Luˇkaꞈ 19:43 - Akha

⁴³ Nawˬ-ahˇ muiˇ-eu deuˬ nawˬ-euˬ tiˬ jawˬ taˆ ciˬ goˇ-awˇ loꞈ jawˬ-eu laꞈ kʼoeˇ, yawˬ paw na luꞈ tah uˇ le-eu aˇ nah keuˆ le tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Nawq-anr muir-eu deuq, nawq-euq tiqjawq lanr ciq-awr, nawq-anr yawqpaw navluf lofjawq-awr taesuf lar-eu arnan keuvle taef-a.

Luˇkaꞈ 19:43 ပူးပေါင်းရင်းမြစ်များ

Dawˬ tsoˆ 9:14

Tsawˇ haˬ yaw kʼaˆ-ehˇ maˬ myaˬ-eu meuˬ meuˬ zaˬ tiˬ meuˬ jaˆ-eu meh. Baoˬ huiˬ-eu sahˬ paˬ tiˬ gʼaˬ meuˬ kʼoeˇ meuˬ-ahˇ deuˆ geuꞈ-eu gʼaˇ duˬ loꞈ jawˬ taˬ-awˇ, meuˬ meuˬ lahˇ duˬ byaˆ dzeh-eu lehˇ lehˬ hmˬ luꞈ-eu meh.

Iˇsaˬyaˇ 37:33

“Aˬshuˇliˆ sahˬ paˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ taˬ-euˬ meh. ‘Meuˬ heu meuˬ-ahˇ aˬ yawꞈ maˬ ya uˇ keuˆ laˇ-eu uˬ taꞈ, kaˆ myaˬ tiˬ myaˬ-iˬ maˬ ya beuˆ ahˇ laꞈ-a. Dehˬ daˬ duˬ baꞈ luꞈ-eu aˬ yawꞈ-euˬ yehˇ tiˬ gʼaˬ-iˬ meuˬ dawˬ peh maˬ ya laˇ tehˬ-eu uˬ taꞈ, meuˬ-ahˇ deuˆ -eu gʼaˇ duˬ meuˬ lahˇ jawˬ jawˬ-ehˇ taˆ maˬ ya tsoˆ goˇ-a.

Yeˬsaˬgeˬlaˇ 26:8

Iˬ ma laˆ shaˆ-ahˇ yaw kʼaˆ-ehˇ maˬ peh-eu pehˇ tsahˇ tsahˇ ma-ahˇ jawˇ-eu deuˬ-aˬ, guiˇ deuˆ-awˇ bi deuˆ sehꞈ tehꞈ-a. Muiˇ-eu deuˬ kuˬ kaˬ duˬ-awˇ, miˇ tsaˬ ciˬ goˇ-eu laꞈ kʼoeˇ, nawˇ guiˇ deuˆ le gaˇ ciˬ daˬ tehꞈ-a.

Yeˬsaˬgeˬlaˇ 4:2

Kʼoeˇ naˇ, meuˬ-ahˇ loꞈ jawˬ-awˇ, guiˇ deuˆ ngeh kʼaˇ jahˇ-eu loꞈ-ehˇ, tsaˬ byaˆ kʼoeˇ-euˬ tiˬ jawˬ, kuˬ kaˬ duˬ-eu, miˇ tsaˬ ciˬ goˇ-eu, sehˬ gʼawˆ gʼawˆ-eu hawˇ-eu meuˬ lahˇ tuˆ byaˆ-eu keu ka deuˬ baꞈ taˬ-awˇ jaˆ-eu, heu loꞈ-ehˇ gʼeh-eu yawˬ jeˬ na luꞈ-euˬ aˇ baˇ jahˇ kuꞈ taˬ-awˬ.

Maꞈtehˬ 22:7

Kʼoeˇ ngeh jawˇ, sahˬ paˬ kʼoeˇ gʼaˬ nui ma pehˇ laˇ-awˇ, aˬ yawꞈ-euˬ guiˇ maꞈ pyehˬ gʼeh-awˇ, aˬ yawꞈ-euˬ zaˬ kʼaˆ deuˬ-ahˇ sehꞈ-euˬ tsawˇ haˬ kʼoeˇ deuˬ-ahˇ bi sehꞈ-awˇ, aˬ yawꞈ maꞈ-euˬ meuˬ-ahˇ miˬ dzaˬ bi keuˬ dzeh-euˬ meh.

Luˇkaꞈ 19:42

heu loꞈ-ehˇ ehˇ-eu meh. “Yeˬluˇsaˬlehˬ meuˬ-oˇ, nawˬ-ahˇ nui saˇ oꞈ-eu jeˬ biꞈ nya-eu aˬ jeˬ-a lehˇ iˬ nah nawˇ siˬ nya law nmˇ-aˬ, muiˬ dui dui meh. Ehˇ kʼawꞈ, kʼoeˇ jeˬ-ahˇ nymˬ-mˇ nawˇ maˬ mawˇ-a.