Luˇkaꞈ 15:29 - Akha

²⁹ Ehˇ kʼawꞈ, aˬ yawꞈ-euˬ aˬ da-ahˇ aˬ yawꞈ ehˇ nehˬ-eu, ‘Heu myaˆ kʼoꞈ heu myaˆ la nawˬ-ahˇ ngaˇ zaˬ kʼaˆ loꞈ-ehˇ mˇ cu-euˬ uˬ taꞈ, nawˬ-euˬ ehˇ dawˬ maˬ naˇ haˬ-euˬ tiˬ poˆ-iˬ maˬ jaˆ haw-aˬ. Ehˇ kʼawꞈ, ngaˬ-euˬ cawˬ deuˬ nehˬ-ehˇ dzaˬ taꞈ dawˇ taꞈ-eu gʼaˇ duˬ, ciꞈ myehꞈ ciꞈ zaˬ tiˬ mawˇ tehꞈ-ehˇ kʼawꞈ nawˇ ngaˬ-ahˇ tiˬ jawˇ-iˬ maˬ biꞈ laꞈ haw-aˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Aerkhawf, aqyawf, aqyawf-euq aqda-anr heulof-aer aernaeq-euq mae, ‘Haeqsher-eq, ngar, nawq-anr mrnaeq luf-eu ghawqmya khof keuvlar-euq ma. Nawq-euq khaerdawq-anr tiqjawr-iq maqleur haw-aq. Aerkhawf, ngar, ngaq-euq cawqdeuq naeq-aer laqkhaq caertavni jawrtaf-eu gharduq, cifmyaefzaq tiq mawr taef-aer khawf nawr, ngaq-anr maq bifnaeqlaf haw-aq.

Luˇkaꞈ 15:29 ပူးပေါင်းရင်းမြစ်များ

Iˇsaˬyaˇ 65:5

Kʼoeˇ naˇ, aˬ yawꞈ maꞈ-euˬ dawˬ peh aˬ cawˬ maˬ bi laˇ-a. Aˬ yawꞈ maꞈ muiˬ-eu shawˇ-eu tsawˇ haˬ pyeuꞈ-eu baˬ da neh, aˬ cawˬ maˬ bi toeˬ ciˆ kʼmˬ-a lehˇ ehˇ-eu meh. Kʼoeˇ loꞈ-ehˇ gʼeh-eu tsawˇ haˬ-ahˇ ngaˇ maˬ oˇ oꞈ coeˇ nya. Aˬ yawꞈ maꞈ-ahˇ ngaˇ nui ma pehˇ-eu jeˬ, maˬ miˆ tsehˆ-iˇ nya-eu miˬ dzaˬ-ahˇ duˇ-eu ma.

Zaˬkaˬliˇ 7:3

piˇ ma deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ heu loꞈ-ehˇ bi naˇ haˬ laˇ-euˬ meh. “Dzeuˇ laˇ ngeh nga maꞈ neh gʼawˬ mya kʼoꞈ gʼawˬ mya la mˇ dzeuˇ yaꞈ-euˬ loꞈ-ehˇ, Uˬ duˬ tahˬ nymˇ nymˇ ma cawˆ-iˇ-euˬ gaˇ noeˬ keuˆ -awˇ, ba la ngaˬ siˬ tiˬ siˬ-ahˇ maˬ dzaˬ-eu zahˇ jahˇ-awˇ tsawˇ ngoeˇ ngoeˇ-eu jeˬ paˇ mˇ daˆ leꞈ-awˬ loˇ.”

Maˬlaˬkiˇ 3:14

Naw maꞈ heu loꞈ-ehˇ ehˇ-euˬ meh. ‘Miˬyehˇ ehˇ dawˬ naˇ haˬ-eu yawꞈ ngehꞈ ngaˇ. Aˬ yawꞈ neh ehˇ-euˬ loꞈ-ehˇ mˇ-awˇ, aˬ dui neh mˇ-euˬ yaw lehˬ jeˬ gʼaˇ duˬ, Baoˬ huiˬ-eu Sahˬpaˬ Miˬyehˇ mehˬ shi noeˬ shaˬ-eu jahˇ geuꞈ-eu tiˬ jeˬ-iˬ gaˇ dahˇ maˬ tsoeˬ-aˇ.

Maꞈtehˬ 20:12

‘Jeˬ nah nah saˬ oe-awˇ mˇ le-euˬ deuˬ naˬ liˬ tiˬ laꞈ mˇ-euˬ tehꞈ meh. Nga maꞈ-aˬ, nah ga-ehˇ nahˇ tsaˇ lawꞈ lawꞈ-ehˇ mˇ-euˬ ma. Ehˇ kʼawꞈ, nawˇ gʼaˬ gaˇ poeˬ biꞈ laꞈ ngeh, tiˬ kawˆ myaˆ ni tehꞈ-ehˇ biꞈ laꞈ-eu nga’ lehˇ ehˇ-eu meh.

Luˇkaꞈ 15:28

Dawˬ kʼoeˇ dawˬ-ahˇ ya gaˬ ngeh, aˬ li aˬ yuiꞈ kʼoeˇ gʼaˬ nui ma pehˇ dui dui laˇ-awˇ, iˇ kahˇ laꞈ kʼoeˇ maˬ gʼoꞈ uˇ leˇ-a. Aˬ da gʼaˬ doˆ le-awˇ, iˇ kahˇ laꞈ kʼoeˇ gʼoꞈ uˇ laˇ-awˬ lehˇ gʼaˇ duˬ shaˇ dui dui-euˬ meh.

Luˇkaꞈ 15:30

Ehˇ kʼawꞈ, nawˬ-euˬ pyuˇ shuiˇ myawˬ gahˬ deuˬ-ahˇ, meh maˬ laˇ nehˬ-ehˇ byawˬ gʼa byawˬ gʼa-ehˇ zmˬ dzeh jiˇ-euˬ nawˬ li heu li gʼoꞈ laˇ-euˬ gaˇ, cu tsuˇ taˬ-euˬ mawˇ neˇ mawˇ gaw zaˬ kʼoeˇ mawˇ sehꞈ nehˬ-euˬ nga laˬ.’

Luˇkaꞈ 15:7

Kʼoeˇ loꞈ-ehˇ duˇ ni, iˬ baˇ noeˬ poˆ-eu maˬ loˬ-eu yaw tsaˬ yaw dawˇ tsawˇ haˬ gʼoeˬ tseˇ gʼoeˬ gʼaˬ-ahˇ naˆ maˬ tseˇ, iˬ baˇ noeˬ poˆ-euˬ iˬ baˇ zaˬ tiˬ gʼaˬ-ahˇ mˬ kʼoeˇ taˆ laˬ kʼaˬ cehˇ dzehˬ tehꞈ-a lehˇ, naw maꞈ-ahˇ ngaˇ ehˇ-eu ma.

Luˇkaꞈ 17:10

Kʼoeˇ loꞈ-ehˇ duˇ ni, naw maꞈ kʼawꞈ, naw maꞈ-ahˇ kʼaˇ kʼehˇ-euˬ jeˬ mˇ gʼaˬ jiˇ ngeh, ‘Nga maꞈ-aˬ, maˬ poeˬ maˬ lawˬ-eu zaˬ kʼaˆ tehꞈ ma. Nga maꞈ-ahˇ daˇ-eu gaˇ-ahˇ nga maꞈ mˇ jiˇ-euˬ tehꞈ ma’ lehˇ ehˇ-awˬ.”

Luˇkaꞈ 18:9

Yawˬ haˇ yawˬ ha yaw tsaˬ yaw dawˇ ma lehˇ sawˇ-awˇ, aˬ cawˬ-ahˇ taˬ nyiˇ-eu tsawˇ haˬ deuˬ-ahˇ, Yeˬsuˇ yaw jeˬ ma jeˬ heu hmˬ ja mehˬ nehˬ-euˬ meh.

Luˇkaꞈ 19:21

Aˬ jeˬ miˇ neh ehˇ naˇ, nawˇ yaw yaꞈ miˇ neh nawˬ-ahˇ ngaˇ guˆ-eu ma. Nawˬ neh maˬ yuˇ taˬ-euˬ gaˇ nawˇ yuˇ geuꞈ-awˇ, nawˬ neh maˬ sehˬ-euˬ gaˇ nawˇ yehˬ dzaˬ-eu meh.’

Lormav 10:3

Tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ nya ni Miˬyehˇ neh shaˇ dahˇ taˬ-euˬ gaˇ ma-ahˇ aˬ yawꞈ maꞈ maˬ siˬ nya-ehˇ, yawˬ haˇ yawˬ ha gaˇ ma tiˬ kahˇ shaˇ dahˇ-eu lehˇ leh jeh-eu meh. Kʼoeˇ miˇ neh, tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ ni Miˬyehˇ neh shaˇ dahˇ-euˬ gaˇ ma-ahˇ aˬ yawꞈ maꞈ maˬ ha geuꞈ-a.

Lormav 3:20

Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ gʼaˬ-euˬ tsawˇ haˬ maˬ pyeuꞈ laˇ nya-a siˬ. Zahˇ dawˬ kʼo dawˬ-aˬ, tsawˇ haˬ zaˬ-ahˇ yawˬ ha iˬ baˇ mˇ-euˬ gaˇ kawˆ bi siˬ leˇ-eu gʼaˇ duˬ tehꞈ meh.

Lormav 3:27

Toˆ-ehˇ ngeuˇ naˇ, aˬ dui nui ma huiˬ kʼaˇ aˬ gaˇ paˇ za ta. Tiˬ gaˇ-iˬ maˬ paˇ za meh. Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ pyeuꞈ laˇ nya-eu maˬ ngeuˇ-a. Jah-eu baˬ da neh tehꞈ-ehˇ pyeuꞈ laˇ nya-eu meh.

Lormav 7:9

Zahˇ dawˬ kʼoꞈ dawˬ kʼoeˇ dawˬ maˬ jaˆ law nmˇ-aˬ, iˬ baˇ ehˇ-eu jeˬ yaw shiˇ-ahˇ duˇ tehꞈ-a. Maˬ muiˬ-eu jeˬ maˬ ya mˇ ni zahˇ dawˬ kʼoꞈ dawˬ kʼoeˇ dawˬ ngaˬ-ahˇ maˬ laˆ tsoeˬ le kʼoeˇ keuˆ ni-aˬ, ngaˇ yaw dehꞈ ma. Ehˇ kʼawꞈ, zahˇ dawˬ kʼoꞈ dawˬ kʼoeˇ dawˬ oe keuˆ ngeh, iˬ baˇ dehꞈ doˆ laˇ-awˇ,

Panmaeq 2:17

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ deuˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, zaꞈ taˬ-euˬ maˬ naˆ kaˬ muˇ ngaˇ bi dzaˬ ma. Aˬ yawꞈ maꞈ yawˬ gʼaˬ na luꞈ-ahˇ, kʼaˬ lo lo pyuˇ ngaˇ biꞈ ma. Kʼaˬ lo lo pyuˇ kʼoeˇ-euˬ kʼoeˇ taˆ tsawˇ myahˇ yaw shuiꞈ toeˬ boꞈ taˬ-awˇ, kʼaˬ lo kʼoeˇ za-euˬ gʼaˬ maˬ ngeuˇ naˇ nui gʼaˬ tiˬ gʼaˬ-iˬ tsawˇ myahˇ kʼoeˇ-ahˇ maˬ siˬ nya-a.

Panmaeq 3:17

‘Ngaˇ smˇ muiˬ smˇ baw pyeuꞈ-awˇ, kʼaˇ loˬ-eu jeˬ dawˬ tawˆ luꞈ jaˆ jiˇ ma lehˇ nawˇ ehˇ-eu meh. Ehˇ kʼawꞈ, nawˇ shaˬ zahˬ aˇ naˆ ni ya mˇ paˬ-ehˇ gʼeh-awˇ, aˇ naˆ ni gʼawˬ shaˬ gaˬ laˇ paˬ-ehˇ gʼeh-eu gaˇ kawˆ yawˬ haˇ yawˬ ha maˬ siˬ nya-a. Nawˇ-aˬ, iˇ shaˬ shaˬ dui dui-awˇ, neˇ myawˆ ni gʼeh-eu uˬ taꞈ, myaˆ behꞈ behꞈ-eu meh.