Luˇkaꞈ 2:40 - Akha

⁴⁰ Aˬ li kʼoeˇ gʼaˬ huiˬ laˇ-awˇ, nui ma saꞈ laˇ gʼaˬ ahˇ laˇ luꞈ-eu uˬ taꞈ, zaˬ siˬ tsawˇ gahˇ byah-awˇ, Miˬyehˇ-euˬ guiˬ lahˬ aˬ yawꞈ kʼoeˇ taˆ jaˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Zaq khoerghaq huiqlar-awr, saflar khawf ghaq khavlar-euq uqtaf, zaqsiq tsawrganr tiqbyanni anrlar-awr, Miqyaer-euq guiqlanq yawdzanr khawf, aqyawf-euq khoertav jav-eu mae.

Luˇkaꞈ 2:40 ပူးပေါင်းရင်းမြစ်များ

Jaceuq 22:9

Nawˬneh ngaˬ-ahˇbi dehꞈle-awˇ, aˬcoeˇdawˇzaˬpyeuꞈluꞈngeh neh, nawˇbo saˆhaw piˇlaꞈ-euˬmeh.

Jaceuq 45:2

Kʼaˬ dzeˇ zaˬ dawˬ tawˆ luꞈ laꞈ kʼoeˇ, nawˇ aˬ cawˬ naˆ maˬ tseˇ seuˆ jeuꞈ aˇ gʼehˇ muiˬ-eu meh. Nawˇ dawˬ sahˇ dui dui-awˇ, Miˬyehˇ nawˬ-ahˇ aˬ myah luꞈ guiˬ lahˬ biꞈ-eu meh.

Luˇkaꞈ 1:80

Aˬ li kʼoeˇ li huiˬ laˇ-awˇ, nui ma gʼawˇ mawˇ nyiˬ jeˬ luꞈ huiˬ laˇ mahˇ laˇ luꞈ-eu meh. Iˇsaˬleˬlaˆ tsawˇ haˬ deuˬ mehˬ shi aˬ yawꞈ maˬ doˆ laˇ kʼoeˇ keuˆ ni, bawˇ tsahˬ bawˇ dahˇ-ahˇ jawˇ-euˬ meh.

Luˇkaꞈ 2:47

Aˬ yawꞈ ehˇ gaˇ kʼaˇ ya gaˬ-euˬ tsawˇ haˬ dawˬ tawˆ luꞈ, aˬ yawꞈ-euˬ zaˬ siˬ tsawˇ gahˇ hawˇ-eu aˬ yawꞈ neh ngehˬ kʼoꞈ tmˇ kʼoꞈ-euˬ dawˬ deuˬ-ahˇ zahˬ dui dui leˇ-eu meh.

Luˇkaꞈ 2:52

Yeˬsuˇ-aˬ, zaˬ siˬ tsawˇ gahˇ hawˇ-eu gʼawˇ mawˇ huiˬ laˇ-awˇ, Miˬyehˇ maˬ ehˇ, tsawˇ haˬ maˬ ehˇ, aˬ yawꞈ-ahˇ nui ma tsaˬ-eu meh.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Gʼaˬkʼehˇ 4:33

Gʼaˬ kʼehˇ deuˬ baoˬ tiˬ byah ni ahˇ-eu laꞈ kʼoeˇ, Sahˬpaˬ Yeˬsuˇ gʼoꞈ dehꞈ laˇ-euˬ gaˇ kawˆ saˇ kiˇ kamˬ-awˇ, muiˬ dui dui-eu guiˬ lahˬ deuˬ, aˬ yawꞈ maꞈ dawˬ tawˆ luꞈ kʼoeˇ taˆ Miˬyehˇ shehˬ nehˬ lawˇ nehˬ-euˬ meh.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

2 Tiˆmoˇseˬ 2:1

Ngaˬ li-oˇ, Yeˬsuˇ Ka li laꞈ kʼoeˇ aˬ dui za taˬ-euˬ guiˬ lahˬ yaw dzahˇ baˬ da neh gʼaˬ ahˇ-awˬ.

Yaˇ kʼaˬ daˇ 13:24

Zaˬ miˬ zaˬ kʼoeˇ gʼaˬ aˬ li tiˬ gʼaˬ ciˬ-awˇ, Saˬsoˬ lehˇ myahˇ nehˬ-euˬ meh. Aˬ li kʼoeˇ li huiˬ laˇ-awˇ aˬ yawꞈ-ahˇ Sahˬpaˬ Miˬyehˇ guiˬ lahˬ biꞈ nehˬ-euˬ meh.

1 Saˬmeuˬlaˆ 2:18

Aˇ yamˬ kʼoeˇ yamˬ laꞈ kʼoeˇ, aˬ li li zaˬ Saˬmeuˬlaˆ-aˬ, shawˇ jehˆ ni gʼeh-eu saˬ paˇ neh guꞈ taˬ-euˬ muiˬ-eu shawˇ-eu pehˇ kʼahˬ pehˇ mahˇ dm-awˇ, Sahˬpaˬ Miˬyehˇ-euˬ gaˇ mˇ luꞈ-eu meh.

1 Saˬmeuˬlaˆ 2:21

Haˬnahˬ-ahˇ Sahˬpaˬ Miˬyehˇ aˬ diˇ aˬ maˇ guiˬ lahˬ biꞈ nehˬ-awˇ, aˬ li smˬ li hawˇ-eu aˬ buˇ nyiˬ buˇ paˇ bi jawˇ le-euˬ meh. Aˬ li Saˬmeuˬlaˆ gʼaˬ-aˬ, Sahˬpaˬ Miˬyehˇ-euˬ gaˇ mˇ mˇ-ehˇ huiˬ laˇ luꞈ-eu meh.

1 Saˬmeuˬlaˆ 2:26

Aˬ li Saˬmeuˬlaˆ-aˬ, tiˬ nah saˇ-iˬ tiˬ nah huiˬ laˇ luꞈ-awˇ, Sahˬpaˬ Miˬyehˇ maˬ ehˇ, tsawˇ haˬ zaˬ maˬ ehˇ, aˬ yawꞈ-ahˇ nui kʼahˇ shiˇ-eu meh.

1 Saˬmeuˬlaˆ 3:19

Saˬmeuˬlaˆ huiˬ laˇ luꞈ-eu loꞈ-ehˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-awˇ, aˬ yawꞈ neh kʼaˇ ehˇ-euˬ jeˬ bi pyeuꞈ laˇ-euˬ meh.