Luˇkaꞈ 20:23 - Akha

²³ Ehˇ kʼawꞈ, aˬ yawꞈ maꞈ tsawˇ gahˇ gahˇ gaˇ Yeˬsuˇ haw siˬ-awˇ, heu loꞈ-ehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoerngae, Yeqsur, aqyawf maf-euq jaqmyawf-euq tsawrganr-anr hawdov-awr aqyawf maf-anr narhaq-eu, “Nawmaf, ngaq-anr aqjeq mirnae tsermr-eu le?

Luˇkaꞈ 20:23 ပူးပေါင်းရင်းမြစ်များ

Jaceuq 95:9

Aˬ yawꞈ maꞈ gʼaˇ duˬ ngaˬ neh mˇ nehˬ shaˇ nehˬ dzeuˇ-euˬ jeˬ-ahˇ aˬ yawꞈ maꞈ ya mawˇ gʼaˬ-euˬ kʼawꞈ, kʼoeˇ tsahˇ-ahˇ aˬ yawꞈ maꞈ ngaˬ-ahˇ lawˬ haw-euˬ meh.

Maꞈtehˬ 16:1

Yeˬsuˇ jawˇ gaˇ laˇ-euˬ Paˬliˬsehˇ hawˇ-eu Saˬduˬgehˇ tiˬ paˆ na deuˬ, Yeˬsuˇ-ahˇ lahˇ ju kʼmˇ mawꞈ-eu nui ma ahˇ-eu meh. Kʼoeˇ miˇ neh, mˬ kʼoeˇ taˆ-euˬ zahˬ leˇ paˬ-ehˇ gʼeh-eu jeˬ mˇ mehˬ nehˬ laꞈ lehˇ ehˇ nehˬ-euˬ meh.

Maꞈtehˬ 22:18

Ehˇ kʼawꞈ, aˬ yawꞈ maꞈ yaw doeˇ jahˇ mawꞈ-eu nui ma laꞈ gʼoꞈ ahˇ gaˇ Yeˬsuˇ siˬ nya-awˇ ehˇ-eu, “Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, aˬ jeˬ miˇ neh naw maꞈ ngaˬ-ahˇ lahˇ ju kʼmˇ paꞈ-eu lehˇ leh jeh te.

Luˇkaꞈ 20:20

Kʼoeˇ miˇ neh, aˬ myah yehꞈ laˇ nga lehˇ aˬ yawꞈ maꞈ jawˬ luꞈ-eu meh. Kʼoeˬ sho-eu tsawˇ haˬ kʼehˇ-awˇ, tsawˇ haˬ yaw muiˬ bi geuꞈ-awˇ bi iˇ-euˬ meh. Yeˬsuˇ dawˬ ngehˬ bahˬ gaˇ nyehꞈ-awˇ, miˇ kʼahˬ kʼoeˇ kʼahˬ-ahˇ uˆ lahˇ-eu Loˇmaˆ sahˬ paˬ-euˬ laꞈ-ahˇ bi a nehˬ-eu gʼaˇ duˬ, aˬ yawꞈ maꞈ-ahˇ kʼehˇ gʼeh-euˬ meh.

Luˇkaꞈ 20:22

Loˇmaˆ sahˬ paˬ-ahˇ kawˬ doˆ nehˬ-eu, aˬ dui-euˬ Zahˇ dawˬ kʼoꞈ dawˬ-ahˇ bahˬ meh loˇ, maˬ bahˬ-a loˇ lehˇ tiˬ poˆ ehˇ nehˬ laꞈ sheˇ.”

Luˇkaꞈ 20:24

“Ngaˬ-ahˇ pyuˇ maˇ byaˆ tiˬ byaˆ bi haw laꞈ sheˇ. Heu gaˇ ahˇ-eu heu aˬ suˇ gʼaˬ-euˬ aˇ baˇ hawˇ-eu tsawˇ myahˇ nga.” Aˬ yawꞈ maꞈ ehˇ-eu, “Loˇmaˆ sahˬ paˬ-euˬ aˇ baˇ meh.”

Luˇkaꞈ 5:22

Aˬ yawꞈ maꞈ kʼoeˇ loꞈ-ehˇ ehˇ luꞈ-eu Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Naw maꞈ aˬ jeˬ miˇ neh teu loꞈ-ehˇ shaˇ noeˬ luꞈ te.

Luˇkaꞈ 6:8

Yeˬsuˇ aˬ yawꞈ maꞈ-euˬ nui noeˬ haw mawˇ-awˇ, aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ “Heu gaˇ yawꞈ laˇ-awˬ” lehˇ ehˇ nehˬ ngeh, tsawˇ haˬ kʼoeˇ gʼaˬ kʼoeˇ gaˇ yawꞈ leˇ-euˬ meh.

Gʼaˬkʼehˇ 13:10

“Nehꞈsahˬpaˬ-euˬ zaˬ-oˇ, yaw muiˬ jeˬ dawˬ tawˆ luꞈ-ahˇ nawˇ muiˇ-eu meh. Nawˇ-aˬ, nui ma gʼoꞈ dui dui-awˇ, SahˬpaˬMiˬyehˇ-euˬ yaw tsaˬ yaw dawˇ jeˬ-ahˇ jaˬ myawꞈ mehˇ shuiˇ pyeuꞈ-iˇ jiˇ ni leh jeh luꞈ-eu meh.

1 Gawˇliˬtu 10:9

Aˬ yawꞈ maꞈ tiˬ paˆ na deuˬ Miˬyehˇ-ahˇ lawˬ haw-euˬ loꞈ-ehˇ aˬ dui maˬ ya lawˬ haw-a. Aˬ yawꞈ maꞈ kʼoeˇ loꞈ-ehˇ lawˬ haw-euˬ miˇ meh aˇ lawˇ neh bi toˆ sehꞈ-euˬ meh.

1 Gawˇliˬtu 3:19

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ zaˬ siˬ tsawˇ gahˇ lehˇ sawˇ taˬ-euˬ jeˬ-aˬ, Miˬyehˇ mehˬ shi tiˬ jeˬ-iˬ gaˇ dahˇ maˬ tsoeˬ-a. “Zaˬ siˬ tsawˇ gahˇ ahˇ-eu deuˬ gahˇ dui dui luꞈ gaˇ Miˬyehˇ lahˇ ju kʼmˇ paꞈ-eu meh” lehˇ, Jaˇliꞈ laꞈ kʼoeˇ boꞈ taˬ-euˬ jaˆ meh.

Eˇpeˇsu 4:14

Kʼoeˇ ngeh jawˇ aˬ dui-aˬ, jah-eu jeˬ laꞈ kʼoeˇ zaˬ loꞈ-ehˇ maˬ paˇ pyeuꞈ-ehˇ, aˬ cawˬ-ahˇ tsawˇ gahˇ gahˇ-awˇ gaˇ ma sheuˬ bahˬ nehˬ-eu tsawˇ haˬ deuˬ-euˬ mehˇ shuiˇ jaˬ lehˇ baw laˇ ngeh, aˬ dui-ahˇ maˬ baw poˆ maˬ baw laˆ nya-aˇ.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.