Luˇkaꞈ 2:19 - Akha

¹⁹ Maˬliˇ-aˬ, gaˇ kawˆ kʼoeˇ deuˬ dawˬ tawˆ luꞈ juiˇ taˬ-awˇ, nui ma laꞈ kʼoeˇ shaˇ noeˬ shaˇ noeˬ-ehˇ jawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aerkhawf, Maqliv-aq, garkawv khoerdeuq dawqtawvluf nuima-euq lafkhoer juiruiq taq-awr sharnoeq sharsawx-euq mae.

Luˇkaꞈ 2:19 ပူးပေါင်းရင်းမြစ်များ

Aˇ dahˬ 37:11

Aˬ yawꞈ-euˬ aˇ doˆ deuˬ aˬ yawꞈ-ahˇ myaˆ naˆ laˇ taˬ-euˬ meh. Ehˇ kʼawꞈ, aˬ yawꞈ-euˬ aˬ da-aˬ, aˬ yawꞈ neh yuꞈ maˆ maˆ-euˬ gaˇ kawˆ-ahˇ shaˇ noeˬ shaˇ noeˬ-ehˇ jawˇ-eu meh.

Jaceuq 119:11

Nawˬ-ahˇ ngaˇ maˬ ya mˇ bahˬ ni, nawˬ-euˬ zahˇ dawˬ kʼoꞈ dawˬ nui ma laꞈ kʼoeˇ pi ma.

Dawqdaq 4:4

ngaˬ da ngaˬ-ahˇ heu loꞈ-ehˇ mehˬ nehˬ laꞈ-euˬ meh. Ngaˬ-euˬ dawˬ-ahˇ nui ma laꞈ kʼoeˇ maˬ ngehˇ ni juiˇ taˬ-awˇ, ngaˇ mehˬ-eu jeˬ-ahˇ ziꞈ dah ni tuˆ tehˬ-awˇ dehꞈ-awˬ.

Daˬyeˬlaˇ 7:28

Gaˇ kawˆ heu hmˬ heu gaˇ jiˇ-euˬ meh. Ngaˇ guˆ dui dui-iˇ-euˬ miˇ neh, myaˆ pyawˬ pyuˇ pya ni pyeuꞈ-iˇ-awˇ, aˬ cawˬ-ahˇ maˬ ja nehˬ ni nui ma laꞈ kʼoeˇ juiˇ taˬ-euˬ ma.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Luˇkaꞈ 1:66

Kʼaˇ ya gaˬ-euˬ tsawˇ haˬ yawˬ gʼaˬ na luꞈ, nui ma laꞈ kʼoeˇ shaˇ noeˬ shaˇ noeˬ-ehˇ, “Zaˬ kʼoeˇ gʼaˬ aˬ joˆ-ehˇ gʼeh-eu tsawˇ haˬ pyeuꞈ laˇ-eu lehˇ gʼeh-eu maˬ siˬ miˇ-a” lehˇ ehˇ-eu meh. Aˬ jeˬ miˇ neh ehˇ naˇ, SahˬpaˬMiˬyehˇ-euˬ baoˬ aˬ yawꞈ kʼoeˇ taˆ jaˆ-eu yaw duˬ baw-eu meh.

Luˇkaꞈ 2:18

Yawˇ bo-eu deuˬ ehˇ gaˇ kʼaˇ ya gaˬ-euˬ tsawˇ haˬ dawˬ tawˆ luꞈ, zahˬ dui dui leˇ-euˬ meh.

Luˇkaꞈ 2:51

Kʼoeˇ naˇ, aˬ yawꞈ nyaꞈ nehˬ-ehˇ Naˬzaˬlehˇ meuˬ-ahˇ Yeˬsuˇ gʼoꞈ-iˇ-awˇ, ehˇ dawˬ naˇ haˬ naˇ haˬ-ehˇ jawˇ-euˬ meh. Aˬ yawꞈ-euˬ aˬ ma-aˬ, gaˇ kawˆ kʼoeˇ deuˬ dawˬ tawˆ luꞈ, nui ma laꞈ kʼoeˇ juiˇ taˬ-euˬ meh.

1 Saˬmeuˬlaˆ 21:12

Aˬ yawꞈ maꞈ neh ehˇ-euˬ dawˬ kʼoeˇ dawˬ Daˬbiˇ-euˬ nui ma-ahˇ shaˬ zahˬ bi mˇ-awˇ, sahˬ paˬ Aˬkiˇ-ahˇ Daˬbiˇ guˆ dui dui-euˬ meh.