Luˇkaꞈ 16:20 - Akha

²⁰ Aˬ yawꞈ-euˬ kmˇ cehˇ laˇ gʼoˆ dawˬ peh, Laˬzaˬluˇ lehˇ myahˇ-euˬ gʼawˇ mawˇ mawˇ lah-ehˇ maˇ naˇ naˇ-eu iˇ shaˬ iˇ taw tiˬ gʼaˬ baꞈ taˬ laˇ-awˇ bi ga-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoerngae, mawrdo dolan-aer shaqciq ciq-eu Laqzaqlur laer kur-eu hawqshar shardzaq-eu tiq ghaq jawr-eu mae. Aqcawq, aqyawf-anr smrmuiq smrbaw khoerghaq-euq larghov khaeq-anr baftaq lar-euq mae.

Luˇkaꞈ 16:20 ပူးပေါင်းရင်းမြစ်များ

Yawˇbaˆ 2:7

Kʼoeˇ naˇ, Saˬdaˬ gʼaˬ, Sahˬpaˬ Miˬyehˇ jawˇ gaˇ neh doˆ-iˇ-awˇ, Yawˇbaˆ-euˬ gʼawˇ mawˇ mawˇ lah-ehˇ, aˬ kuiˇ pehˬ zaˬ-ahˇ neh uˬ duˬ-ahˇ doˆ ni maˇ naˇ naˇ byah jiˇ ni jahˇ-euˬ meh.

Jaceuq 34:19

Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

Jaceuq 73:14

Miˬyehˇ-oˇ, nawˇ ngaˬ-ahˇ nah ga-ehˇ bi shaˬ bi zahˬ laꞈ-awˇ, yawˬ shawˬ na luꞈ nawˇ ngaˬ-ahˇ kʼehˬ nehˬ laꞈ-euˬ meh.

Iˇsaˬyaˇ 1:6

Aˬ kuiˇ pehˬ zaˬ-ahˇ neh uˬ duˬ-ahˇ doˆ ni, geuꞈ-eu maˬ paˇ ahˇ ngaˇ. Maˇ kʼehˬ maˇ naˇ hawˇ-eu shiˬ dzahˬ maˇ lu tehꞈ-ehˇ jaˆ-awˇ, shiˬ doˆ dui dui luꞈ nga. Nawˬ-euˬ maˇ naˇ maˬ laˆ taˬ-ehˇ, saˬ paˇ maˬ lahˇ taˬ-aˬ. Jaˆ gʼaˬ maˬ laˆ saˆ-aˬ.

Yeˬlaˬmiˇ 8:22

Giˇlaˆ miˇ kʼahˬ laꞈ kʼoeˇ jaˆ gʼaˬ maˬ jaˆ-a loˇ. Jaˆ gʼaˬ nya-eu tsawˇ haˬ kʼoeˇ gaˇ maˬ jawˇ-a loˇ. Aˬ jeˬ miˇ neh ngaˬ-euˬ tsawˇ jeuˬ-ahˇ maˬ laˆ taˬ nya ta.

Maꞈtehˬ 26:71

Kʼoeˇ naˇ, lahˇ laꞈ kʼoeˇ uˇ leˇ-eu gʼoˆ kʼehˬ dawˬ peh aˬ yawꞈ cehˆ jiˆ-iˇ-awˇ jawˇ-euˬ meh. Zaˬ miˬ zaˬ zaˬ kʼaˆ tiˬ gʼaˬ aˬ yawꞈ-ahˇ paˇ mawˇ-awˇ, kʼoeˇ gaˇ jawˇ-eu tsawˇ haˬ kʼoeˇ deuˬ-ahˇ ehˇ-eu, “Teu gʼaˬ Naˬzaˬlehˇ tsawˇ haˬ Yeˬsuˇ nehˬ-ehˇ jawˇ-euˬ tsawˇ haˬ meh.”

Luˇkaꞈ 16:19

“Smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-aˬ, aˇ poeˬ kʼaˆ dui dui-eu mehˬ tsoeˬ yaw pyuˇ yaw neˇ dm-awˇ, yawˬ nah na luꞈ dzaˬ-awˇ dawˇ-awˇ byawˬ gʼa luꞈ-eu meh.

Luˇkaꞈ 16:21

Smˇ muiˬ smˇ baw kʼoeˇ gʼaˬ-euˬ hawˬ jeh-ahˇ neh ga ka le-euˬ dzaˬ ngehˬ dawˇ dzeh ya dzaˬ gaˇ aˬ yawꞈ noeˬ tmˬ-eu meh. Aˬ kuiˬ laˇ laˇ-ehˇ aˬ yawꞈ-euˬ maˇ naˇ-ahˇ myeuꞈ-eu meh.

Yoˇhaˬ 11:1

Beˬtaˬniˇ meuˬ-ahˇ jawˇ-eu Laˬzaˬluˇ lehˇ myahˇ-euˬ tsawˇ haˬ tiˬ gʼaˬ naˇ luꞈ-eu meh. Beˬtaˬniˇ meuˬ-aˬ, Maˬliˇ hawˇ-eu Maˬta aˬ nyaꞈ nmˇ jawˇ-eu meuˬ kʼoeˇ meuˬ meh.

Gʼaˬkʼehˇ 3:2

Haw muiˬ dui dui-eu Lahˇ kʼehˬ lehˇ kuˇ-eu lahˇ kʼehˬ kʼoeˇ kʼehˬ-ahˇ, dehꞈ le ngeh neh aˬ kuiˇ yaw cawˆ tiˬ gʼaˬ jawˇ-eu meh. Uˬ duˬ tahˬ nymˇ nymˇ ma-ahˇ kʼaˇ laˇ-eu tsawˇ haˬ deuˬ-ahˇ pyuˇ bi shaˇ-eu gʼaˇ duˬ, yawˬ nah na luꞈ aˬ yawꞈ-ahˇ lahˇ kʼehˬ kʼoeˇ kʼehˬ-ahˇ baꞈ taˬ laˇ-eu meh.

Yaˬkoˆ 1:9

Iˇ shaˬ shaˬ-eu Ka li zaˬ tiˬ gʼaˬ-aˬ, Miˬyehˇ aˬ yawꞈ-ahˇ ciˬ goˇ nehˬ ngeh laˬ kʼaˬ cehˇ-eu tsaˬ meh.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.