Luˇkaꞈ 2:47 - Akha

⁴⁷ Aˬ yawꞈ ehˇ gaˇ kʼaˇ ya gaˬ-euˬ tsawˇ haˬ dawˬ tawˆ luꞈ, aˬ yawꞈ-euˬ zaˬ siˬ tsawˇ gahˇ hawˇ-eu aˬ yawꞈ neh ngehˬ kʼoꞈ tmˇ kʼoꞈ-euˬ dawˬ deuˬ-ahˇ zahˬ dui dui leˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁷ Aqyawf ngaeq-eu gar kharya gaq-euq tsawrhaq dawqtawvluf, aqyawf ghovshaw nya-awr ngaeqkhof nya-eu gar zanq duidui ler-eu mae.

Luˇkaꞈ 2:47 ပူးပေါင်းရင်းမြစ်များ

Jaceuq 119:99

Nawˇ mehˬ nehˬ tsoˆ nehˬ laꞈ-euˬ dawˬ-ahˇ ngaˇ shaˇ sawˇ geuꞈ-eu miˇ neh, ngaˬ-ahˇ mehˬ-eu tsoˆ-eu deuˬ naˆ maˬ tseˇ ngaˇ noeˬ siˬ noeˬ mawˇ nya-eu ma.

Maꞈtehˬ 13:54

aˬ yawꞈ jawˇ-eu meuˬ-ahˇ gʼoꞈ leˇ-euˬ meh. Aˬ yawꞈ uˬ duˬ tahˬ nymˇ laꞈ kʼoeˇ mehˬ nehˬ tsoˆ nehˬ gʼaˬ ngeh, ya gaˬ-euˬ tsawˇ haˬ deuˬ zahˬ leˇ-awˇ, heu loꞈ-ehˇ ehˇ-eu meh. “Heu loꞈ-ehˇ gʼeh-eu zaˬ siˬ tsawˇ gahˇ deuˬ aˬ yawꞈ aˬ gaˇ neh za-euˬ nga. Zahˬ leˇ paˬ-ehˇ gʼeh-eu gaˇ heu deuˬ aˬ yawꞈ aˬ joˆ-ehˇ mˇ nya-eu nga.

Maꞈtehˬ 22:33

Yeˬsuˇ kʼoeˇ loꞈ-ehˇ ehˇ gaˇ tsawˇ haˬ aˇ maꞈ maꞈ ma ya gaˬ ngeh, aˬ yawꞈ mehˬ nehˬ tsoˆ nehˬ gaˇ zahˬ dui dui leˇ-euˬ meh.

Maꞈtehˬ 7:28

Yeˬsuˇ dawˬ kʼoeˇ deuˬ mehˬ nehˬ tsoˆ nehˬ gʼaˬ ngeh, aˬ yawꞈ mehˬ nehˬ tsoˆ nehˬ gaˇ ya gaˬ-euˬ tsawˇ haˬ aˇ maꞈ kʼoeˇ deuˬ zahˬ dui dui leˇ-euˬ meh.

Maˬkuˆ 1:22

Aˬ yawꞈ mehˬ nehˬ tsoˆ nehˬ gaˇ kʼaˇ ya gaˬ-euˬ tsawˇ haˬ deuˬ zahˬ leˇ-euˬ meh. Aˬ jeˬ miˇ neh ehˇ naˇ, aˬ yawꞈ mehˬ-eu tsoˆ-eu kʼoeˇ-aˬ, Zahˇ dawˬ kʼoꞈ dawˬ mehˬ-eu saˬ laˬ deuˬ mehˬ gaˇ maˬ duˇ ni, baoˬ ahˇ-eu laꞈ kʼoeˇ mehˬ-eu jeˬ pyeuꞈ-eu meh.

Maˬkuˆ 11:18

Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ dawˬ kʼoeˇ dawˬ ya gaˬ ngeh, aˬ yawꞈ-ahˇ sehꞈ-eu gaˇ ma poˆ-euˬ meh. Aˬ jeˬ miˇ neh ehˇ naˇ, tsawˇ haˬ aˇ maꞈ dawˬ tawˆ luꞈ, aˬ yawꞈ neh mehˬ nehˬ tsoˆ nehˬ-euˬ gaˇ zahˬ dui dui leˇ-euˬ meh.

Maˬkuˆ 6:2

Jawˇ nah ngeh nah, uˬ duˬ tahˬ nymˇ laꞈ kʼoeˇ aˬ yawꞈ mehˬ-euˬ tsoˆ-euˬ meh. Aˬ yawꞈ mehˬ gaˇ tsoˆ gaˇ ya gaˬ-euˬ tsawˇhaˬ gʼawˬ mya ni zahˬ dui dui leˇ-awˇ, heu loꞈ-ehˇ ehˇ-eu meh. “Tsawˇ ha heu gʼaˬ teu loꞈ-ehˇ gʼeh-eu jeˬ aˬ gaˇ laˬ-iˇ-euˬ nga. Aˬ yawꞈ-ahˇ biꞈ taˬ-euˬ zaˬ siˬ tsawˇ gahˇ teu, aˬ geu jeˬ-euˬ zaˬ siˬ tsawˇ gahˇ nga. Aˇ naˆ naˆ-ehˇ gʼeh-eu zahˬ leˇ paˬ-ehˇ gʼeh-eu jeˬ aˬ yawꞈ mˇ doˆ laꞈ nya-eu nga.

Luˇkaꞈ 2:18

Yawˇ bo-eu deuˬ ehˇ gaˇ kʼaˇ ya gaˬ-euˬ tsawˇ haˬ dawˬ tawˆ luꞈ, zahˬ dui dui leˇ-euˬ meh.

Luˇkaꞈ 2:46

Smˬ nah poˆ keuˆ laꞈ ngeh, Uˬ duˬ tahˬ nymˇ nymˇ ma laꞈ kʼoeˇ poˆ mawˇ leˇ-euˬ meh. Yuˇdaˆ tsawˇ haˬ saˬ laˬ deuˬ nehˬ-ehˇ aˬ yawꞈ nuiˇ-awˇ, aˬ yawꞈ maꞈ neh mehˬ nehˬ tsoˆ nehˬ-euˬ gaˇ naˇ haˬ-awˇ, aˬ yawꞈ maꞈ-ahˇ gʼawˬ mya jeˬ naˇ haˬ poˆ luꞈ-eu meh.

Luˇkaꞈ 4:22

Aˬ yawꞈ maꞈ dawˬ tawˆ luꞈ aˬ yawꞈ-ahˇ ja ceuˬ-eu meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ muiˬ dui dui-eu dawˬ deuˬ-ahˇ aˬ yawꞈ maꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yoˇsehˆ-euˬ aˬ li maˬ ngeuˇ-a loˇ.”

Luˇkaꞈ 4:32

Aˬ yawꞈ mehˬ nehˬ tsoˆ nehˬ gaˇ aˬ yawꞈ maꞈ zahˬ dui dui leˇ-euˬ meh. Aˬ jeˬ miˇ neh ehˇ naˇ, baoˬ ahˇ-eu laꞈ kʼoeˇ aˬ yawꞈ mehˬ nehˬ tsoˆ nehˬ-euˬ meh.

Yoˇhaˬ 7:15

Yuˇdaˆ tsawˇ haˬ aˬ yuiꞈ aˬ tsu deuˬ zahˬ leˇ-awˇ ehˇ-eu, “Tsawˇ haˬ heu gʼaˬ tiˬ jeˬ-iˬ maˬ ya dzaw haw-euˬ gaˇ, aˇ naˆ naˆ-ehˇ siˬ nya-eu nga teu.”

Yoˇhaˬ 7:46

Yehˇ kʼoeˇ deuˬ ehˇ-eu, “Tsawˇ haˬ tiˬ gʼaˬ-iˬ tsawˇ haˬ heu gʼaˬ loꞈ-ehˇ dawˬ ngehˬ-eu maˬ gaˬ haw-aˬ.”