Luˇkaꞈ 17:31 - Akha

³¹ Aˇ nah kʼoeˇ nah keuˆ le ngeh, nymˇ mˬ-ahˇ daˆ luꞈ-eu tsawˇ haˬ-ahˇ, aˬ yawꞈ-euˬ myawˬ laˬ doˆ laˬ-iˇ-eu lehˇ iˇ kahˇ laꞈ kʼoeˇ taˬ bi zaꞈ uˇ-iˇ. Kʼoeˇ loꞈ-ehˇ duˇ ni, yaˇ ngeh jawˇ-eu tsawˇ haˬ deuˬ-ahˇ kʼawꞈ, iˇ kahˇ-ahˇ taˬ bi gʼoꞈ laˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ “Khoerngae nan, nymrmq-anr dav-eu tsawrhaq, myawq, irkanr-euq lafkhoer jav nar-aq, myawq laq-ir-eu laer taq zafka-ir. Khoerlof-aer durni, yarngae jawr-eu tsawrhaq khawf, irkanr taq ghofler.

Luˇkaꞈ 17:31 ပူးပေါင်းရင်းမြစ်များ

Yawˇbaˆ 2:4

Saˬdaˬ ehˇ-eu, “Tsawˇ haˬ tiˬ gʼaˬ yawˬ ha-euˬ uˬ kʼawˇ ya buˬ-iˇ ni yawˬ jeˬ na luꞈ-ahˇ byehˇ dzeh coeˇ tehꞈ-a.

Yeˬlaˬmiˇ 45:5

Nawˬ-ahˇ muiˬ laˇ-eu jeˬ-ahˇ nawˇ poˆ te loˇ. Kʼoeˇ loꞈ-ehˇ taˬ gʼeh. Tsawˇ haˬ dawˬ tawˆ luꞈ kʼoeˇ taˆ, luˬ-iˇ seˇ-iˇ-eu jeˬ ngaˇ bi keuˆ le ma. Ehˇ kʼawꞈ, nawˇ aˬ geu gaˇ jawˇ-eu maˬ kaˬ, maˬ ya shiˇ ni dzeuˇ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Maꞈtehˬ 6:25

“Kʼoeˇ miˇ neh, naw maꞈ-ahˇ ngaˇ heu loꞈ-ehˇ ehˇ-eu ma. Naw maꞈ yaw dehꞈ dehꞈ nya ni, aˬ joˆ-ehˇ ya dzaˬ ya dawˇ-eu gaˇ kawˆ hawˇ-eu, naw maꞈ-euˬ gʼawˇ mawˇ gʼaˇ duˬ aˬ joˆ-ehˇ ya dm ya gʼaˬ-eu gaˇ kawˆ kʼahˬ taˬ lahˇ. Yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu maˬ ngeuˇ-a loˇ.

Luˇkaꞈ 21:21

Kʼoeˇ ngeh, Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ gawˬ jawˬ paw ya cehˆ daˆ-awˇ, meuˬ laꞈ kʼoeˇ jawˇ-eu tsawˇ haˬ deuˬ meuˬ laꞈ nyiˇ ya cehˆ doˆ meh. Dahˇ taˆ jawˇ-eu tsawˇ haˬ deuˬ meuˬ-ahˇ maˬ ya uˇ le-a.