Luˇkaꞈ 15:32 - Akha

³² Laˬ kʼaˬ tiˬ cehˇ dzaˬ taꞈ dawˇ taꞈ-eu heu-aˬ, jahˇ paˬ-ehˇ gʼeh-eu tiˬ jeˬ meh. Aˬ jeˬ miˇ neh ehˇ naˇ, nawˬ-euˬ aˬ nyiˇ heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.”’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Aerkhawf, nawqnyir heughaq-aq, shir-euq khawf ghofdaef lar-awr, byov-ir-euq khawf mawrkhof-euq mirnae, aqdui laqkhaq caertavni laqkhaq cawcaer naeq-eu tsaq taef-a.’ ”

Luˇkaꞈ 15:32 ပူးပေါင်းရင်းမြစ်များ

Jaceuq 51:8

Ngaˬ-euˬ shaˬ yoeˬ-ahˇ nawˬ neh ngawˬ kʼehꞈ ngawˬ kʼoeˆ jiˇ-euˬ kʼawꞈ, ngaˇ laˬ kʼaˬ paˇ cehˇ laˇ nya ni, laˬ kʼaˬ cehˇ-eu dawˬ kawˬ deuˬ ngaˬ-ahˇ bi gaˬ laꞈ-awˬ.

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Luˇkaꞈ 15:24

Aˬ jeˬ miˇ neh ehˇ naˇ, ngaˬ li heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.’ Kʼoeˇ naˇ, aˬ yawꞈ maꞈ laˬ kʼaˬ tiˬ cehˇ dzaˬ taꞈ dawˇ taꞈ-euˬ meh.

Luˇkaꞈ 15:31

Aˬ da gʼaˬ ehˇ-eu, ‘Aˬ li-oˇ, nawˇ-aˬ, aˬ myah luꞈ ngaˬ nehˬ-ehˇ jawˇ-awˇ, ngaˇ kʼaˇ jaˆ-eu jeˬ dawˬ tawˆ luꞈ nawˬ-euˬ tehꞈ meh.

Luˇkaꞈ 7:34

Tsawˇ haˬ-euˬ zaˬ maˇ oe ngeh jawˇ, dzaˬ-eu jeˬ dzaˬ-awˇ, aˬ gaꞈ dzaˇ uiˇ gʼeh dawˇ-eu miˇneh, naw maꞈ heu loꞈ-ehˇ ehˇ-eu meh. ‘Tsawˇ haˬ heu gʼaˬ-ahˇ haw sheˇ. Baw tsoꞈ loꞈ-ehˇ dzaˬ-awˇ dawˇ-awˇ, kawˬ taꞈ-eu tsawˇ haˬ deuˬ hawˇ-eu iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ taꞈ-eu nga.’

Lormav 11:15

Aˬ yawꞈ maꞈ-ahˇ Miˬyehˇ byehˇ dzeh nehˬ ngeh, Miˬyehˇ-ahˇ muiˇ-euˬ aˬ cawˬ tsawˇ jeuˬ kʼoeˇ deuˬ Miˬyehˇ-ahˇ cawˬ cawˬ taꞈ nya-eu tsawˇ haˬ bi pyeuꞈ laˇ-euˬ-aˬ, aˬ yawꞈ maꞈ-ahˇ ha geuꞈ nehˬ ngeh jawˇ aˬ joˆ-ehˇ paˇ pyeuꞈ laˇ nmˇ. Shiˇ-euˬ tsawˇ haˬ paˇ bi gʼoꞈ dehꞈ laˇ-euˬ gaˇ duˇ tehꞈ-a.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Lormav 3:4

Maˬ ngeuˇ-a. Tsawˇ haˬ zaˬ yawˬ gʼaˬ na luꞈ jaˬ myawꞈ myawꞈ kʼawꞈ, Miˬyehˇ yaw tsaˬ yaw dawˇ meh. Jaˇ liꞈ laꞈ kʼoeˇ heu loꞈ-ehˇ ehˇ taˬ-euˬ meh. “Nawˬ neh ngehˬ-euˬ tmˇ-euˬ laꞈ kʼoeˇ, yaw tsaˬ yaw dawˇ ya bi mawˇ meh. Nawˬ-ahˇ aˬ cawˬ yaˇ kʼaˬ daˇ ngeh, aˬ myah luꞈ nawˇ gʼaˬ leˇ tehꞈ-a.”