Luˇkaꞈ 19:29 - Akha

²⁹ Saˬloˬ gawˬ jawˬ-ahˇ jaˆ-eu Behˬpaˇgeˬ pu hawˇ-eu Beˬtaˬniˇ pu dawˬ peh aˬ yawꞈ le keuˆ ngeh, aˬ yawꞈ-euˬ zaˬ lahˇ nyiˬ gʼaˬ-ahˇ mehˬ hu paw pyehˬ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Khoerngae, heulof-aer pyeuflar-euq mae. Baerpaqjeq pu hawr-eu Beqtaqnir pu-euq dawqpae jav-eu Saqloq gawqjawq laer kur-eu khoerjawq-anr lekeuv ngae, aqyawf-euq zaqlanr nyiq ghaq-anr khaer-awr heulof-aer aernaeq-euq mae,

Luˇkaꞈ 19:29 ပူးပေါင်းရင်းမြစ်များ

Zaˬkaˬliˇ 14:4

Kʼoeˇ ngeh jawˇ, Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-eu Saˬloˬ gawˬ jawˬ-ahˇ aˬ yawꞈ yawꞈ tehꞈ-a. Kʼoeˇ naˇ, Saˬloˬ gawˬ jawˬ kʼoeˇ nahˇ ma doˆ kʼehˬ ga kʼehˬ-ehˇ nyiˬ paˆ paˆ-iˇ-awˇ, yaw kaˬ-ahˇ gʼaˬ lawˬ lawˬ ma jaˆ le tehꞈ-a. Gawˬ jawˬ tiˬ paˆ laꞈ taˆ paw pyawˬ-ahˇ jiˆ daˆ leˇ-awˇ, tiˬ paˆ laꞈ oˆ paw pyawˬ-ahˇ jiˆ ka-iˇ tehꞈ-a.

Maꞈtehˬ 21:17

Kʼoeˇ naˇ, aˬ yawꞈ maꞈ jawˇ gaˇ neh Yeˬsuˇ doˆ-iˇ-awˇ, Yeˬluˇsaˬlehˬ meuˬ-ahˇ neh Beˬtaˬniˇ pu-ahˇ iˇ-awˇ, kʼoeˇ gaˇ uˬ ciꞈ yaꞈ-euˬ meh.

Luˇkaꞈ 19:30

Zaˬ lahˇ kʼoeˇ nyiˬ gʼaˬ-ahˇ heu loꞈ-ehˇ mehˬ nehˬ-awˇ bi le-euˬ meh. “Naw nyaꞈ-euˬ mehˬ hu jaˆ-eu pu kʼoeˇ pu-ahˇ le-awˬ. Naw nyaꞈ pu-ahˇ uˇ leˇ-eu nehˬ-ehˇ, tsawˇ haˬ tiˬ gʼaˬ-iˬ maˬ dziˬ haw-euˬ mahˬ tahˬ laˆ zaˬ tiˬ mawˇ paꞈ tawꞈ taˬ-awˇ jawˇ gaˇ ya mawˇ tehꞈ-a. Aˇ caˆ tseuˆ puiˇ-awˇ heu gaˇ tsahˇ kʼoꞈ leꞈ-awˬ.

Luˇkaꞈ 19:37

Yeˬluˇsaˬlehˬ meuˬ dawˬ peh le keuˆ-awˇ, Saˬloˬ gawˬ jawˬ iˇ ka ngeh, zaˬ lahˇ deuˬ baˬ maꞈ maꞈ lah-ehˇ laˬ kʼaˬ cehˇ dui dui-awˇ, aˬ yawꞈ maꞈ neh ya mawˇ-euˬ huiˬ dui dui-eu gaˇ kʼoeˇ deuˬ gʼaˇ duˬ, yaw kʼaˆ-ehˇ guˇ guˇ-ehˇ Miˬyehˇ-ahˇ ja ceuˬ-euˬ meh.

Luˇkaꞈ 21:37

Yeˬsuˇ-aˬ, yawˬ nah na luꞈ nah gʼahˇ paw Uˬ duˬ tahˬ nymˇ nymˇ ma laꞈ kʼoeˇ mehˬ nehˬ-euˬ meh. Ehˇ kʼawꞈ, uˬ ciꞈ ciꞈ le ngeh, Saˬloˬ gawˬ jawˬ-ahˇ yaꞈ leˇ-eu meh.

Luˇkaꞈ 22:39

Yeˬsuˇ-aˬ, aˬ myah myah aˬ yawꞈ kʼaˇ jahˇ-eu loꞈ-ehˇ, meuˬ-ahˇ neh doˆ-iˇ-awˇ, saˬ loˬ gawˬ jawˬ-ahˇ le-euˬ meh. Zaˬ lahˇ deuˬ kʼawꞈ, aˬ yawꞈ nehˬ-ehˇ le-euˬ meh.

Luˇkaꞈ 24:50

Kʼoeˇ naˇ, Yeˬsuˇ neh aˬ yawꞈ maꞈ-ahˇ Beˬtaˬniˇ pu dawˬ peh keuˆ ni sheuˬ keuˆ gʼeh-awˇ, aˬ laꞈ baꞈ diˇ-awˇ aˬ yawꞈ maꞈ-ahˇ dawˬ ngehˬ gʼeh nehˬ-euˬ meh.

Gʼaˬkʼehˇ 1:12

Kʼoeˇ naˇ, gʼaˬ kʼehˇ kʼoeˇ deuˬ Saˬloˬ Gawˬ jawˬ-ahˇ neh Yeˬluˇsaˬlehˬ meuˬ-ahˇ gʼoꞈ-iˇ-euˬ meh. Gawˬ jawˬ kʼoeˇ jawˬ-aˬ, Yeˬluˇsaˬlehˬ meuˬ-ahˇ neh oeˬ yaˇ oeˬ tseˇ lmˇ kaˬ-eu tehꞈ meh.