Luˇkaꞈ 18:43 - Akha

⁴³ Tsawˇ haˬ kʼoeˇ gʼaˬ tiˬ poˆ tehꞈ-ehˇ myaˆ nuiˆ mawˇ laˇ-awˇ, Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ, Yeˬsuˇ-euˬ mehˬ nah caw teh gʼeh-euˬ meh. Tsawˇ haˬ dawˬ tawˆ luꞈ kʼoeˇ gaˇ ya mawˇ ngeh, Miˬyehˇ-ahˇ ja ceuˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Khoerngae, myavbaef khoerghaq tiqpov taef-aer mawrnya lar-awr, Miqyaer-anr jaceuq jaceuq-aer Yeqsur-euq maeqnan cantae ghae-euq mae. Tsawrhaq dawqtawvluf khoer-anr ya’mawr ngae, Miqyaer-anr jaceuq-eu mae.

Luˇkaꞈ 18:43 ပူးပေါင်းရင်းမြစ်များ

Jaceuq 107:15

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 107:8

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 146:8

myaˆ behꞈ-ahˇ bi dahˇ laˇ-eu meh. Coˬ-iˇ-euˬ tsawˇ haˬ deuˬ-ahˇ aˬ yawꞈ ciˬ tuˇ nehˬ-awˇ, tsaˬ-eu dawˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Jaceuq 30:2

Ngaˬ-euˬ Sahˬpaˬ Miˬyehˇ-oˇ, caw ba nehˬlaꞈlehˇ ngaˇguˇngeh, nawˇ naˇgawˇlaˆtaˬlaꞈ-euˬmeh.

Iˇsaˬyaˇ 35:5

Myaˆ behꞈ mawˇ nya laˇ-awˇ, naˬ bawˬ gaˬ nya laˇ tehꞈ-a.

Iˇsaˬyaˇ 42:16

“Myaˆ behꞈ tahˬ sawˇ pyeuꞈ-eu ngaˬ-euˬ tsawˇ haˬ deuˬ-ahˇ, maˬ iˇ haw-euˬ gaˇ ma tiˬ kahˇ ngaˇ sheuˬ gʼeh ma. Aˬ yawꞈ maꞈ-euˬ yaw zahˇ-ahˇ ngaˇ yaw shehꞈ bi bya laˇ-awˇ, duˬ kʼahˬ duˬ kʼawꞈ myaˬ-eu miˇ kʼahˬ, aˬ yawꞈ maꞈ-euˬ mehˬ shi bi dzm laˇ ma. Heu-aˬ, ngaˬ-euˬ saˇ jaˇ dawˬ deuˬ pyeuꞈ-awˇ, maˬ byehˇ ni ngaˇ mˇ byah nehˬ ma.

Iˇsaˬyaˇ 43:21

Aˬ yawꞈ maꞈ-aˬ ngaˬ-euˬ gʼaˇ duˬ, ngaˬ neh beh-euˬ tsawˇ jeuˬ pyeuꞈ-awˇ, ngaˬ-ahˇ ja ceuˬ-euˬ caˇ dawˬ-ahˇ, aˬ yawꞈ maꞈ caˇ tehꞈ-a.”

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 21:14

Myaˆ behꞈ hawˇ-eu kuiˇ shiˇ laꞈ shiˇ deuˬ Uˬ duˬ tahˬ nymˇ nymˇ ma-ahˇ Yeˬsuˇ jawˇ gaˇ laˇ-awˇ bi laˆ taˬ-euˬ meh.

Maꞈtehˬ 9:8

Tsawˇ haˬ aˇ maꞈ kʼoeˇ deuˬ kʼoeˇ gaˇ ya mawˇ ngeh, guˆ-iˇ-awˇ, tsawˇ haˬ zaˬ-ahˇ kʼoeˇ naˆ ni gʼeh-eu baoˬ biꞈ-euˬ Miˬyehˇ-ahˇ ja ceuˬ-euˬ meh.

Luˇkaꞈ 13:17

Yeˬsuˇ kʼoeˇ loꞈ-ehˇ ehˇ ngeh, aˬ yawꞈ-ahˇ muiˇ-eu tsawˇ haˬ dawˬ tawˆ luꞈ shaꞈ dawˇ-iˇ-euˬ meh. Ehˇ kʼawꞈ, tsawˇ haˬ dawˬ tawˆ luꞈ Yeˬsuˇ neh kʼaˇ mˇ-euˬ zahˬ leˇ paˬ-ehˇ gʼeh-eu jeˬ-ahˇ laˬ kʼaˬ cehˇ-eu meh.

Luˇkaꞈ 19:37

Yeˬluˇsaˬlehˬ meuˬ dawˬ peh le keuˆ-awˇ, Saˬloˬ gawˬ jawˬ iˇ ka ngeh, zaˬ lahˇ deuˬ baˬ maꞈ maꞈ lah-ehˇ laˬ kʼaˬ cehˇ dui dui-awˇ, aˬ yawꞈ maꞈ neh ya mawˇ-euˬ huiˬ dui dui-eu gaˇ kʼoeˇ deuˬ gʼaˇ duˬ, yaw kʼaˆ-ehˇ guˇ guˇ-ehˇ Miˬyehˇ-ahˇ ja ceuˬ-euˬ meh.

Luˇkaꞈ 4:39

Aˬ yawꞈ-euˬ dawˬ peh Yeˬsuˇ yawꞈ leˇ-awˇ, naˇ gawˇ-ahˇ dehˬ ngeh, pyaˬ-eu taˬ leˇ-awˇ, tiˬ poˆ tehꞈ-ehˇ tsawˬ tuˇ laˇ-awˇ, aˬ yawꞈ maꞈ-ahˇ hawˬ byawˇ laˆ dawˆ nehˬ-euˬ meh.

Luˇkaꞈ 5:26

Aˬ yawꞈ maꞈ dawˬ tawˆ luꞈ zahˬ dui dui leˇ-awˇ, guˆ dui dui-eu laꞈ kʼoeˇ, Miˬyehˇ-ahˇ ja ceuˬ-awˇ ehˇ-eu, “Iˬ nah zahˬ dui dui leˇ paˬ-ehˇ gʼeh-eu jeˬ-ahˇ aˬ dui ya mawˇ-euˬ ma.”

Luˇkaꞈ 9:43

Kʼoeˇ ngeh, tsawˇ haˬ dawˬ tawˆ luꞈ Miˬyehˇ-euˬ baoˬ hui dui dui gaˇ zahˬ leˇ-euˬ meh. Yeˬsuˇ neh kʼaˇ mˇ kʼaˇ shaˇ-euˬ yawˬ jeˬ na luꞈ-ahˇ tsawˇ haˬ kʼoeˇ deuˬ zahˬ leˇ-awˇ jawˇ luꞈ ngeh, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh.

Gʼaˬkʼehˇ 11:18

Kʼoeˇ loꞈ-ehˇ dzawˇ mehˬ nehˬ gaˇ aˬ yawꞈ maꞈ ya gaˬ ngeh, Beˬtuˆluˆ-ahˇ iˬ baˇ maˬ taˬ ni byehˇ-awˇ, heu loꞈ-ehˇ ehˇ-eu meh. “Miˬyehˇ-aˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ deuˬ-ahˇ kʼawꞈ, iˬ baˇ noeˬ poˆ-awˇ dehꞈ nya ni aˬ kawˬ-aˬ biꞈ-euˬ nga.”

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

Gʼaˬkʼehˇ 4:21

Kʼoeˇ ngeh, Baꞈ dzah-ahˇ uiˬ laˇ-euˬ aˬ yuiꞈ aˬ tsu deuˬ aˬ yawꞈ nyaꞈ-ahˇ yaw kʼaˆ kʼaˆ-ehˇ mehˬ-eu laꞈ kʼoeˇ, guˆ tsiˬ nyehꞈ-awˇ pyehˬ nehˬ-euˬ meh. Tsawˇ haˬ kʼoeˇ gʼaˬ aˬ kuiˇ yaw cawˆ muiˬ laˇ-euˬ gaˇ tsawˇ haˬ dawˬ tawˆ luꞈ Miˬyehˇ-ahˇ ja ceuˬ luꞈ-eu miˇ neh, aˬ yuiꞈ aˬ tsu kʼoeˇ deuˬ aˬ yawꞈ nyaꞈ-ahˇ maˬ kʼehˬ maˬ kʼaˆ nehˬ peuˬ-a.

Gaˬlaˬtiˆ 1:24

Kʼoeˇ sawˇ miˇ tsa hawˇ-eu, ngaˬ-euˬ baˬ da neh Miˬyehˇ-euˬ yaw shehꞈ kʼahˬ sehˇ-ahˇ aˬ yawꞈ maꞈ ja ceuˬ laˇ-euˬ meh.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.