Luˇkaꞈ 20:6 - Akha

⁶ ‘Tsawˇ haˬ zaˬ neh bi mˇ-euˬ meh’ lehˇ paˇ ehˇ naˇ kʼawꞈ, tsawˇ haˬ dawˬ tawˆ luꞈ aˬ dui maꞈ-ahˇ kʼaˬ lo biˬ laˇ tehꞈ-a. Aˬ jeˬ miˇ neh ehˇ naˇ, Yoˇhaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh lehˇ aˬ yawꞈ maꞈ jah duˬ taˬ-euˬ beu tawˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ ‘Tsawrhaq-anr nae lar-euq mae’ laer aernar-aq khawf tsawrhaq dawqtawvluf, aqdui-anr khaqlo biqlar taef-a. Aqjeq mirnae aernar-aq, Yorhaq-aq, Miqyaer gharduq ngaeqdan-eu tsawrhaq mae laer aqyawfmaf janduq taq-euq mae.”

Luˇkaꞈ 20:6 ပူးပေါင်းရင်းမြစ်များ

Maꞈtehˬ 11:9

Naw maꞈ aˬ jeˬ-ahˇ haw-iˇ teˬ lehˇ ehˇ sheˇ. Miˬyehˇ gʼaˇ duˬ ngehˬ dah-eu gʼaˬ-ahˇ haw-iˇ-euˬ maˬ ngeuˇ loˇ. Ngeuˇ meh, maˇ maˇ ni Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ naw maꞈ haw-iˇ-euˬ meh. Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ dawˬ tawˆ luꞈ laꞈ kʼoeˇ, aˬ cawˬ naˆ maˬ tseˇ huiˬ dzehˬ-eu gʼaˬ-ahˇ naw maꞈ ya mawˇ-euˬ meh.

Maꞈtehˬ 14:5

Yoˇhaˬ-ahˇ Heˬloˆ sehꞈ mawꞈ-eu meh. Ehˇ kʼawꞈ, Yuˇdaˆ tsawˇ haˬ deuˬ-ahˇ aˬ yawꞈ yahˇ-eu meh. Aˬ jeˬ miˇ neh ehˇ naˇ, Yuˇdaˆ tsawˇ haˬ kʼoeˇ deuˬ Yoˇhaˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ lehˇ sawˇ taˬ-euˬ meh.

Maꞈtehˬ 21:26

‘Tsawˇ haˬ neh bi shawˇ-euˬ meh’ lehˇ paˇ ehˇ lawˬ naˇ kʼawꞈ, tsawˇ haˬ aˇ maꞈ kʼoeˇ deuˬ-ahˇ aˬ dui guˆ paˬ-ehˇ paˇ gʼeh-eu meh. Aˬ jeˬ miˇ neh ehˇ naˇ, Yoˇhaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh lehˇ aˬ yawꞈ maꞈ jah duˬ taˬ-euˬ meh.”

Maꞈtehˬ 21:46

Kʼoeˇ miˇ neh, aˬ yawꞈ maꞈ aˬ yawꞈ-ahˇ nyehꞈ-eu lehˇ leh jeh-euˬ meh. Ehˇ kʼawꞈ, Yeˬsuˇ-ahˇ Miˬyehˇ gʼaˇ duˬ ngehˬ dah-eu tsawˇ haˬ meh lehˇ jah luꞈ-eu tsawˇ haˬ aˇ maꞈ kʼoeˇ deuˬ-ahˇ aˬ yawꞈ maꞈ guˆ-eu meh.

Maꞈtehˬ 26:5

Aˬ yawꞈ maꞈ ehˇ-eu, “Bawˬ-iˬ gʼeh luꞈ ngeh, aˬ dui maꞈ aˬ yawꞈ-ahˇ maˬ nyehꞈ nya nga siˬ. Kʼoeˇ loꞈ-ehˇ jahˇ naˇ, miˇ kʼahˬ zaˬ luiˬ gʼa laˇ gaˇ ya guˆ nga.”

Maˬkuˆ 12:12

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ nyehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ heu hmˬ ja-eu-aˬ, aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ siˬ nya-eu meh. Ehˇ kʼawꞈ, aˬ yawꞈ maꞈ tsawˇ haˬ aˇ maꞈ-ahˇ guˆ-eu miˇ neh, aˬ yawꞈ-ahˇ maˬ nyehꞈ ni doˆ-iˇ-euˬ meh.

Luˇkaꞈ 1:76

Ngaˬ-euˬ aˬ li pyeuꞈ-eu nawˬ-ahˇ, Huiˬ dui Mahˇ dui dui-eu gʼaˬ-euˬ ngehˬ zaˬ tmˇ zaˬ lehˇ kuˇ tehꞈ-a. Sahˬpaˬ iˇ-eu gaˇ ma mehˬ hu, nawˇ jeˬ huˬ ya iˇ huˬ taˬ-awˇ, gaˇ ma shaˇ dahˇ nehˬ-eu laꞈ kʼoeˇ,

Luˇkaꞈ 20:5

Aˬ yawꞈ maꞈ yaw kaˬ heu loꞈ-ehˇ bawˬ dzaˬ-euˬ meh. “‘Miˬyehˇ neh bi mˇ-euˬ meh’ lehˇ aˬ dui maꞈ ehˇ naˇ, ‘Toˆ-ehˇ maˇ-iˬ naw maꞈ aˬ jeˬ miˇ neh Yoˇhaˬ-ahˇ maˬ jah te’ lehˇ aˬ yawꞈ ehˇ laˇ tehꞈ-a.

Luˇkaꞈ 20:7

Kʼoeˇ miˇ neh aˬ yawꞈ maꞈ Yeˬsuˇ-ahˇ ehˇ kʼoꞈ nehˬ-eu, “Aˬ gaˇ-euˬ baoˬ neh aˬ yawꞈ iˇ cuꞈ shawˇ-eu gaˇ kawˆ nga maꞈ maˬ siˬ.”

Luˇkaꞈ 7:30

Ehˇ kʼawꞈ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Miˬyehˇ neh aˬ yawꞈ maꞈ gʼaˇ duˬ lehˬ hmˬ taˬ-euˬ jeˬ-ahˇ maˬ ha geuꞈ-ehˇ, Yoˇhaˬ neh iˇ cuꞈ maˬ bi shawˇ ni jawˇ-euˬ meh.

Yoˇhaˬ 10:41

Tsawˇ haˬ gʼawˬ mya ni aˬ yawꞈ jawˇ gaˇ oe-euˬ meh. Aˬ yawꞈ maꞈ ehˇ-eu, “Yoˇhaˬ-aˬ, zahˬ leˇ paˬ-ehˇ gʼeh-eu jeˬ maˬ mˇ-aˬ. Ehˇ kʼawꞈ, tsawˇ haˬ heu gʼaˬ gaˇ kawˆ aˬ yawꞈ neh kʼaˇ ehˇ-euˬ yawˬ jeˬ na luꞈ tsaˬ law hawˇ nga.”

Gʼaˬkʼehˇ 5:26

Yaw huiˬ yaw mahˇ kʼoeˇ gʼaˬ aˬ yawꞈ-euˬ tsawˇ haˬ deuˬ sheuˬ-awˇ, gʼaˬ kʼehˇ deuˬ-ahˇ sheuˬ laˬ-iˇ-euˬ meh. Tsawˇ haˬ aˇ maꞈ kʼoeˇ deuˬ aˬ yawꞈ maꞈ-ahˇ kʼaˬ lo biˬ laˇ gaˇ guˆ-eu miˇ neh, gʼaˬ kʼehˇ deuˬ-ahˇ yehˬ bawˬ sehˇ lu-ehˇ maˬ jahˇ ni sheuˬ laꞈ-euˬ meh.