Luˇkaꞈ 16:25 - Akha

²⁵ Ehˇ kʼawꞈ, Aˬbyaˬhaˬ ehˇ-eu, ‘Aˬ li-oˇ, miˇ tsaˬ kʼoeˇ taˆ dehꞈ ngeh, nawˇ yaw nuiˬ jeˬ-ahˇ za-awˇ, Laˬzaˬluˇ maˬ muiˬ-eu jeˬ zaˬ-euˬ gaˇ noeˬ mawˇ-awˬ. Ehˇ kʼawꞈ, nymˬ-mˇ poˆ jawˇ-aˬ, Laˬzaˬluˇ heu gaˇ saˇ lehˆ ni ya jawˇ luꞈ-awˇ, nawˇ ya daˬ dui dui luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Aqbyaqhaq heulof-aer aernaeq-euq mae, ‘Aqli-or! Nawr yawdaefdaef ngae, yawmuiq bymr yatawv-awr, Laqzaqlur-aq, yawdoer jeq za-euq gar taqngaer de-eq. Nymq-mr aqyawf heugar nuisar of-eu lafkhoer yajawr-awr, nawr-aq, shaqdui zanq duidui-eu gar ya daqluf-eu mae.

Luˇkaꞈ 16:25 ပူးပေါင်းရင်းမြစ်များ

Yawˇbaˆ 22:18

Ehˇ kʼawꞈ, aˬ yawꞈ maꞈ baw le za le ni jahˇ nehˬ-eu gʼaˬ Miˬyehˇ meh. Haiˬ-eu tsawˇ haˬ deuˬ-euˬ nui noeˬ ngaˬ-ahˇ maˬ gʼoˆ shaw nya nya.

Jaceuq 17:14

Miˇtaˆnui loˆtiˬli dehꞈ-eu, haiˬ-eu tsawˇhaˬdeuˬ-euˬlaꞈ-ahˇ, nawˇngaˬ-ahˇka kʼoꞈnehˬ le-awˬ. Yawꞈmaꞈgʼaˇduˬlehˬhmˬtaˬ-euˬ, kʼehˬ-eu kʼaˆ-eu bi keuˆ le-awˬ. Zaˬziˇkeuˆni mˇkeuˆnehˬ-awˇ, oeˬziˇkeuˆni taˬbi dzeuˇ-iˇ.

Jaceuq 49:11

Aˬ yawꞈ maꞈ deh ma baw-awˇ dehꞈ yaꞈ-euˬ kʼawꞈ, lmˬ bymˇ aˬ yawꞈ maꞈ-euˬ nymˇ pyeuꞈ-awˇ, mˬ maˬ maˬ byaˆ zaˇ ziˇ kʼoeˇ gaˇ ya jawˇ-eu meh.

Jaceuq 73:7

Nui ma laꞈ kʼoeˇ yaw haiˬ yoeˇ doˆ le-awˇ, yaw haiˬ jeˬ mˇ-eu gʼaˇ duˬ shaˇ sawˇ-eu maˬ naˬ leˇ-a.

Ngoeˇ dawˬ 1:7

Yeˬluˇsaˬlehˬ shaˬ zahˬ mˇ ngeh, aˇ hu pyeuꞈ dzeuˇ jaˆ dzeuˇ yaꞈ-euˬ, poeˬ dui lawˬ dui dui-euˬ kʼoeˇ-ahˇ, nui ma laꞈ kʼoeˇ noeˬ mawˇ-eu meh. Muiˇ-eu laꞈ-ahˇ yawꞈ ahˇ leˇ ngeh, ka kʼoꞈ nehˬ-eu gʼaˬ maˬ jawˇ-a. Aˬ yawꞈ coˬ-iˇ cawˆ-iˇ luꞈ gaˇ, muiˇ-eu deuˬ haw-awˇ uiˇ-eu meh.

Daˬyeˬlaˇ 5:30

Kʼoeˇ ngeh miˇ, Baˬbuˇloˬ sahˬ paˬ Beˬlaˇshaˬzaˬ-ahˇ aˬ cawˬ sehꞈ-euˬ meh.

Maꞈtehˬ 27:63

Aˬ yawꞈ maꞈ sahˬ paˬ Piˇlaˆ-ahˇ ehˇ nehˬ-eu, “Sahˬ paˬ-oˇ, jaꞈ myawꞈ aˬ da kʼoeˇ gʼaˬ maˬ shiˇ mi naˆ-ehˇ, smˬ nah byah laˇ naˇ Miˬyehˇ aˬ yawꞈ-ahˇ paˇ bi gʼoꞈ dehꞈ laˇ meh lehˇ aˬ yawꞈ ehˇ-eu nga maꞈ ya gaˬ taˬ-euˬ ma.

Maˬkuˆ 9:45

Nawˬ-euˬ aˬ kuiˇ tiˬ kahˬ baˬ da neh nawˇ iˬ baˇ ya mˇ-euˬ ngeuˇ naˇ, aˬ kuiˇ kʼoeˇ kahˬ deuˆ tsehˆ dzeh-awˬ. Aˬ kuiˇ nyiˬ kahˬ luꞈ tsoꞈ-awˇ shiˬ buiˇ lah ma-ahˇ bi biˬ puꞈ-eu naˆ maˬ tseˇ, aˬ kuiˇ tiˬ kahˬ tehꞈ-ehˇ tsoꞈ kʼawꞈ, mˬ taˆ miˇ kʼahˬ-ahˇ le keuˆ-awˇ ya dehꞈ-eu-aˬ, nawˬ-euˬ gʼaˇ duˬ muiˬ dzehˬ tehꞈ-a.

Luˇkaꞈ 16:20

Aˬ yawꞈ-euˬ kmˇ cehˇ laˇ gʼoˆ dawˬ peh, Laˬzaˬluˇ lehˇ myahˇ-euˬ gʼawˇ mawˇ mawˇ lah-ehˇ maˇ naˇ naˇ-eu iˇ shaˬ iˇ taw tiˬ gʼaˬ baꞈ taˬ laˇ-awˇ bi ga-euˬ meh.

Luˇkaꞈ 16:23

Shiˇ-eu miˇ kʼahˬ laꞈ kʼoeˇ kʼehˬ-eu kʼaˆ-eu jeˬ-ahˇ aˬ yawꞈ ya daˬ-awˇ, naˇ dui gawˇ dui dui-eu laꞈ kʼoeˇ gʼawˇ leuˇ haw leꞈ ngeh, gaˇ mahˇ kaˬ gaˇ Aˬbyaˬhaˬ-ahˇ haw mawˇ-awˇ, Aˬbyaˬhaˬ-euˬ bawˇ kʼahˇ-ahˇ Laˬzaˬluˇ nuiˇ luꞈ gaˇ ya mawˇ-euˬ meh.

Luˇkaꞈ 16:26

Kʼoeˇ uˬ taꞈ, nga maꞈ jawˇ gaˇ neh naw maꞈ jawˇ gaˇ maˬ iˇ maˬ laˇ tawꞈ nya ni, naꞈ dui dui-eu kuˬ kaˬ kaˬ ma bi jaˆ tsoeˬ taˬ-euˬ meh.’

Luˇkaꞈ 6:24

“Ehˇ kʼawꞈ, naw maꞈ nymˬ-mˇ smˇ muiˬ muiˬ-eu deuˬ ya noeˬ shaˬ dui dui meh. Aˬ jeˬ miˇ neh ehˇ naˇ, naw maꞈ nui kʼahˇ jaˆ-eu jeˬ naw maꞈ za dzeuˇ jiˇ-euˬ meh.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Lormav 8:7

Tsawˇ haˬ ti gʼaˬ yawˬ ha-euˬ shiˬ shaˬ jiˇ nui noeˬ neh bi uˆ lahˇ shaw naˇ, Miˬyehˇ-ahˇ muiˇ-eu tsawˇ haˬ pyeuꞈ laˇ-eu meh. Aˬ jeˬ miˇ neh ehˇ naˇ, Miˬyehˇ-euˬ zahˇ dawˬ kʼoꞈ dawˬ-ahˇ aˬ yawꞈ maˬ caw teh-a. Caw teh-eu gʼaˇ duˬ maˇ maˇ ni maˬ gʼeh nya-a.

Dawˬmehˬ 28:17

“Nawˬ-euˬ dzaˬ la gʼo cehˇ hawˇ-eu kʼoeˇ neh jahˇ-euˬ kaˬ muˇ deuˬ-ahˇ Sahˬpaˬ Miˬyehˇ yaˬ kʼehˇ yaˬ nehˬ tehꞈ-a.

Piˇliˇpiˆ 3:19

Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.

1 Teˇsaˬloˇni 3:3

Kʼehˬ-eu kʼaˆ-eu heu jeˬ baˬ da neh jah-eu jeˬ-ahˇ naw maꞈ maˬ ya byehˇ dzeh-eu gʼaˇ duˬ bi laˇ-euˬ ma. Kʼehˬ-eu kʼaˆ-eu jeˬ-ahˇ aˬ dui ya daˬ-eu heu-aˬ, Miˬyehˇ nui ma tsaˬ-eu tiˬ jehˬ meh lehˇ naw maꞈ siˬ nya meh.

HeˬByehˇ 11:25

Iˬbaˇ-ahˇ tiˬ kʼehˇ laˇ kʼehˬ byawˬ gʼa muˆ gʼa-eu naˆ maˬ tseˇ, Miˬyehˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ kʼehˬ-eu kʼaˆ-eu jeˬ-ahˇ aˬ yawꞈ daˬ mawꞈ-eu meh.

1 Yoˇhaˬ 2:15

Miˇ tsaˬ heu hawˇ-eu miˇ tsaˬ kʼoeˇ taˆ jaˆ-eu jeˬ-ahˇ gaˬ-eu nui ma taˬ bi ahˇ. miˇ tsaˬ heu-ahˇ gaˬ-eu tsawˇ haˬ-aˬ, Aˬda Miˬyehˇ-ahˇ maˬ gaˬ nya-a.

Panmaeq 7:14

“Ngaˇ maˬ siˬ nya nya. Nawˇ siˬ nya meh” lehˇ ngaˇ ehˇ kʼoꞈ nehˬ-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ heu deuˬ-aˬ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ daˬ dzeuˇ laꞈ-euˬ tsawˇ haˬ deuˬ meh. Aˬ yawꞈ maꞈ-euˬ pehˇ kʼahˬ pehˇ mahˇ-ahˇ Yawˇ zaˬ-euˬ shiˬ neh pyuˇ deuˬ ni tsiˬ shawˇ taˬ-euˬ meh.