Luˇkaꞈ 16:22 - Akha

²² “Iˇ shaˬ iˇ taw kʼoeˇ gʼaˬ shiˇ-awˇ, mˬ taˆ gʼaˬ kʼehˇ deuˬ neh Aˬbyaˬhaˬ-euˬ bawˇ kʼahˇ-ahˇ ciˬ keuˆ ha nehˬ leˇ-euˬ meh. Smˇ muiˬ smˇ baw kʼoeˇ gʼaˬ kʼawꞈ shiˇ-awˇ, baꞈ pahˬ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² “Tiqnan keuvlar ngae, hawqshar shardzaq-eu heughaq shir-awr, mqtav ghaqkhaer deuq nae Aqbyaqhaq-euq bawkhanr-anr sheuqkeuv naeqler-euq mae. Smrmuiq smrbaw khoerghaq khawf shir-awr, bafpanq-euq mae.

Luˇkaꞈ 16:22 ပူးပေါင်းရင်းမြစ်များ

Yawˇbaˆ 21:13

Aˬ yawꞈ maꞈ yaw dehꞈ dehꞈ-eu nui saˇ oꞈ-awˇ, saˇ lehˆ ni ziˇ jiˇ leˇ-eu meh.

Dawqdaq 14:32

Yaw haiˬ deuˬ-euˬ bawˬ toˆ yawˬ haˇ yawˬ ha paꞈ lah-awˇ, yaw tsaˬ yaw dawˇ mˇ-eu guiˬ lahˬ, tsawˇ shiˇ uˬ kʼawˇ dzeuˇ-iˇ-eu meh.

Dawˬ tsoˆ 8:10

Haiˬ-eu tsawˇ haˬ deuˬ-ahˇ baꞈ pahˬ gʼaˬ-awˇ gʼoꞈ leˇ ngeh, aˬ yawꞈ maꞈ neh yaw haiˬ jeˬ mˇ yaꞈ-euˬ meuˬ deuˬ laꞈ kʼoeˇ, aˬ yawꞈ maꞈ-ahˇ aˬ cawˬ ja ceuˬ-eu ngaˇ mawˇ haw-euˬ ma. Kʼoeˇ-aˬ, tiˬ jeˬ-iˬ gaˇ dahˇ maˬ tsoeˬ-a.

Iˇsaˬyaˇ 14:18

Miˇ kʼahˬ tsawˇ jeuˬ kʼoeˇ taˆ sahˬ paˬ kʼaˇ geuꞈ-euˬ deuˬ, kʼahˬ sehˇ jaˆ-eu lmˬ bymˇ baw meh.

Iˇsaˬyaˇ 22:16

“Gawˬ duˇ baˬ gʼa lo guˇ-ahˇ, yawˬ ha-euˬ lmˬ bymˇ yawˬ ha byoe taˬ paˬ-ehˇ, nawˇ aˇ naˆ ni huiˬ-eu tsawˇ haˬ te.

Maꞈtehˬ 18:10

“Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

Maꞈtehˬ 24:31

Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Maꞈtehˬ 8:11

Ngaˇ naw maꞈ-ahˇ heu loꞈ-ehˇ ehˇ-eu ma. Nahˇ ma doˆ kʼehˬ ga kʼehˬ paw jawˇ-eu tsawˇ haˬ gʼawˬ mya ni uiˬ laˇ-awˇ, mˬ taˆ Miˇ kʼahˬ laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ nehˬ-ehˇ hawˬ jawˬ jawˬ taꞈ tehꞈ-a.

Maˬkuˆ 8:36

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ-ahˇ za jiˇ-euˬ kʼawꞈ, saꞈ laˇ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Luˇkaꞈ 16:21

Smˇ muiˬ smˇ baw kʼoeˇ gʼaˬ-euˬ hawˬ jeh-ahˇ neh ga ka le-euˬ dzaˬ ngehˬ dawˇ dzeh ya dzaˬ gaˇ aˬ yawꞈ noeˬ tmˬ-eu meh. Aˬ kuiˬ laˇ laˇ-ehˇ aˬ yawꞈ-euˬ maˇ naˇ-ahˇ myeuꞈ-eu meh.

Yoˇhaˬ 1:18

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Aˬda-euˬ bawˇ kʼahˇ-ahˇ nuiˇ-eu Zaˬmaˇ tiˬ gʼaˬ tehꞈ neh, Miˬyehˇ aˬ suˇ gʼaˬ pyeuꞈ-eu gaˇ kawˆ pah mehˬ le-euˬ meh.

Yoˇhaˬ 13:23

Yeˬsuˇ gaˬ-euˬ zaˬ lahˇ tiˬ gʼaˬ Yeˬsuˇ-euˬ dawˬ peh nuiˇ luꞈ-eu meh.

Yoˇhaˬ 21:20

Beˬtuˆluˆ zeuˆ pyawˇ haw ngeh, Yeˬsuˇ gaˬ dui dui-eu zaˬ lahˇ kʼoeˇ gʼaˬ aˬ yawꞈ-euˬ mehˬ nah cah luꞈ gaˇ ya mawˇ-euˬ meh. Zaˬ lahˇ kʼoeˇ gʼaˬ-aˬ, ciꞈ hawˬ dzaˬ taꞈ ngeh miˇ Yeˬsuˇ-euˬ dawˬ peh tah tehˬ leˇ-awˇ, “Sahˬpaˬ-oˇ, nawˬ-ahˇ ahˬ dzaˬ-eu lehˇ gʼeh-eu aˬ suˇ gʼaˬ-a” lehˇ naˇ haˬ-euˬ kʼoeˇ gʼaˬ meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

HeˬByehˇ 2:14

Aˬ yawꞈ neh aˬ yawꞈ-euˬ zaˬ deuˬ lehˇ kuˇ-euˬ kʼoeˇ deuˬ-aˬ, shiˬ shaˬ jiˇ pi luꞈ-eu tsawˇ haˬ pyeuꞈ-eu loꞈ-ehˇ, Yeˬsuˇ kʼawꞈ aˬ yawꞈ maꞈ-ahˇ duˇ leˇ-awˇ, aˬ yawꞈ maꞈ loꞈ-ehˇ shiˬ shaˬ jiˇ pi luꞈ-eu tsawˇ haˬ pyeuꞈ-eu meh. Aˬ yawꞈ kamˇ shiˇ-eu laꞈ kʼoeˇ, tsawˇ haˬ zaˬ-ahˇ bi shiˇ nya-eu baoˬ jaˆ-eu Nehꞈ sahˬ paˬ-ahˇ laˆ luꞈ laˆ seˇ-eu gʼaˇ duˬ, aˬ yawꞈ kʼoeˇ loꞈ-ehˇ pyeuꞈ le-euˬ meh.

Yaˬkoˆ 1:11

Nahˇ ma doˆ laˇ-awˇ nahˇ tsaˇ kʼaˆ laˇ ngeh, yaˇ moꞈ kʼoeˇ nyoeˬ-iˇ koˆ-iˇ-eu meh. Kʼoeˇ ngeh jawˇ, aˇ yehˆ kʼoeˇ ga ka-awˇ haw muiˬ-eu jeˬ cawˆ-iˇ jiˇ-eu meh. Kʼoeˇ gaˇ duˇ ni, smˇ muiˬ muiˬ-eu tsawˇ haˬ kʼawꞈ, yawˬ ha-euˬ gaˇ-ahˇ kʼoꞈ gʼa luꞈ ngeh ya luˬ ya seˇ-iˇ tehꞈ-a.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.

Panmaeq 14:13

Kʼoeˇ naˇ, mˬ kʼoeˇ taˆ heu loꞈ-ehˇ ehˇ-eu teˇ saˇ ngaˇ ya gaˬ-euˬ ma. “Heu loꞈ-ehˇ boꞈ taˬ-awˬ. Nymˬ-mˇ neh dahˬ beh-awˇ, Sahˬpaˬ Miˬyehˇ-euˬ gaˇ laꞈ kʼoeˇ shiˇ-eu tsawˇhaˬ deuˬ guiˬ lahˬ huiˬ-eu meh.” Yaw sahˇ Miˬyehˇ ehˇ-eu, “Ngeuˇ meh. Aˬ yawꞈ maꞈ gaˇ yaw kʼaˆ-ehˇ mˇ-euˬ baˬ da neh gʼaˬ naˬ ya naˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ aˬ yawꞈ maꞈ-euˬ mehˬ nah caw teh gʼeh leꞈ tehꞈ-a.