Luˇkaꞈ 20:26 - Akha

²⁶ Tsawˇ haˬ aˇ maꞈ mehˬ shi Yeˬsuˇ dawˬ ngehˬ bahˬ ni aˬ yawꞈ maꞈ maˬ jahˇ nya-eu miˇ neh, Yeˬsuˇ-ahˇ aˬ yawꞈ maꞈ maˬ nyehꞈ nya-a. Ehˇ kʼawꞈ, Yeˬsuˇ neh ehˇ-euˬ dawˬ-ahˇ zahˬ leˇ-awˇ, ciˬ cuˇ ni jawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Aerkhawf, aqyawfmaf, tsawrhaq baqmaf-euq maeqshi, aqyawfmaf nae narhaq-euq dawq khoerdawq-anr yawlaeq maq nyaefza nya-aq. Aqyawf nae aerkhof-euq dawq-anr khawf zanqler-awr ciqcurni jawr-eu mae.

Luˇkaꞈ 20:26 ပူးပေါင်းရင်းမြစ်များ

Daˬyeˬlaˇ 6:4

Daˬyeˬlaˇ nehˬ-ehˇ miˇ kʼahˬ-ahˇ haw pyaˆ uˆ lahˇ luꞈ-eu sahˬ paˬ sahˬ ma kʼoeˇ deuˬ, Daˬyeˬlaˇ miˇ kʼahˬ gaˇ mˇ gaˇ yaw lehˬ yaw ca doˆ laˇ ni poˆ tseˇ kʼawꞈ, maˬ poˆ mawˇ nya-a. Aˬ jeˬ miˇ neh ehˇ naˇ, Daˬyeˬlaˇ-aˬ, saˇ jaˇ ziꞈ-awˇ, nui ma dawˇ-eu uˬ taꞈ, yaw lehˬ maˬ mˇ-a.

Maꞈtehˬ 22:12

‘Cawˬ-oˇ, oeˇ mˇ baˇ gaˇ kʼaˇ laˇ-eu tsawˇ haˬ deuˬ ya dm-eu mehˬ tsoeˬ maˬ dm ni, nawˇ heu gaˇ aˬ joˆ-ehˇ laˇ uˇ-awˇ jawˇ te’ lehˇ sahˬ paˬ aˬ yawꞈ-ahˇ naˇ haˬ kʼawꞈ, tsawˇ haˬ kʼoeˇ gʼaˬ dawˬ maˬ tmˇ-a.

Maꞈtehˬ 22:22

Dawˬ kʼoeˇ dawˬ-ahˇ aˬ yawꞈ maꞈ ya gaˬ ngeh, zahˬ leˇ jiˇ-awˇ, Yeˬsuˇ jawˇ gaˇ neh doˆ-iˇ-euˬ meh.

Maꞈtehˬ 22:34

Yeˬsuˇ-euˬ mehˬ shi Saˬduˬgehˇ deuˬ dawˬ maˬ ngehˬ doˆ nya-ehˇ ciˬ cuˇ ni pyeuꞈ-iˇ jiˇ-euˬ gaˇ kawˆ Paˬliˬsehˇ deuˬ ya gaˬ ngeh, cawˬ gm-awˇ oe-euˬ meh.

Maꞈtehˬ 8:10

Yaw huiˬ yaw mahˇ kʼoeˇ gʼaˬ kʼoeˇ loꞈ-ehˇ ehˇ gaˇ Yeˬsuˇ ya gaˬ ngeh, zahˬ leˇ-awˇ, aˬ yawꞈ-euˬ mehˬ nah caw teh luꞈ-eu tsawˇ haˬ deuˬ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Iˇsaˬleˬlaˆ tsawˇ haˬ deuˬ laꞈ kʼoeˇ kʼawꞈ, heu naˆ naˆ-ehˇ jah-eu tsawˇ haˬ ngaˇ maˬ mawˇ haw-aˬ.

Luˇkaꞈ 11:54

aˬ yawꞈ dawˬ ngehˬ bahˬ ni, dawˬ lahˇ ju kʼmˇ-eu lehˇ leh jeh-eu meh.

Luˇkaꞈ 13:17

Yeˬsuˇ kʼoeˇ loꞈ-ehˇ ehˇ ngeh, aˬ yawꞈ-ahˇ muiˇ-eu tsawˇ haˬ dawˬ tawˆ luꞈ shaꞈ dawˇ-iˇ-euˬ meh. Ehˇ kʼawꞈ, tsawˇ haˬ dawˬ tawˆ luꞈ Yeˬsuˇ neh kʼaˇ mˇ-euˬ zahˬ leˇ paˬ-ehˇ gʼeh-eu jeˬ-ahˇ laˬ kʼaˬ cehˇ-eu meh.

Luˇkaꞈ 20:20

Kʼoeˇ miˇ neh, aˬ myah yehꞈ laˇ nga lehˇ aˬ yawꞈ maꞈ jawˬ luꞈ-eu meh. Kʼoeˬ sho-eu tsawˇ haˬ kʼehˇ-awˇ, tsawˇ haˬ yaw muiˬ bi geuꞈ-awˇ bi iˇ-euˬ meh. Yeˬsuˇ dawˬ ngehˬ bahˬ gaˇ nyehꞈ-awˇ, miˇ kʼahˬ kʼoeˇ kʼahˬ-ahˇ uˆ lahˇ-eu Loˇmaˆ sahˬ paˬ-euˬ laꞈ-ahˇ bi a nehˬ-eu gʼaˇ duˬ, aˬ yawꞈ maꞈ-ahˇ kʼehˇ gʼeh-euˬ meh.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Tiˇtuˆ 1:10

Aˬ jeˬ miˇ neh ehˇ naˇ, ehˇ dawˬ maˬ naˇ haˬ-eu uˬ taꞈ, gaˇ dahˇ maˬ tsoeˬ-eu jeˬ ja-eu laꞈ kʼoeˇ aˬ cawˬ-ahˇ mehˇ shuiˇ shuiˇ-awˇ tsahˇ pyawˇ-eu tsawˇ haˬ gʼawˬ mya ni jawˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-aˬ, kʼaˆ kʼaˆ ni Yuˇdaˆ tsawˇ haˬ-euˬ zahˇ sahˇ kʼoꞈ tawˬ-awˇ Ka li zaˬ pyeuꞈ laˇ-euˬ kʼoeˇ deuˬ meh.