Luˇkaꞈ 18:34 - Akha

³⁴ Gaˇ kawˆ kʼoeˇ deuˬ-ahˇ zaˬ lahˇ deuˬ tiˬ pawꞈ-iˬ maˬ gʼoˆ shaw nya-a. Dawˬ kʼoeˇ deuˬ-euˬ dawˬ tsuiꞈ aˬ yawꞈ maꞈ gʼaˇ duˬ dehˬ kaˬ taˬ-euˬ gaˇ duˇ-awˇ, Yeˬsuˇ ehˇ mawꞈ-eu jeˬ-ahˇ aˬ yawꞈ maꞈ maˬ siˬ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Aerkhawf, zaqlanr deuq garkawv heudeuq-anr tiqpawf-iq maq ghovshaw nya-a. Aqyawf maf-euq gharduq dawqtsuif khoer zaftaq-euq jeq pyeuf-awr, aqyawf aer-eu gar aqyawfmaf maq siqnya-a.

Luˇkaꞈ 18:34 ပူးပေါင်းရင်းမြစ်များ

Maˬkuˆ 9:32

Ehˇ kʼawꞈ, aˬ yawꞈ kʼoeˇ loꞈ-ehˇ mehˬ-eu aˬ yawꞈ maꞈ maˬ gʼoˆ shaw nya-ehˇ, aˬ yawꞈ-ahˇ maˬ naˇ haˬ peuˬ ni jawˇ-euˬ meh.

Luˇkaꞈ 18:33

Aˬ yawꞈ maꞈ aˬ yawꞈ-ahˇ yahˬ caˆ neh juiꞈ-awˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Luˇkaꞈ 2:50

Ehˇ kʼawꞈ, aˬ yawꞈ ehˇ mawꞈ-eu dawˬ tsuiꞈ-ahˇ, aˬ nyaꞈ dzeˇ zaˬ maˬ gʼoˆ shaw nya-a.

Luˇkaꞈ 24:25

Kʼoeˇ ngeh jawˇ, aˬ yawꞈ nyaꞈ-ahˇ Yeˬsuˇ ehˇ nehˬ-eu, “Dawˇ ga-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh kʼaˇ ehˇ taˬ-euˬ dawˬ tawˆ luꞈ-ahˇ jah tuˆ leꞈ-eu gʼaˇ duˬ, aˇ naˆ naˆ-ehˇ ga-eu nya.

Luˇkaꞈ 24:45

Kʼoeˇ ngeh, Jaˇ liꞈ-ahˇ gʼoˆ shaw nya ni, aˬ yawꞈ maꞈ-euˬ nui ma-ahˇ aˬ yawꞈ pah nehˬ-euˬ meh.

Luˇkaꞈ 9:45

Ehˇ kʼawꞈ, dawˬ kʼoeˇ dawˬ-euˬ dawˬ tsuiꞈ-ahˇ zaˬ lahˇ deuˬ maˬ gʼoˆ shaw nya-a. Dawˬ kʼoeˇ dawˬ-aˬ, aˬ yawꞈ maꞈ maˬ gʼoˆ shaw nya ni zaꞈ taˬ-euˬ jeˬ pyeuꞈ-eu meh. Aˬ yawꞈ-ahˇ kʼawꞈ, aˬ yawꞈ maꞈ dawˬ tsuiꞈ maˬ naˇ haˬ peuˬ-a.

Yoˇhaˬ 10:6

Yeˬsuˇ aˬ yawꞈ maꞈ-ahˇ yaw jeˬ ma jeˬ heu hmˬ ja mehˬ-euˬ kʼawꞈ, aˬ yawꞈ maꞈ dawˬ tsuiꞈ maˬ gʼoˆ shaw nya-a.

Yoˇhaˬ 12:16

Pyeuꞈ laˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ, aˇ dahˬ beh ngeh zaˬ lahˇ deuˬ maˬ siˬ nya-a. Ehˇ kʼawꞈ, Yeˬsuˇ gʼoꞈ dehꞈ laˇ-awˇ yaw shehꞈ kʼahˬ sehˇ za gʼaˬ ngeh, Jaˇliꞈ laꞈ kʼoeˇ ehˇ taˬ-euˬ kʼoeˇ aˬ yawꞈ-ahˇ ehˇ-euˬ jeˬ pyeuꞈ-awˇ, aˬ yawꞈ maꞈ Yeˬsuˇ-ahˇ ha-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ dawˬ byah laˇ ni mˇ-euˬ jeˬ pyeuꞈ-eu gaˇ kawˆ, aˬ yawꞈ maꞈ siˬ duˬ-euˬ meh.