Luˇkaꞈ 15:27 - Akha

²⁷ Zaˬ kʼaˆ kʼoeˇ gʼaˬ aˬ yawꞈ-ahˇ ehˇ-eu, ‘Nawˬ-euˬ aˬ nyiˇ gʼoꞈ laˇ-euˬ meh. Aˬ yawꞈ tiˬ jeˬ-iˬ maˬ gʼeh ni gʼoꞈ keuˆ laˇ-euˬ miˇ neh, nawˬ da laˬ kʼaˬ cehˇ-awˇ cu tsuˇ taˬ-euˬ mawˇ neˇ mawˇ gawˬ zaˬ kʼoeˇ mawˇ sehꞈ-euˬ meh.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Ghaqzaq ghaqkhaer khoerghaq aer-eu, ‘Nawq-euq aqnyir ghoflar-euq mae. Aqyawf jawrsar dov-eu lafkhoer tiqjeq-iq maqghaeni ghofkeuv lar-euq gar nawqda ya hageuf-euq mirnae, tsurdanqni ghae-eu mawrner mawrgaw khoermawr saef-euq mae.’

Luˇkaꞈ 15:27 ပူးပေါင်းရင်းမြစ်များ

Maꞈtehˬ 22:4

Zaˬ kʼaˆ yawˬ deuˬ yawˬ-ahˇ aˬ yawꞈ paˇ pyehˬ gʼeh-awˇ, ‘Dzaˬ byawˇ lehˬ hmˬ dah taˬ-euˬ ma. Mawˇ neˇ mawˇ gaw deuˬ hawˇ-eu, cu tsuˇ taˬ-euˬ jeˬ zaˬ deuˬ sehꞈ-awˇ, yawˬ jeˬ na luꞈ laˆ dah jiˇ taˬ-euˬ ma. Oeˇ mˇ baˇ-eu bawˬ-iˬ-ahˇ laˇ-awˬ’ lehˇ paˇ bi kuˇ-iˇ-euˬ meh.

Luˇkaꞈ 15:26

Kʼoeˇ miˇ neh, zaˬ kʼaˆ tiˬ gʼaˬ-ahˇ aˬ yawꞈ kuˇ-awˇ, ‘Aˬ jeˬ gʼeh luꞈ ta’ lehˇ naˇ haˬ-euˬ meh.

Luˇkaꞈ 15:28

Dawˬ kʼoeˇ dawˬ-ahˇ ya gaˬ ngeh, aˬ li aˬ yuiꞈ kʼoeˇ gʼaˬ nui ma pehˇ dui dui laˇ-awˇ, iˇ kahˇ laꞈ kʼoeˇ maˬ gʼoꞈ uˇ leˇ-a. Aˬ da gʼaˬ doˆ le-awˇ, iˇ kahˇ laꞈ kʼoeˇ gʼoꞈ uˇ laˇ-awˬ lehˇ gʼaˇ duˬ shaˇ dui dui-euˬ meh.

Luˇkaꞈ 15:30

Ehˇ kʼawꞈ, nawˬ-euˬ pyuˇ shuiˇ myawˬ gahˬ deuˬ-ahˇ, meh maˬ laˇ nehˬ-ehˇ byawˬ gʼa byawˬ gʼa-ehˇ zmˬ dzeh jiˇ-euˬ nawˬ li heu li gʼoꞈ laˇ-euˬ gaˇ, cu tsuˇ taˬ-euˬ mawˇ neˇ mawˇ gaw zaˬ kʼoeˇ mawˇ sehꞈ nehˬ-euˬ nga laˬ.’

Gʼaˬkʼehˇ 22:13

Aˬ yawꞈ ngaˇ jawˇ gaˇ laˇ-awˇ, ngaˬ-euˬ dawˬ peh yawꞈ-awˇ, ‘Aˬ nyiˇ Sawˇluˆ-oˇ, myaˆ nuiˆ mawˇ laˇ-awˬ’ lehˇ ehˇ ngeh, ja pyuˬ ni myaˆ nuiˆ paˇ mawˇ laˇ-awˇ, aˬ yawꞈ-ahˇ haw-euˬ ma.

Gʼaˬkʼehˇ 9:17

Kʼoeˇ naˇ, Aˬnaˬniˇ iˇ-awˇ, nymˇ kʼoeˇ nymˇ-ahˇ uˇ-iˇ-awˇ, Sawˇluˆ kʼoeˇ taˆ aˬ laꞈ baꞈ daˆ-awˇ, heu loꞈ-ehˇ ehˇ nehˬ-euˬ meh. “Aˬ nyiˇ Sawˇluˆ-oˇ, nawˇ heu gaˇ laˇ luꞈ ngeh gaˇ pehˇ-ahˇ nawˬ-ahˇ bi mawˇ le-euˬ Sahˬpaˬ Yeˬsuˇ kʼoeˇ gʼaˬ ngaˬ-ahˇ nawˇ jawˇ gaˇ kʼehˇ gʼeh leꞈ-euˬ meh. Nawˇ myaˆ nuiˆ paˇ mawˇ laˇ-awˇ, Muiˬ-eu shawˇ-eu Yaw sahˇ Miˬyehˇ za nya ni, aˬ yawꞈ ngaˬ-ahˇ kʼehˇ gʼeh leꞈ-euˬ meh.”

Piˇleˇmoˬ 1:16

Nymˬ-mˇ-aˬ, aˬ yawꞈ zaˬ kʼaˆ tiˬ gʼaˬ loˆ ni tehꞈ maˬ paˇ ngeuˇ meh. Ka li laꞈ kʼoeˇ aˬ yuiꞈ aꞈ nyiˇ tiˬ gʼaˬ loꞈ-ehˇ pyeuꞈ laˇ-euˬ meh. Aˬ yawꞈ-aˬ, ngaˬ-euˬ gʼaˇ duˬ gaˇ dahˇ tsoeˬ dui dui-eu meh. Ngaˬ-euˬ gʼaˇ duˬ gaˇ dahˇ tsoeˬ-eu naˆ maˬ tseˇ, nawˬ-euˬ gʼaˇ duˬ zaˬ kʼaˆ tiˬ gʼaˬ loꞈ-ehˇ maˬ ehˇ, Sahˬpaˬ Yeˬsuˇ laꞈ kʼoeˇ aˬ yuiꞈ aꞈ nyiˇ tiˬ gʼaˬ loꞈ-ehˇ maˬ ehˇ, gaˇ dahˇ tsoeˬ dzehˬ tehꞈ-a.

1 Saˬmeuˬlaˆ 28:24

Kʼoeˇ ngeh, zaˬ miˬ zaˬ kʼoeˇ gʼaˬ aˬ yawꞈ neh cu tsuˇ taˬ-euˬ mawˇ neˇ mawˇ kʼaˇ tiˬ mawˇ sehꞈ-euˬ meh. Cehˇ meu ui cuiˆ yuˇ-awˇ, dehˬ tseˬ maˬ dawˆ-euˬ kaˬ muˇ kʼawꞈ jahˇ-euˬ meh.