ duˬ a nehˬ gaˇ ya daˬ tehꞈ-a. Naw maꞈ ngaˬ-ahˇ jah-eu baˬ ba neh, tsawˇ jeuˬ dawˬ tawˆ luꞈ naw maˬ-ahˇ muiˇ tehꞈ-a.

Maꞈtehˬ 5:11

“Naw maꞈ ngaˬ-euˬ mehˬ nah caw teh-eu baˬ da neh, aˬ cawˬ yehˬ bawˬ sehˇ lu-ehˇ ehˇ-eu, kʼehˬ-eu kʼaˆ-eu, maˬ ngeuˇ gaˇ keuˆ ni gʼawˬ mya jeˬ ja bu ja doeˇ-eu, heu deuˬ-ahˇ naw maꞈ ya daˬ ngeh, guiˬ lahˬ huiˬ-eu meh.

Maˬkuˆ 13:13

Naw maꞈ ngaˬ-ahˇ jah-eu baˬ da neh, tsawˇ haˬ yawˬ gʼaˬ na luꞈ naw maꞈ-ahˇ bye tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ ka kʼoꞈ-eu jeˬ za tehꞈ-a.

Luˇkaꞈ 21:16

Naw maꞈ-euˬ aˬ da aˬ ma, mehˇ nmˇ, aˬ yuiꞈ aˬ nyiˇ hawˇ-eu cawˬ deuˬ neh, naw maꞈ-ahˇ aˬ cawˬ-euˬ aˬ laꞈ laꞈ kʼoeˇ bi a nehˬ gaˇ keuˆ-awˇ, tiˬ paˆ na deuˬ-aˬ, sehꞈ gaˇ keuˆ ni ya daˬ tehꞈ-a.

Luˇkaꞈ 21:18

Ehˇ kʼawꞈ, naw maꞈ-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ, cawˆ-iˇ gaˇ maˬ keuˆ-aˇ.

Luˇkaꞈ 6:22

“Tsawˇhaˬ-euˬ Zaˬmaˇ mehˬ nah naw maꞈ caw teh-eu baˬ da neh, aˬ cawˬ naw maꞈ-ahˇ muiˇ-eu, naw maꞈ-ahˇ sawˇ dzeh-awˇ yehˬ bawˬ sehˇ lu-ehˇ ehˇ-eu, naw maꞈ-euˬ tsawˇ myahˇ cawˆ-iˇ ni jahˇ-eu, heu loꞈ-ehˇ gʼeh-eu deuˬ-ahˇ naw maꞈ ya daˬ ngeh, naw maꞈ guiˬ lahˬ huiˬ-eu meh.

Yoˇhaˬ 15:19

Naw maꞈ miˇ tsaˬ heu-ahˇ taꞈ naˇ, miˇ tsaˬ heu naw maꞈ-ahˇ aˬ yawꞈ-euˬ zaˬ loꞈ-ehˇ gaˬ tehꞈ-a. Ehˇ kʼawꞈ, miˇ tsaˬ heu-euˬ laꞈ kʼoeˇ neh naw maꞈ-ahˇ ngaˇ tseˇ doˆ gʼaˬ-euˬ ma. Miˇ tsaˬ heu-ahˇ naw maꞈ maˬ paˇ taꞈ meh. Kʼoeˇ miˇ neh, miˇ tsaˬ zaˬ deuˬ naw maꞈ-ahˇ muiˇ-eu meh.

Yoˇhaˬ 15:21

Ehˇ kʼawꞈ, naw maꞈ ngaˬ-euˬ tsawˇ haˬ pyeuꞈ-eu miˇ neh, aˬ yawꞈ maꞈ naw maꞈ-ahˇ kʼehˬ nehˬ kʼaˆ nehˬ laꞈ tehꞈ-a. Aˬ jeˬ miˇ neh ehˇ naˇ, ngaˬ-ahˇ aˬ suˇ gʼaˬ neh kʼehˇ gʼeh leꞈ-euˬ aˬ yawꞈ maꞈ maˬ siˬ nya-a.

Yoˇhaˬ 17:14

Ngaˇ aˬ yawꞈ maꞈ-ahˇ nawˬ-euˬ dawˬ biꞈ-euˬ ma. Miˇ tsaˬ zaˬ deuˬ aˬ yawꞈ maꞈ-ahˇ muiˇ-eu meh. Aˬ jeˬ miˇ neh ehˇ naˇ, ngaˇ miˇ tsaˬ heu-ahˇ maˬ taꞈ-eu loꞈ-ehˇ, aˬ yawꞈ maꞈ kʼawꞈ miˇ tsaˬ heu-ahˇ maˬ taꞈ-a.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.

Gʼaˬkʼehˇ 9:16

Ngaˬ-euˬ tsawˇ myahˇ gʼaˇ duˬ kʼehˬ-eu kʼaˆ-eu jeˬ-ahˇ aˬ yawꞈ aˇ naˆ ni ya daˬ paˬ-ehˇ jaˆ-eu gaˇ kawˆ, aˬ yawꞈ-ahˇ ngaˇ bi mawˇ ma.”

2 Gawˇliˬtu 12:10

Kʼoeˇ miˇ neh, gʼaˬ baˬ-eu jeˬ, yehˬ bawˬ sehˇ lu-ehˇ gʼeh nehˬ laꞈ-eu jeˬ, shaˬ-eu zahˬ-eu jeˬ, kʼehˬ-eu kʼaˆ-eu jeˬ, nui ma shaˬ zahˬ ya mˇ-eu jeˬ, heu deuˬ-ahˇ Ka li gʼaˇ duˬ ngaˇ laˬ kʼaˬ cehˇ cehˇ-ehˇ daˬ-eu ma. Aˬ jeˬ miˇ neh ehˇ naˇ, ngaˇ gʼaˬ baˬ-eu kʼoeˇ-aˬ, gʼaˬ kʼaˆ-eu jeˬ pyeuꞈ-eu ma.

2 Gawˇliˬtu 4:11

Nga maꞈ-euˬ buꞈ-iˇ cehˇ-iˇ nya-eu gʼawˇ mawˇ heu laꞈ kʼoeˇ Yeˬsuˇ dehꞈ luꞈ-eu gaˇ kawˆ aˬ cawˬ mawˇ nya ni, nga maꞈ yaw dehꞈ dehꞈ-eu heu aˬ yawꞈ gʼaˇ duˬ aˬ myah luꞈ shiˇ paˬ-ehˇ tsaˬ laˇ-eu meh.

2 Gawˇliˬtu 4:5

Nga maꞈ-aˬ, yawˬ ha-euˬ gaˇ kawˆ mehˬ luꞈ-eu maˬ ngeuˇ. Yeˬsuˇ Ka li-aˬ, tsawˇ haˬ dawˬ tawˆ luꞈ-euˬ Sahˬpaˬ pyeuꞈ-awˇ, nga maꞈ-aˬ, aˬ yawꞈ-euˬ gʼaˇ duˬ naw maꞈ-euˬ zaˬ kʼaˆ pyeuꞈ-eu gaˇ kawˆ mehˬ-eu ma.

Piˇliˇpiˆ 1:29

Aˬ jeˬ miˇ neh ehˇ naˇ, Ka li neh naw maꞈ-ahˇ biꞈ taˬ-euˬ muiˬ dui dui-eu guiˬ lahˬ kʼoeˇ-aˬ, aˬ yawꞈ-ahˇ jah-eu jeˬ tehꞈ-ehˇ maˬ ngeuˇ-ehˇ, aˬ yawꞈ gʼaˇ duˬ shaˬ zahˬ ya mˇ-eu jeˬ kʼawꞈ ahˇ-eu meh.

1 Beˬtuˆluˆ 4:14

Naw maꞈ Ka li-euˬ mehˬ nah caw teh-eu baˬ da neh aˬ cawˬ naw maꞈ-ahˇ ja bu ja doeˇ naˇ, naw maꞈ guiˬ lahˬ huiˬ-eu meh. Aˬ cawˬ kʼoeˇ loꞈ-ehˇ ehˇ laˇ-eu kʼoeˇ-aˬ, Miˬyehˇ-euˬ Yaw sahˇ pyeuꞈ-eu yaw shehꞈ kʼahˬ sehˇ huiˬ-eu Yaw sahˇ Miˬyehˇ naw maꞈ kʼoeˇ taˆ jawˇ luꞈ-eu saˇ kiˇ meh.

Panmaeq 2:3

Nawˇ nui ma gʼawˬ mahˇ ni taˬ-awˇ, ngaˬ-euˬ gʼaˇ duˬ shaˬ zahˬ gʼawˬ mya jeˬ daˬ-eu uˬ taꞈ, nui ma cawˆ-eu maˬ baw-a.