Luˇkaꞈ 17:16 - Akha

¹⁶ Yeˬsuˇ-euˬ aˬ kuiˇ dawˬ peh miˇ tsa awˆ byaˆ-awˇ, Yeˬsuˇ-ahˇ guiˬ lahˬ huiˬ-eu dawˬ ngehˬ-euˬ meh. Aˬ yawꞈ-aˬ, Saˬmaˬliˆ tsawˇ haˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoeruqtaf, Yeqsur-euq aqkuir-euq dawqpae awbyav taq-awr, Yeqsur-euq guiqlanq-anr jaceuq-eu mae. Tsawrhaq khoerghaq-aq, Saqmaqliv tsawrhaq mae.

Luˇkaꞈ 17:16 ပူးပေါင်းရင်းမြစ်များ

Aˇ dahˬ 17:3

Aˬbyaˬ baˬ ba miˇ tsa tuˆ ni awˆ byaˆ-awˇ, Miˬyehˇ-ahˇ uˬ duˬ tahˬ-euˬ meh. Kʼoeˇ ngeh, Miˬyehˇ heu loꞈ-ehˇ paˇ ehˇ-eu meh.

Maꞈtehˬ 10:5

Gʼaˬ kʼehˇ tseˇ nyiꞈ gʼaˬ-ahˇ Yeˬsuˇ heu loꞈ-ehˇ dawˬ biꞈ-awˇ kʼehˇ gʼeh-euˬ meh. “Yuˇdaˆ tsawˇ jeuˬ maˬ ngeuˇ-eu aˬ cawˬ tsawˇ jeuˬ deuˬ jawˇ gaˇ naw maꞈ taˬ iˇ. Saˬmaˬliˆ tsawˇ haˬ-euˬ meuˬ deuˬ-ahˇ kʼawꞈ taˬ iˇ.

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Maˬkuˆ 5:33

Zaˬ miˬ zaˬ kʼoeˇ gʼaˬ aˬ yawꞈ-euˬ gʼawˇ mawˇ aˬ joˆ-ehˇ pyeuꞈ laˇ-euˬ siˬ leˇ-euˬ loꞈ-ehˇ, guˆ-awˇ yaw dzuˬ dzuˬ-eu laꞈ kʼoeˇ doˆ laˇ-awˇ, Yeˬsuˇ-euˬ aˬ kuiˇ dawˬ pah ga byaˆ-awˇ, gaˇ kawˆ dawˬ tawˆ luꞈ dawˇ coe ni ehˇ doˆ nehˬ-euˬ meh.

Luˇkaꞈ 17:17

Yeˬsuˇ ehˇ-eu, “Muiˬ laˇ shawˇ laˇ-euˬ dawˬ tawˆ luꞈ tseˇ gʼaˬ maˬ ngeuˇ-a loˇ. Gʼoeˬ gʼaˬ aˬ gaˇ iˇ taˬ.

Luˇkaꞈ 5:8

Kʼoeˇ loꞈ-ehˇ pyeuꞈ laˇ-euˬ gaˇ Siˇmoˬ Beˬtuˆluˆ ya mawˇ ngeh, Yeˬsuˇ-euˬ mehˬ shi aˬ yawꞈ pawˬ tsuiꞈ pawˬ dmˬ dmˬ-awˇ ehˇ-eu, “Sahˬpaˬ-oˇ, ngaˇ jawˇ gaˇ neh doˆ-iˇ-awˬ. Ngaˇ-aˬ, iˬ baˇ huiˬ dui dui-eu tsawˇ haˬ tiˬ gʼaˬ ma.”

Yoˇhaˬ 4:9

Zaˬ miˬ zaˬ kʼoeˇ gʼaˬ ehˇ-eu, “Nawˇ-aˬ, Yuˇdaˆ tsawˇ haˬ meh. Ngaˇ-aˬ, Saˬmaˬliˆ tsawˇ haˬ ma. Nawˇ ngaˬ-ahˇ aˬ joˆ-ehˇ iˇ cuꞈ shaˇ dawˇ kʼmˬ-eu nya.” (Yuˇdaˆ tsawˇ haˬ deuˬ-aˬ, Saˬmaˬliˆ tsawˇ haˬ deuˬ-ahˇ nui daˆ daˆ-awˇ, kʼmˬ maˬ hawˇ-eu ni tseuˆ tiˬ gaˇ maˬ taꞈ nahˇ-a.)

Yoˇhaˬ 5:23

Kʼoeˇ miˇ neh, tsawˇ haˬ dawˬ tawˆ luꞈ Aˬda-ahˇ taˬ huiˬ taˬ mahˇ-eu loꞈ-ehˇ, Zaˬmaˇ-ahˇ taˬ huiˬ taˬ mahˇ tehꞈ-a. Zaˬ maˇ-ahˇ maˬ taˬ huiˬ-eu tsawˇ haˬ-aˬ, aˬ yawꞈ-ahˇ kʼehˇ gʼeh leꞈ-euˬ Aˬda-ahˇ maˬ taˬ huiˬ gaˇ duˇ-eu meh.

Yoˇhaˬ 8:48

Aˬ yawꞈ maꞈ Yeˬsuˇ-ahˇ ehˇ-eu, “Nawˇ-aˬ, Saˬmaˬliˆ tsawˇ haˬ pyeuꞈ-awˇ, nawˬ-euˬ laꞈ kʼoeˇ nehꞈ uˇ ngaˇ lehˇ nga maꞈ ehˇ-eu maˬ tsaˬ nya loˇ.”

Gʼaˬkʼehˇ 1:8

Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ naw maꞈ kʼoeˇ taˆ oe keuˆ ngeh, naw maꞈ baoˬ za-awˇ, Yeˬluˇsaˬlehˬ meuˬ laꞈ kʼoeˇ maˬ ehˇ, Yuˇdaˆ miˇ kʼahˬ hawˇ-eu Saˬmaˬliˆ miˇ kʼahˬ doe ni maˬ ehˇ, mˬ dzeˇ miˇdzeˇ keuˆ ni maˬ ehˇ, naw maꞈ ngaˬ-euˬ gʼaˇ duˬ saˇ kiˇ kamˬ-eu tsawˇ haˬ pyeuꞈ laˇ tehꞈ-a.”

1 Gawˇliˬtu 14:25

Zaꞈ taˬ-euˬ aˬ yawꞈ-euˬ nui noeˬ aˬ cawˬ mehˬ shi pah doˆ leꞈ-awˇ, pawˬ tsuiꞈ pawˬ dmˬ ga dmˬ-awˇ Miˬyehˇ-ahˇ uˬ duˬ tahˬ tehꞈ-a. “Naw maꞈ nehˬ-ehˇ Miˬyehˇ maˇ maˇ ni jawˇ-eu ngaˇ” lehˇ aˬ yawꞈ ehˇ tehꞈ-a.

Panmaeq 19:10

Mˬ taˆ gʼaˬ kʼehˇ kʼoeˇ gʼaˬ-euˬ mehˬ shi ngaˇ ga byaˆ-awˇ uˬ duˬ tahˬ-eu lehˇ gʼeh-euˬ ma. Ehˇ kʼawꞈ, aˬ yawꞈ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ deuˬ hawˇ-eu Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ kʼaˇ tuˆ tehˬ luꞈ-eu deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.” Aˬ jeˬ miˇ neh ehˇ naˇ, Yeˬsuˇ neh pah mehˬ-euˬ yaw tsaˬ yaw dawˇ kʼoeˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ neh bi noeˬ doˆ-euˬ yaw tsaˬ yaw dawˇ kʼoeˇ meh.

Panmaeq 4:10

aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu gʼaˬ mehˬ shi awˆ byaˆ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu aˬ yawꞈ-ahˇ uˬ duˬ tahˬ-eu meh. Dzoeˬ dzaˬ nuiˇ mahˬ mehˬ shi aˬ yawꞈ maꞈ shuiˇ uˬ kʼoˆ dzeh taˬ-awˇ,

Panmaeq 5:14

Kʼoeˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ “Aˬ miˬ” lehˇ ehˇ kʼoꞈ nehˬ-euˬ meh. Kʼoeˇ naˇ, aˬ yuiꞈ aˬ tsu kʼoeˇ deuˬ awˆ byaˆ-awˇ uˬ duˬ tahˬ-euˬ meh.