Luˇkaꞈ 18:11 - Akha

¹¹ “Paˬliˬsehˇ kʼoeˇ gʼaˬ tiˬ paw yawꞈ-awˇ, ‘Miˬyehˇ-oˇ, ngaˇ-aˬ, aˬ cawˬ-ahˇ maˬ duˇ-eu miˇ neh nawˬ-euˬ guiˬ lahˬ-ahˇ ja ceuˬ-eu ma. Aˬ cawˬ loꞈ-ehˇ kʼoeˬ dzaˬ kʼaˆ dzaˬ-eu, maˬ sui maˬ dawˇ-eu, aˬ cawˬ miˬ zaˬ-ahˇ bahˬ-eu heu deuˬ ngaˇ maˬ mˇ. Kʼoeˇ uˬ taꞈ, kʼoeˇ gaˇ yawꞈ luꞈ-eu kawˬ taꞈ-eu tsawˇ haˬ heu gʼaˬ-ahˇ ngaˇ maˬ duˇ-eu miˇ neh, nawˬ-euˬ guiˬ lahˬ-ahˇ ja ceuˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Paqliqsaer khoerghaq gawqyawf yawf-awr, guiqlanq heulof-aer shar-eu mae, ‘Miqyaer-or! Ngar-aq, aqcawq-anr maqdur-eu mirnae, nawq-euq guiqlanq-anr jaceuq ma. Aqcawq-aq, khaeqdzaq khavdzaq-eu tsawrhaq, maqdawr-aer maqtsaq-eu tsawrhaq hawr-eu banq-awr joe-eu tsawrhaq mae. Khoeruqtaf, ngar-aq, jeq taf-eu teughaq-anr khawf maqdur.

Luˇkaꞈ 18:11 ပူးပေါင်းရင်းမြစ်များ

Jaceuq 134:1

Sahˬpaˬ Miˬyehˇ-euˬ zaˬ kʼaˆ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ. Uˬ ciꞈ paw aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ kʼaˇ mˇ-eu deuˬ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ.

Jaceuq 135:2

Sahˬpaˬ Miˬyehˇ-euˬ nymˇ-ahˇ yawꞈ luꞈ-eu, Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ yawꞈ luꞈ-eu, Sahˬpaˬ Miˬyehˇ-euˬ zaˬ kʼaˆ deuˬ-oˇ, aˬ yawꞈ-euˬ tsawˇ myahˇ-ahˇ ja ceuˬ-awˬ.

Dawqdaq 20:6

Mehˬ boeˬ saˇ jaˇ ziꞈ-eu tiˬ tahˇ tiˬ yaˇ, nui ma saˇ jaˇ ziꞈ-eu tiˬ gʼaˬ maˬ keuˬ.

Dawqdaq 30:12

Yawˬ haˇ yawˬ ha yaw shawˇ ma lehˇ noeˬ-eu jawꞈ dui dui-eu tsawˇ haˬ jawˇ-eu meh.

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

Iˇsaˬyaˇ 58:2

Aˬ yawꞈ maꞈ yawˬ nah na ngaˬ-ahˇ uˬ duˬ tahˬ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ-ahˇ naˇ haˬ-awˇ, ngaˬ-euˬ gaˇ ma siˬ mawꞈ dui dui nya lehˇ ehˇ luꞈ-eu meh. Tsaˬ-eu zahˇ dawˬ kʼoꞈ dawˬ ngaˬ neh bi biꞈ mawꞈ-awˇ, ngaˬ-ahˇ uˬ duˬ tahˬ-eu nui kʼahˇ shiˇ miˇ-a lehˇ, aˬ yawꞈ maꞈ ehˇ-eu meh.”

Iˇsaˬyaˇ 65:5

Kʼoeˇ naˇ, aˬ yawꞈ maꞈ-euˬ dawˬ peh aˬ cawˬ maˬ bi laˇ-a. Aˬ yawꞈ maꞈ muiˬ-eu shawˇ-eu tsawˇ haˬ pyeuꞈ-eu baˬ da neh, aˬ cawˬ maˬ bi toeˬ ciˆ kʼmˬ-a lehˇ ehˇ-eu meh. Kʼoeˇ loꞈ-ehˇ gʼeh-eu tsawˇ haˬ-ahˇ ngaˇ maˬ oˇ oꞈ coeˇ nya. Aˬ yawꞈ maꞈ-ahˇ ngaˇ nui ma pehˇ-eu jeˬ, maˬ miˆ tsehˆ-iˇ nya-eu miˬ dzaˬ-ahˇ duˇ-eu ma.

Yeˬlaˬmiˇ 2:28

Naw maꞈ neh yawˬ ha gʼaˇ duˬ tehˆ taˬ-euˬ miˬ yehˇ kʼoeˇ deuˬ aˬ lehˬ. Naw maꞈ kʼoeˇ taˆ shaˬ-eu zahˬ-eu jeˬ keuˆ le ngeh, aˬ yawꞈ maꞈ ka kʼoꞈ nya naˇ bi ka kʼoꞈ le-awˬ. Yuˇdaˆ miˇ kʼahˬ-oˇ, nawˇ meuˬ jaˆ myaˬ-eu loꞈ-ehˇ, miˬ yehˇ kʼawꞈ myaˬ dui dui-eu meh.

Yeˬlaˬmiˇ 2:35

‘Ngaˇ tiˬ jeˬ-iˬ iˬ baˇ maˬ ahˇ. Sahˬpaˬ Miˬyehˇ ngaˬ-ahˇ nui ma maˬ pehˇ-a’ lehˇ, naw maꞈ ehˇ luꞈ-eu meh. Ehˇ kʼawꞈ, naw maꞈ iˬ baˇ maˬ ahˇ lehˇ myawꞈ-eu baˬ da neh, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ kʼehˬ ma.

Yeˬsaˬgeˬlaˇ 33:31

Kʼoeˇ naˇ, ngaˬ-euˬ tsawˇ haˬ kʼoeˇ deuˬ tiˬ teuˇ uiˬ laˇ-awˇ, nawˇ dawˬ ngehˬ gaˇ naˇ haˬ laˇ-eu meh. Ehˇ kʼawꞈ, nawˬ neh ehˇ-euˬ loꞈ-ehˇ aˬ yawꞈ maꞈ maˬ mˇ-a. Nawˬ-euˬ dawˬ-ahˇ caˇ dawˬ caˇ-eu naˆ ni tehꞈ-ehˇ aˬ yawꞈ maꞈ taˬ huiˬ-awˇ, nui kʼahˇ huiˬ-eu dehꞈ jeˬ dehꞈ kawˆ-ahˇ maˬ byehˇ dzeh-a.

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

Maꞈtehˬ 10:3

Piˇluˇpuˆ hawˇ-eu Baˬtawˇlaˬmehˇ, Toˇmaˆ hawˇ-eu kawˬ taꞈ-eu tsawˇ haˬ pyeuꞈ-eu Maꞈtehˬ, Aˬlaˬpehˇ-euˬ aˬ li Yaˬkoˆ hawˇ-eu Taˬdehˇ,

Maꞈtehˬ 5:20

Ngaˇ naw maꞈ-ahˇ ehˇ nehˬ nyaˇ. Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ naˆ maˬ tseˇ naw maꞈ yaw tsaˬ yaw dawˇ jeˬ maˬ ahˇ dzehˬ naˇ, mˬ taˆ Miˇ kʼahˬ laꞈ kʼoeˇ naw maꞈ maˬ ya uˇ leˇ-a.

Maꞈtehˬ 6:5

“Nawˇ guiˬ lahˬ shaˇ ngeh, awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ loꞈ-ehˇ taˬ jahˇ. Aˬ yawꞈ maꞈ-aˬ, aˬ cawˬ bi haw mawˇ-eu gʼaˇ duˬ, uˬ duˬ tahˬ nymˇ laꞈ kʼoeˇ hawˇ-eu gaˇ ma gaˇ tsmˇ doe ni yawꞈ-awˇ guiˬ lahˬ shaˇ-eu meh. Ngaˇ dawˇ coe ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ meh.

Maˬkuˆ 11:25

Naw maꞈ gawˬ yawꞈ yawꞈ-awˇ guiˬ lahˬ kʼaˇ shaˇ ngeh, tsawˇ haˬ tiˬ gʼa na-ahˇ iˬ baˇ taˬ luꞈ-eu jeˬ jaˆ naˇ, iˬ baˇ pyehˬ nehˬ-awˬ. Kʼoeˇ loꞈ-ehˇ jahˇ naˇ, mˬ kʼoeˇ taˆ jawˇ-eu naw maꞈ-euˬ Aˬda kʼawꞈ, naw maꞈ neh mˇ bahˬ laˆ bahˬ-euˬ jeˬ-ahˇ iˬ baˇ pyehˬ nehˬ laꞈ tehꞈ-a.”

Luˇkaꞈ 20:47

Miˬ coeˬ miˬ ma deuˬ-euˬ nymˇ-ahˇ aˬ yawꞈ maꞈ kʼaˆ dzaˬ-awˇ, aˬ cawˬ bi mawˇ-eu gʼaˇ duˬ guiˬ lahˬ gʼawˬ myahˇ ni shaˇ-eu meh. Doeˇ dui dui-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ tehꞈ-a.”

Luˇkaꞈ 22:41

Kʼoeˇ naˇ, aˬ yawꞈ maꞈ jawˇ gaˇ neh daˇ biˬ tiˬ biˬ kaˬ gaˇ aˬ yawꞈ iˇ-awˇ, pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ meh.

Gaˬlaˬtiˆ 3:10

Zahˇ dawˬ kʼoꞈ dawˬ-ahˇ mˇ byah gaˇ gʼoe gʼoe-ehˇ dehꞈ-eu tsawˇ haˬ deuˬ-aˬ, yaˬ kʼehˇ yaˬ-eu jeˬ-ahˇ ya daˬ-eu meh. Aˬ jeˬ miˇ neh ehˇ naˇ, “Zahˇ dawˬ kʼoꞈ dawˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ aˬ myah luꞈ maˬ byehˇ ni maˬ caw teh geuꞈ-eu tsawˇ haˬ-aˬ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Piˇliˇpiˆ 3:6

Miˬyehˇ-euˬ nui kʼahˇ mˇ byah mawꞈ dui dui-eu miˇ neh Ka li zaˬ aˇ muˇ-ahˇ kʼehˬ nehˬ kʼaˆ nehˬ haw-euˬ tsawˇ haˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ nya lawˬ naˇ, ngaˇ-aˬ, ehˇ kʼaˇ maˬ za ni mˇ byah-euˬ tsawˇ haˬ tiˬ gʼaˬ ma.

Panmaeq 3:17

‘Ngaˇ smˇ muiˬ smˇ baw pyeuꞈ-awˇ, kʼaˇ loˬ-eu jeˬ dawˬ tawˆ luꞈ jaˆ jiˇ ma lehˇ nawˇ ehˇ-eu meh. Ehˇ kʼawꞈ, nawˇ shaˬ zahˬ aˇ naˆ ni ya mˇ paˬ-ehˇ gʼeh-awˇ, aˇ naˆ ni gʼawˬ shaˬ gaˬ laˇ paˬ-ehˇ gʼeh-eu gaˇ kawˆ yawˬ haˇ yawˬ ha maˬ siˬ nya-a. Nawˇ-aˬ, iˇ shaˬ shaˬ dui dui-awˇ, neˇ myawˆ ni gʼeh-eu uˬ taꞈ, myaˆ behꞈ behꞈ-eu meh.