Luˇkaꞈ 15:25 - Akha

²⁵ “Kʼoeˇ ngeh, aˬ li aˬ yuiꞈ gʼaˬ yaˇ ngeh iˇ-euˬ meh. Aˬ yawꞈ gʼoꞈ laˇ-awˇ, nymˇ dzeˇ gʼoꞈ keuˆ laˇ ngeh, caˇ dawˬ caˇ caˇ-ehˇ gaˇ nyeh nyeh-eu teˇ saˇ ya gaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ “Khoerngae, zaqyo aqyuif ghaq daeyar-anr jawrluf-eu mae. Aqyawf ghoflar-awr nymr-euq dawqpae ghofkeuvlar ngae, garnyae nyae-awr, cardawq car-eu tersar yagaq-euq mae.

Luˇkaꞈ 15:25 ပူးပေါင်းရင်းမြစ်များ

2 Saˬmeuˬlaˆ 6:14

Daˬbiˇ-aˬ, joꞈ-ahˇ keuˆ ni tehꞈ-ehˇ guꞈ taˬ-euˬ shawˇ jehˆ ni gʼeh-eu saˬ paˇ mehˬ tsoeˬ dm-awˇ, gʼaˬ kʼaˇ jaˆ-eu shaˇ-awˇ gaˇ nyeh nyeh-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ-euˬ meh.

Jaceuq 126:1

Sahˬpaˬ Miˬyehˇ aˬ dui-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ ngeh, yuꞈ maˆ maˆ gaˇ duˇ miˇ-a.

Jaceuq 149:3

Gaˇ nyeh nyeh-awˇ aˬ yawꞈ-euˬ tsawˇ myahˇ-ahˇ ja ceuˬ-awˬ. Tahˬ diˬ, deuˇ-mˬ diˬ-awˇ aˬ yawꞈ-ahˇ ja ceuˬ-awˬ.

Jaceuq 150:4

Tahˬ diˬ gaˇ nyeh nyeh-awˇ aˬ yawꞈ-ahˇ ja ceuˬ-awˬ. Deuˇ-mˬ diˬ, bawˬ law baw-awˇ ja ceuˬ-awˬ.

Jaceuq 30:11

Ngaˇnoeˬshaˬnoeˬzahˬ-eu jeˬ-ahˇ, laˬkʼaˬcehˇ-eu jeˬpyeuꞈlaˇni, nawˬneh yuˇpaˇnehˬlaꞈ-euˬmeh. Nui ma shaˬzahˬnyehꞈlehˆlaꞈ-awˇ, laˬkʼaˬcehˇnui saˇza-eu jeˬ, nawˬneh nyehꞈdm nehˬlaꞈ-euˬmeh.

Doˆ-iˇ 15:20

Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu Aˬloˬ-euˬ dmˇ ma Miˇliˬyaˬ bawˬ tsahˬ baꞈ-awˇ doˆ le ngeh, zaˬ miˬ zaˬ dawˬ tawˆ luꞈ bawˬ tsahˬ baꞈ-awˇ, aˬ yawꞈ nehˬ-ehˇ gaˇ nyeh nyeh-euˬ meh.

Dawˬ tsoˆ 3:4

Noeˬ shaˬ-eu yamˬ baw-eu loꞈ-ehˇ, laˬ kʼaˬ cehˇ-eu yamˬ baw-eu meh. Tsawˇ ngoeˇ ngoeˇ yamˬ baw-eu loꞈ-ehˇ, gaˇ nyeh nyeh-eu yamˬ baw-eu meh.

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Luˇkaꞈ 15:24

Aˬ jeˬ miˇ neh ehˇ naˇ, ngaˬ li heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.’ Kʼoeˇ naˇ, aˬ yawꞈ maꞈ laˬ kʼaˬ tiˬ cehˇ dzaˬ taꞈ dawˇ taꞈ-euˬ meh.

Luˇkaꞈ 15:26

Kʼoeˇ miˇ neh, zaˬ kʼaˆ tiˬ gʼaˬ-ahˇ aˬ yawꞈ kuˇ-awˇ, ‘Aˬ jeˬ gʼeh luꞈ ta’ lehˇ naˇ haˬ-euˬ meh.

Luˇkaꞈ 7:32

Aˬ yawꞈ maꞈ-aˬ, lehˆ lehˆ kawˆ-ahˇ nuiˇ-awˇ tiˬ maꞈ tiˇ maꞈ heu loꞈ-ehˇ guˇ cawˬ luꞈ-eu zaˬ deuˬ-ahˇ duˇ-eu meh. ‘Nga maꞈ tahˬ diˬ-awˇ bawˬ law baw kʼawꞈ, naw maꞈ gaˇ nyeh maˬ nyeh nga tawˇ. Nga maꞈ kuiˇ deuˇ gui kʼawꞈ, naw maꞈ tsawˇ ngoeˇ maˬ ngoeˇ nga tawˇ.’