Luˇkaꞈ 18:32 - Akha

³² Aˬ yawꞈ-ahˇ aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, bi naˬ gʼa-awˇ, yehˬ bawˬ sehˇlu-ehˇ bi gʼeh-awˇ, duˬ kʼaˬ bi kʼa daˆ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Aqyawf, aqcawq tsawrjeuq tsawrca-euq aqlaf-euq lafkhoer yabi a’naeq-awr, aqcawq, aqyawf-anr aqjaf jafnaeq-awr, shafdawrlar paq-aer janrnaeq-eu uqtaf, duqkhaq khashaeqnaeq taef-a.

Luˇkaꞈ 18:32 ပူးပေါင်းရင်းမြစ်များ

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Iˇsaˬyaˇ 52:14

Tsawˇ haˬ gʼawˬ mya ni aˬ yawꞈ-ahˇ ya tsawˬ guˆ-iˇ tehꞈ-a. Aˬ yawꞈ-euˬ shiˬ shaˬ cawˆ dui dui-iˇ-awˇ, tsawˇ haˬ-ahˇ tiˬ pawꞈ-iˬ maˬ duˇ leˇ-a.

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Miˇkaˬ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ guiˇ maꞈ deuˬ kuˇ uiˬ-awˬ. Aˬ dui maꞈ-ahˇ aˬ cawˬ jawˬ lahˇ taˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ baˬ ba-ahˇ aˬ yawꞈ maꞈ daˇ cuiˇ neh juiꞈ-eu lehˇ gʼeh luꞈ meh.

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 20:19

Kʼoeˇ naˇ, Miˬyehˇ-ahˇ maˬ siˬ nya-eu aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-awˇ, laꞈ yaꞈ kʼoeˇ taˆ bi taꞈ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 22:6

Tiˬ paˆ na deuˬ-aˬ, aˬ yawꞈ-euˬ zaˬ kʼaˆ kʼoeˇ deuˬ-ahˇ nyehꞈ-awˇ, yehˬ bawˬ sehˇ lu-ehˇ jahˇ-awˇ sehꞈ-euˬ meh.

Maꞈtehˬ 26:67

Kʼoeˇ naˇ, aˬ yawꞈ maꞈ aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ-awˇ diˬ-euˬ meh. Tiˬ paˆ na deuˬ aˬ yawꞈ-euˬ baˬ ba-ahˇ tehˆ-awˇ heu loꞈ-ehˇ naˬ gʼa nehˬ-euˬ meh.

Maꞈtehˬ 27:2

Aˬ yawꞈ maꞈ aˬ yawꞈ-ahˇ shmˇ caˆ paꞈ-awˇ tsahˇ doˆ gʼeh-awˇ, Loˇmaˆ tsawˇ haˬ sahˬ paˬ Piˇlaˆ jawˇ gaˇ tsahˇ gʼeh-euˬ meh.

Maˬkuˆ 14:65

Tiˬ paˆ na deuˬ Yeˬsuˇ-ahˇ duˬ kʼaˬ kʼa daˆ-awˇ, myaˆ nuiˆ kaꞈ kaˬ nehˬ-awˇ diˬ diˬ-ehˇ, “Nawˬ-ahˇ diˬ-euˬ aˬ suˇ gʼaˬ nga lehˇ ja maw maw haw sheˇ” lehˇ ehˇ nehˬ-euˬ meh. Kʼoeˇ naˇ, aˬ yawꞈ-ahˇ loꞈ-eu yehˇ deuˬ aˬ yawꞈ-ahˇ tsahˇ-awˇ, baˬ ba-ahˇ tehˆ nehˬ-euˬ meh.

Maˬkuˆ 15:1

Uˬ bya bya laˇ-euˬ nehˬ-ehˇ, piˇ ma aˬ yuiꞈ deuˬ, tsawˇ mawˬ tsawˇ kʼaˆ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, Baꞈdzah aˇ muˇ-ahˇ kʼaˇ uˇ-eu tsawˇ haˬ dawˬ tawˆ luꞈ, yaw kawˇ-ehˇ tahˬ dzoeˇ-awˇ, mehˬ bawˬ mˇ-euˬ meh. Aˬ yawꞈ maꞈ aˬ yawꞈ-ahˇ shmˇ caˆ paꞈ-awˇ, sahˬ paˬ Piˇlaˆ jawˇ gaˇ bi tsahˇ ha-iˇ-euˬ meh.

Luˇkaꞈ 18:33

Aˬ yawꞈ maꞈ aˬ yawꞈ-ahˇ yahˬ caˆ neh juiꞈ-awˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Luˇkaꞈ 23:1

Kʼoeˇ naˇ, tsawˇ haˬ dawˬ tawˆ luꞈ baˬ maꞈ puˇ jeˬ-ehˇ tuˇ laˇ jiˇ-awˇ, Yeˬsuˇ-ahˇ sahˬ paˬ Piˇlaˆ jawˇ gaˇ sheuˬ gʼeh-euˬ meh.

Luˇkaꞈ 23:11

Heˬloˆ hawˇ-eu aˬ yawꞈ-euˬ yehˇ deuˬ Yeˬsuˇ-ahˇ yehˬ bawˬ sehˇ lu-ehˇ ehˇ-awˇ naˬ gʼa-euˬ meh. Kʼoeˇ loꞈ-ehˇ jahˇ gʼaˬ ngeh, sahˬ paˬ sahˬ ma deuˬ dm-eu muiˬ dui dui-eu mehˬ tsoeˬ bi dm-awˇ, sahˬ paˬ Piˇlaˆ jawˇ gaˇ bi sheuˬ kʼoꞈ gʼeh-euˬ meh.

Luˇkaꞈ 23:35

Tsawˇ haˬ gʼawˬ mya ni kʼoeˇ gaˇ yawꞈ-awˇ haw luꞈ ngeh, Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ naˬ gʼa naˬ gʼa-ehˇ ehˇ-eu, “Aˬ yawꞈ aˬ cawˬ-ahˇ ka kʼoꞈ-euˬ meh. Aˬ yawꞈ-aˬ, Miˬyehˇ neh Tseˇ doˆ-euˬ Gʼaˬ lehˇ ehˇ-eu Ka li ngeuˇ naˇ, yawˬ haˇ yawˬ ha ka kʼoꞈ luꞈ-uˇ.”

Yoˇhaˬ 18:22

Yeˬsuˇ kʼoeˇ loꞈ-ehˇ ehˇ ngeh, kʼoeˇ gaˇ loꞈ luꞈ-eu yehˇ tiˬ gʼaˬ aˬ yawꞈ-euˬ baˬ ba-ahˇ tehˆ-awˇ ehˇ-eu, “Nawˇ Piˇ ma Yaw huiˬ gʼaˬ-ahˇ teu loꞈ-ehˇ ehˇ kʼmˬ ta loˇ.”

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Yoˇhaˬ 18:30

Aˬ yawꞈ maꞈ ehˇ-eu, “Tsawˇ haˬ heu gʼaˬ yaw haiˬ jeˬ mˇ taˬ-euˬ maˬ jaˆ law nmˇ-aˬ, aˬ yawꞈ-ahˇ nawˇjawˇ gaˇ nga maꞈ maˬ sheuˬ ha laˇ nya-aˇ.”

Yoˇhaˬ 18:32

Yeˬsuˇ aˬ yawꞈ aˬ joˆ-ehˇ ya shiˇ-eu gaˇ kawˆ aˬ yawˇ yawꞈ ehˇ taˬ-euˬ jeˬ byah laˇ nya ni, aˬ yawꞈ maꞈ dawˬ kʼoeˇ jeˬ-ehˇ ngehˬ-eu jeˬ pyeuꞈ-eu meh.

Yoˇhaˬ 18:35

Sahˬ paˬ Piˇlaˆ ehˇ-eu, “Ngaˇ Yuˇdaˆ tsawˇ haˬ nga loˇ. Nawˬ-euˬ tsawˇ jeuˬ hawˇ-eu piˇ ma aˬ yuiꞈ deuˬ neh nawˬ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ-euˬ meh. Nawˇ aˬ jeˬ mˇ teˬ.”

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Gʼaˬkʼehˇ 3:13

Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu aˬ dui maꞈ-euˬ aˬ poeˬ aˬ bawˇ deuˬ-euˬ Miˬyehˇ neh, a yawꞈ-euˬ Zaˬ kʼaˆ Yeˬsuˇ-ahˇ muiˬ-eu shawˇ-eu yaw shehꞈ kʼahˬ sehˇ biꞈ nehˬ-euˬ meh. Ehˇ kʼawꞈ, aˬ yawꞈ-ahˇ miˇ kʼahˬ sahˬ paˬ sahˬ ma deuˬ-euˬ aˬ laꞈ laꞈ kʼoeˇ naw maꞈ a nehˬ-awˇ, aˬ yawꞈ-ahˇ pyehˬ nehˬ-eu gʼaˇ duˬ sahˬ paˬ Piˇlaˆ noeˬ tsehˆ gʼaˬ-euˬ kʼawꞈ, sahˬ paˬ Piˇlaˆ mehˬ shi aˬ yawꞈ-ahˇ naw maꞈ iˬ baˆ poˆ-euˬ meh.