Luˇkaꞈ 17:14 - Akha

¹⁴ Yeˬsuˇ aˬ yawꞈ maꞈ-ahˇ haw mawˇ-awˇ ehˇ nehˬ-eu, “Piˇ ma deuˬ jawˇ gaˇ iˇ-awˇ, naw maꞈ-euˬ gʼawˇ mawˇ bi pyehˆ tseˇ haw-iˇ-awˬ.” Aˬ yawꞈ maꞈ gaˇ pehˇ iˇ luꞈ ngeh, muiˬ laˇ shawˇ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Yeqsur, aqyawf maf-anr ya’mawr ngae aernaeq-eu, “Nawmaf-euq mawrdo-anr pirma nae bihaw-ir-awq.” Aqyawfmaf leluf ngae shawrlar-euq mae.

Luˇkaꞈ 17:14 ပူးပေါင်းရင်းမြစ်များ

2 Sahˬpaˬ 5:14

Kʼoeˇ ngeh, Yawˇdaˬ lawˇ baˬ-ahˇ Neˬmaˬ iˇ-awˇ, Eˇliˇshehˇ neh kʼaˇ ehˇ nehˬ-euˬ loꞈ-ehˇ shiꞈ poˆ keuˆ ni iˇ byoˆ byoˆ ngeh, aˬ yawꞈ-euˬ naˇ gawˇ taˬ tsehˆ leˇ-awˇ, aˬ yawꞈ-euˬ shaˬ jiˇ kʼawꞈ, zaˬ yaw nyiˇ-euˬ shaˬ jiˇ loꞈ-ehˇ muiˬ laˇ shawˇ laˇ-euˬ meh.

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Maꞈtehˬ 3:15

Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.

Luˇkaꞈ 5:14

Yeˬsuˇ aˬ yawꞈ-ahˇ dawˬ biꞈ-awˇ ehˇ nehˬ-eu, “Tsawˇ haˬ tiˬ gʼaˬ-ahˇ-iˬ maˬ ehˇ nehˬ ni, tiˬ poˆ tehꞈ-ehˇ piˇ ma jawˇ gaˇ le-awˇ, nawˬ-euˬ gʼawˇ mawˇ bi pyehˆ tseˇ haw leˇ-awˬ. Kʼoeˇ naˇ, nawˇ naˇ gawˇ taˬ leˇ-euˬ gaˇ kawˆ tsawˇ haˬ yawˬ gʼaˬ na luꞈ bi siˬ duˬ-eu gʼaˇ duˬ, Moˇseˬ neh dawˬ biꞈ taˬ-euˬ lawˇ-eu shehˇ-eu jeˬ lawˇ-iˇ-awˬ.”

Yoˇhaˬ 11:10

Ehˇ kʼawꞈ, uˬ ciꞈ paw cah naˇ, aˬ yawꞈ laꞈ kʼoeˇ yaw shehꞈ maˬ ahˇ-eu miˇ neh pehˆ toˆ tehꞈ-a.”

Yoˇhaˬ 2:5

Kʼoeˇ ngeh, “Ngaˬ li kʼaˇ ehˇ-eu loꞈ-ehˇ mˇ-awˬ” lehˇ, zaˬ kʼaˆ deuˬ-ahˇ Yeˬsuˇ-euˬ aˬ ma ehˇ nehˬ-euˬ meh.

Yoˇhaˬ 9:7

“Siˇlamˬ lah-ahˇ myaˆ duꞈ puꞈ shawˇ-iˇ-awˬ” lehˇ ehˇ nehˬ-euˬ meh. (Siˇlamˬ lehˇ ehˇ-eu dawˬ tsuiꞈ-aˬ, ‘Kʼehˇ gʼeh-euˬ’ lehˇ ehˇ mawꞈ-eu meh.) Kʼoeˇ ngeh, tsawˇ haˬ kʼoeˇ gʼaˬ myaˆ duꞈ puꞈ shawˇ-iˇ-awˇ, myaˆ nuiˆ mawˇ laˇ-awˇ gʼoꞈ laˇ-euˬ meh.