Luˇkaꞈ 20:46 - Akha

⁴⁶ “Pehˇ kʼahˬ pehˇ mahˇ dm dm-ehˇ cah-awˇ, lehˆ lehˆ kawˆ doe ni aˬ cawˬ yaw zeu baw nehˬ-eu jeˬ-ahˇ geuꞈ mawꞈ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-ahˇ yahˇ-awˬ. Aˬ yawꞈ maˬ-aˬ, uˬ duˬ tahˬ nymˇ laꞈ kʼoeˇ hawˇ-eu bawˬ-iˬ gʼeh gaˇ, aˬ cawˬ taꞈ-ehˇ muiˬ dzehˬ-eu nuiˇ duˬ deuˬ-ahˇ nuiˇ mawꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁶ “Nawmaf, zanr maeq-eu deuq-anr yanr-awq. Aqyawf maf-aq, paerkhanq paermanr dmdm-aer canmawf-eu mae. Laevkawv doeni aqcawq, aqyawf maf-anr dawqcawq puqlar-eu gar geufmawf-eu mae. Zanrdawq khawqnymr-euq lafkhoer khanqsaer jav-eu nuirduq-anr nuirmawf-awr, yawbuibui ngae, khawrmaer paw nuirmawf-eu mae.

Luˇkaꞈ 20:46 ပူးပေါင်းရင်းမြစ်များ

Dawqdaq 29:23

Nui ma huiˬ-eu mahˇ-eu jeˬ nawˬ-ahˇ laˆ shaˬ-awˇ, nui nahˬ nui yu ahˇ naˇ, aˬ cawˬ nawˬ-ahˇ yaw zeu baw tehꞈ-a.

Maꞈtehˬ 16:6

Yeˬsuˇ aˬ yawꞈ maꞈ-ahˇ ehˇ nehˬ-eu, “Paˬliˬsehˇ hawˇ-eu Saˬduˬgehˇ deuˬ-euˬ dehˬ tseˬ-ahˇ yaw kʼaˆ kʼaˆ-ehˇ yahˇ-awˬ.”

Maꞈtehˬ 23:1

Kʼoeˇ naˇ, tsawˇ haˬ aˇ maꞈ maꞈ ma hawˇ-eu aꞈ yawꞈ-euˬ zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh.

Maˬkuˆ 8:15

Zaˬ lahˇ deuˬ-ahˇ Yeˬsuˇ ehˇ nehˬ-eu, “Noeˬ gahˇ-awˬ. Paˬliˬsehˇ deuˬ-euˬ dehˬ tseˬ hawˇ-eu sahˬ paˬ Heˬloˆ-euˬ dehˬ tseˬ-ahˇ naw maꞈ yaw kʼaˆ kʼaˆ-ehˇ ya yahˇ meh.”

Luˇkaꞈ 11:43

“Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, uˬ duˬ tahˬ nymˇ laꞈ kʼoeˇ aˬ cawˬ taˬ huiˬ-eu nuiˇ mahˬ-ahˇ naw maꞈ nuiˇ mawꞈ-awˇ, lehˆ lehˆ kawˆ doe ni cah ngeh, aˬ cawˬ yaw zeu baw-eu laꞈ kʼoeˇ dawˬ ngehˬ cawˬ laˇ gaˇ geuꞈ mawꞈ-eu meh.

Luˇkaꞈ 12:1

Tsawˇ haˬ aˇ heˇ aˇ muiˇ gʼaˬ uiˬ laˇ-awˇ, tiˬ gʼaˬ tiˇ gʼaˬ nawˬ tehˬ nawˬ tehˬ-ehˇ shaˬ luꞈ ngeh, Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Paˬliˬsehˇ deuˬ-euˬ dehˬ tseˬ-ahˇ yahˇ-awˬ. Kʼoeˇ-aˬ, awꞈ-aꞈ tahˬ kʼoˬ -ahˇ duˇ-eu meh.

Luˇkaꞈ 14:7

Daˬ yah deuˬ aˬ cawˬ taˬ huiˬ-eu nuiˇ duˬ-ahˇ tseˇ tseˇ-ehˇ nuiˇ gaˇ Yeˬsuˇ ya mawˇ ngeh, yaw jeˬ ma jeˬ heu hmˬ ja mehˬ nehˬ-euˬ meh.

Luˇkaꞈ 20:47

Miˬ coeˬ miˬ ma deuˬ-euˬ nymˇ-ahˇ aˬ yawꞈ maꞈ kʼaˆ dzaˬ-awˇ, aˬ cawˬ bi mawˇ-eu gʼaˇ duˬ guiˬ lahˬ gʼawˬ myahˇ ni shaˇ-eu meh. Doeˇ dui dui-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ tehꞈ-a.”

Lormav 12:10

Ka li laꞈ kʼoeˇ aˬ yuiꞈ aˬ nyiˇ loꞈ-ehˇ tiˬ gʼaˬ tiˇ gʼaˬ gaˬ-awˇ, tiˬ gʼaˬ tiˇ gʼaˬ yaw zeu baw-eu nui ma ahˇ-awˬ.

2 Tiˆmoˇseˬ 4:15

Aˬ yawꞈ-ahˇ yaw kʼaˆ-ehˇ yahˇ-awˬ. Aˬ jeˬ miˇ neh ehˇ naˇ, aˬ dui Miˬyehˇ dawˬ kawˬ mehˬ gaˇ aˬ yawꞈ muiˇ-eu meh.

3 Yoˇhaˬ 1:9

Naw maꞈ-euˬ Ka li zaˬ aˇ muˇ-ahˇ, ngaˇ sahˬ boꞈ yaw nymˇ nymˇ-ehˇ boꞈ ahˇ nehˬ-euˬ ma. Ehˇ kʼawꞈ, Ka li zaˬ aˇ muˇ kʼoeˇ taˆ aˬ yuiꞈ geuꞈ mawꞈ-eu Daˬyawˇdaˬlaˇ kʼoeˇ gʼaˬ ngaˬ-euˬ dawˬ-ahˇ tiˬ pawꞈ-iˬ maˬ naˇ haˬ nehˬ laꞈ-a.