Luˇkaꞈ 19:47 - Akha

⁴⁷ Yawˬ nah na luꞈ, Uˬ duˬ tahˬ nymˇ nymˇ ma laꞈ kʼoeˇ Yeˬsuˇ mehˬ nehˬ tsoˆ nehˬ-euˬ meh. Piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-ahˇ sehꞈ mawꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁷ Yeqsur nan-anr nae uqduq tanqnymr nymrma-euq lafkhoer maeqnaeq tsovnaeq luf-eu mae. Pirma aqyuif deuq, zanr maeq-eu deuq hawr-eu mirkhanqzaq-euq aqyuif aqtsu deuq, aqyawf-anr saef-eu laer jawqluf-eu mae.

Luˇkaꞈ 19:47 ပူးပေါင်းရင်းမြစ်များ

Maꞈtehˬ 21:23

Yeˬsuˇ Uˬ duˬ tahˬ nymˇ nymˇ ma-ahˇ gʼoꞈ uˇ leˇ-awˇ mehˬ luꞈ tsoˆ luꞈ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ aˬ yawꞈ jawˇ gaˇ laˇ-awˇ ehˇ-eu, “Nawˇ aˬ gaˇ-euˬ baoˬ-ahˇ gʼoe-awˇ teu loꞈ-ehˇ mˇ te. Aˬ suˇ gʼaˬ neh nawˬ-ahˇ baoˬ biꞈ laꞈ taˬ.”

Maꞈtehˬ 26:55

Kʼoeˇ naˇ, tsawˇ haˬ aˇ maꞈ kʼoeˇ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Smˇ kʼoeˬ tahˇ joe-ahˇ nyehꞈ-eu loꞈ-ehˇ, naw maꞈ mi cehˇ hawˇ-eu daˇ kawˬ baꞈ-awˇ ngaˬ-ahˇ ya nyehꞈ le ta loˇ. Uˬ duˬ tahˬ nymˇ nymˇ ma laꞈ kʼoeˇ ngaˇ yawˬ nah na luꞈ nuiˇ-awˇ mehˬ nehˬ tsoˆ nehˬ luꞈ kʼawꞈ, naw maꞈ ngaˬ-ahˇ maˬ nyehꞈ le-a.

Maˬkuˆ 11:18

Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ dawˬ kʼoeˇ dawˬ ya gaˬ ngeh, aˬ yawꞈ-ahˇ sehꞈ-eu gaˇ ma poˆ-euˬ meh. Aˬ jeˬ miˇ neh ehˇ naˇ, tsawˇ haˬ aˇ maꞈ dawˬ tawˆ luꞈ, aˬ yawꞈ neh mehˬ nehˬ tsoˆ nehˬ-euˬ gaˇ zahˬ dui dui leˇ-euˬ meh.

Maˬkuˆ 12:12

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ nyehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ heu hmˬ ja-eu-aˬ, aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ siˬ nya-eu meh. Ehˇ kʼawꞈ, aˬ yawꞈ maꞈ tsawˇ haˬ aˇ maꞈ-ahˇ guˆ-eu miˇ neh, aˬ yawꞈ-ahˇ maˬ nyehꞈ ni doˆ-iˇ-euˬ meh.

Maˬkuˆ 14:1

Baˬ saˬ kaˬ Bawˬ-iˬ hawˇ-eu Dehˬ tseˬ maˬ dawˆ-euˬ Kaˬ muˇ dzaˬ-eu Bawˬ-iˬ gʼeh-eu aˇ yamˬ keuˆ le-eu nyiˬ nah dzeˇ-eu tehꞈ meh. Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Yeˬsuˇ-ahˇ ciˬ cuˇ ni nyehꞈ kʼoeˬ-awˇ sehꞈ-eu gʼaˇ duˬ nawˬ jawˬ luꞈ-eu meh.

Maˬkuˆ 14:49

Aˬ yawꞈ nah yawꞈ Uˬ duˬ tahˬ nymˇ nymˇ ma-ahˇ mehˬ-eu tsoˆ-eu laꞈ kʼoeˇ, naw maꞈ nehˬ-ehˇ ngaˇ jawˇ luꞈ kʼawꞈ, naw maꞈ ngaˬ-ahˇ maˬ nyehꞈ le-a. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ jeˬ ya bi byah laˇ tehꞈ-a.”

Luˇkaꞈ 19:48

Ehˇ kʼawꞈ, aˬ yawꞈ maꞈ tiˬ jeˬ-iˬ maˬ gʼeh nya-a. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ aˬ yawꞈ-euˬ dawˬ-ahˇ naˇ haˬ mawꞈ dui dui-awˇ, tiˬ dawˬ-iˬ maˬ bi ga ka yaꞈ mawꞈ-a.

Luˇkaꞈ 20:19

Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu piˇ ma aˬ yuiꞈ deuˬ, Yeˬsuˇ-ahˇ tiˬ poˆ tehꞈ-ehˇ nyehꞈ-eu lehˇ gʼeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ ja-eu kʼoeˇ aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ gʼoˆ siˬ-euˬ meh. Ehˇ kʼawꞈ, tsawˇ haˬ aˇ maꞈ-ahˇ aˬ yawꞈ maꞈ guˆ-eu miˇ neh maˬ nyehꞈ peuˬ-a.

Yoˇhaˬ 10:39

Kʼoeˇ ngeh, aˬ yawꞈ maꞈ Yeˬsuˇ-ahˇ nyehꞈ-eu lehˇ paˇ leh jeh-eu meh. Ehˇ kʼawꞈ, aˬ yawꞈ maꞈ neh maˬ bi nyehꞈ mi ni law-iˇ-euˬ meh.

Yoˇhaˬ 18:20

Yeˬsuˇ ehˇ-eu, “Ngaˇ aˬ cawˬ-ahˇ dawˬ kʼaˇ ngehˬ cawˬ ngeh, tsawˇ haˬ gʼawˬ mya ni jawˇ-eu mehˬ shi bya cehˆ ni ngehˬ cawˬ-euˬ ma. Tsawˇ haˬ dawˬ tawˆ luꞈ uiˬ laˇ-eu jawˇ duˬ pyeuꞈ-eu uˬ duˬ tahˬ nymˇ deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ tehꞈ-ehˇ ngaˇ mehˬ-euˬ tsoˆ-euˬ ma. Yaw zaꞈ-ahˇ ngehˬ kʼoeˬ tmˇ kʼoeˬ-euˬ tiˬ jeˬ-iˬ maˬ jaˆ.

Yoˇhaˬ 7:19

Moˇseˬ neh naw maꞈ-ahˇ Zahˇ dawˬ kʼoꞈ dawˬ biꞈ yaꞈ-euˬ maˬ ngeuˇ-a loˇ. Ehˇ kʼawꞈ, naw maꞈ tiˬ gʼaˬ-iˬ Zahˇ dawˬ kʼoꞈ dawˬ-ahˇ maˬ caw teh-a. Aˬ jeˬ miˇ neh naw maꞈ ngaˬ-ahˇ sehꞈ-eu lehˇ leh jeh te.”

Yoˇhaˬ 7:44

Tiˬ paˆ na deuˬ aˬ yawꞈ-ahˇ nyehꞈ mawꞈ-eu meh. Ehˇ kʼawꞈ, a yawꞈ-ahˇ tiˬ gʼaˬ-iˬ maˬ nyehꞈ nya-a.