Luˇkaꞈ 15:20 - Akha

²⁰ Kʼoeˇ naˇ, aˬ yawꞈ tsawˬ tuˇ laˇ-awˇ, aˬ yawꞈ-euˬ aˬ da jawˇ gaˇ gʼoꞈ leˇ-euˬ meh. “Aˬ yawꞈ gaˇ mahˇ kaˬ gaˇ gʼoꞈ laˇ luꞈ ngeh neh, aˬ yawꞈ-euˬ aˬ da aˬ yawꞈ-ahˇ haw mawˇ-awˇ, gʼawˬ shaˬ gaˬ dui dui-eu miˇ neh cehˆ coeˬ coeˬ gʼeh-awˇ, aˬ yawꞈ-ahˇ byaˇ cuꞈ-awˇ ha-eu laꞈ kʼoeˇ, mehˬ cuˇ cuˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ “Khoernar-aq, aqyawf tur-awr aqyawf-euq aqda jawr-eu gar ghofler-euq mae. Aqyawf garmanr kaq-eu gar ghoflarluf ngae nae aqyawf-euq aqda ya’mawr-awr, ghawqshaq gaq-eu lafkhoer caevghae-awr nae, aqyawf-euq kawqlanr-anr byartaeq taq-awr maeqsaw saw-euq mae.

Luˇkaꞈ 15:20 ပူးပေါင်းရင်းမြစ်များ

Aˇ dahˬ 33:4

Ehˇ kʼawꞈ, Yaˬkoˆ jawˇ gaˇ Iˇsawˇ cehˆ gʼeh-awˇ, Yaˬkoˆ-ahˇ byaˇ cuꞈ-awˇ mehˬ cuˇ cuˇ nehˬ-euˬ meh. Kʼoeˇ ngeh, aˬ yawꞈ nyaꞈ nyiˬ mehˇ nmˇ luꞈ ngoeˇ-euˬ meh.

Aˇ dahˬ 45:14

Kʼoeˇ loꞈ-ehˇ ehˇ gʼaˬ ngeh, Beˬyaˬmiˬ-ahˇ Yoˇsehˆ byaˇ cuꞈ-awˇ ngoeˇ-euˬ meh. Beˬyaˬmiˬ kʼawꞈ, Yoˇsehˆ-euˬ kʼahˬ-ahˇ kʼawˬ daˇ-awˇ ngoeˇ-euˬ meh.

Aˇ dahˬ 46:29

Kʼoeˇ naˇ, Yoˇsehˆ mahˬ laˆ lawˬ dziˬ-awˇ, aˬ yawꞈ-euˬ aˬ da-ahˇ tahˬ puˬ leˇ-euˬ meh. Aˬ nyaꞈ da zaˬ tiˬ gʼaˬ tiˇ gʼaˬ tahˬ puˬ ngeh, aˬ yawꞈ aˬ da-euˬ kawˬ lahˇ-ahˇ Yoˇsehˆ byaˇ cuꞈ-awˇ, gʼawˬ myahˇ ni ngoeˇ-euˬ meh.

2 Saˬmeuˬlaˆ 14:33

Sahˬ paˬ Daˬbiˇ jawˇ gaˇ Yoˇbaˬ le-awˇ, Aˬbaˇsaˬloˬ neh kʼaˇ bi ehˇ-euˬ jeˬ dzawˇ nehˬ leˇ-euˬ meh. Kʼoeˇ ngeh, sahˬ paˬ neh Aˬbaˇsaˬloˬ-ahˇ bi kuˇ laˬ-iˇ-awˇ, Aˬbaˇsaˬloˬ laˇ-awˇ, sahˬ paˬ-euˬ mehˬ shi miˇ tsa awˆ byaˆ-eu laꞈ kʼoeˇ, yaw zeu baw nehˬ-euˬ meh. Aˬbaˇsaˬloˬ-ahˇ sahˬ paˬ mehˬ cuˇ cuˇ-awˇ ha geuꞈ nehˬ-euˬ meh.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Iˇsaˬyaˇ 49:15

Kʼoeˇ miˇ neh Sahˬpaˬ Miˬyehˇ heu loꞈ-ehˇ ehˇ-eu meh. “Aˬ ma tiˬ gʼaˬ yawˬ ha-euˬ aˬ coeˇ dawˇ zaˬ-ahˇ ngehˇ-awˇ, yawˬ ha neh baw-euˬ zaˬ-ahˇ maˬ gaˬ ni jawˇ coeˇ ta loˇ. Aˬ ma zaˬ-ahˇ ngehˇ gaˇ keuˆ kʼawꞈ, naw maꞈ-ahˇ ngaˇ maˬ ngehˇ.

Iˇsaˬyaˇ 57:18

“Aˬ yawꞈ maꞈ-euˬ dehꞈ jeˬ dehꞈ kawˆ ngaˇ siˬ jiˇ kʼawꞈ, aˬ yawꞈ maꞈ-euˬ naˇ gawˇ ngaˇ laˆ saˆ ma. Aˬ yawꞈ maꞈ-ahˇ ngaˇ sheuˬ gʼeh ngehˬ gʼeh-awˇ, tsawˇ ngoeˇ ngoeˇ luꞈ-eu deuˬ nui ma bi saˇ laˇ ma.

Yeˬlaˬmiˇ 31:20

“Iˇsaˬleˬlaˆ nawˇ ngaˇ gaˬ dzehˬ-eu aˬ li ma. Aˬ cawˬ naˆ maˬ tseˇ gaˬ-euˬ gʼaˬ nawˇ ma. Nawˬ-euˬ tsawˇ myahˇ ngaˇ kʼaˇ kuˇ ngeh, nawˬ-ahˇ gaˬ-eu maˬ jiˇ leˇ-ehˇ, nawˬ-ahˇ noeˬ-eu maˬ byoˆ-iˇ nya. Nawˬ-ahˇ ngaˇ gʼawˬ shaˬ aˬ diˇ gaˬ nehˬ ma.

Hawˇseˬ 11:8

“Iˇsaˬleˬlaˆ-oˇ, nawˬ-ahˇ ngaˇ, aˬ joˆ-ehˇ gʼeh-awˇ byehˇ coeˇ nmˇ. Aˬdaˬmaˬ-ahˇ kʼehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ kʼehˬ nmˇ. Zeˬbymˬ-ahˇ jahˇ nehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ jahˇ nmˇ. Nawˬ-ahˇ gaˬ dui dui-eu miˇ neh, kʼoeˇ loꞈ-ehˇ jahˇ nehˬ-eu gʼaˇ duˬ, ngaˬ-euˬ nui ma maˬ gʼaˬ leˇ nya.

Luˇkaꞈ 15:19

Ngaˬ-ahˇ nawˬ li lehˇ bi kuˇ-eu maˬ paˇ geuˇ miˇ-a. Nawˬ-ahˇ gʼaˬ mahˇ mahˇ dzaˬ-eu tsawˇ haˬ tiˬ gʼaˬ loꞈ-ehˇ sawˇ nehˬ laꞈ-awˬ” lehˇ ehˇ nehˬ leˇ ma’ lehˇ, yawˬ haˇ yawˬ ha ehˇ-eu meh.

Luˇkaꞈ 15:21

Aˬ li kʼoeˇ gʼaˬ aˬ da-ahˇ ehˇ nehˬ-eu, ‘Aˬ da-oˇ, Miˬyehˇ mehˬ shi hawˇ-eu nawˬ-euˬ mehˬ shi ngaˇ iˬ baˇ mˇ-euˬ ma. Ngaˬ-ahˇ nawˬ li lehˇ bi kuˇ-eu maˬ paˇ geuˇ miˇ-a.’

Gʼaˬkʼehˇ 2:39

Aˬ jeˬ miˇ neh ehˇ naˇ, Muiˬ-eu shawˇ-eu Yaw sahˇ Miˬyehˇ biꞈ ma lehˇ Miˬyehˇ neh saˇ jaˇ dzaˬ taˬ-euˬ kʼoeˇ-aˬ, naw maꞈ hawˇ-eu naw maꞈ-euˬ zaˬ deuˬ-ahˇ dzaˬ taˬ-euˬ saˇ jaˇ pyeuꞈ-eu meh. Kʼoeˇ uˬ taꞈ, gaˇ mahˇ kaˬ gaˇ jawˇ-eu tsawˇ haˬ dawˬ tawˆ luꞈ hawˇ-eu aˬ dui-euˬ Miˬyehˇ pyeuꞈ-eu SahˬpaˬMiˬyehˇ neh aˬ yawꞈ jawˇ gaˇ kʼaˇ kuˇ taˬ-euˬ deuˬ dawˬ tawˆ luꞈ-ahˇ dzaˬ-euˬ saˇ jaˇ kʼawꞈ pyeuꞈ-eu meh.”

Gʼaˬkʼehˇ 20:37

Aˬ yawꞈ maꞈ ngoeˇ ngoeˇ-ehˇ, Pawˇluˆ-ahˇ byaˇ tehˬ-awˇ mehˬ cuˇ cuˇ nehˬ-euˬ meh.

Eˇpeˇsu 2:13

Ehˇ kʼawꞈ, nymˬ-mˇ-aˬ, Ka li shiˇ dah-euˬ baˬ da neh, gaˇ mahˇ kaˬ-eu tsawˇ haˬ pyeuꞈ-eu naw maꞈ Yeˬsuˇ Ka li laꞈ kʼoeˇ dawˬ peh peh laˇ-euˬ meh.

Eˇpeˇsu 2:17

Ka li oe-awˇ Miˬyehˇ-ahˇ gaˇ mahˇ kaˬ-eu naw maꞈ-ahˇ maˬ ehˇ, Miˬyehˇ-ahˇ peh-eu Yuˇdaˆ tsawˇ haˬ deuˬ-ahˇ maˬ ehˇ, tsaˬ leˇ dzoeˇ leˇ-eu Laˬ kʼaˬ cehˇ-eu Guiˬ lahˬ dawˬ mehˬ le-euˬ meh.