Luˇkaꞈ 15:19 - Akha

¹⁹ Ngaˬ-ahˇ nawˬ li lehˇ bi kuˇ-eu maˬ paˇ geuˇ miˇ-a. Nawˬ-ahˇ gʼaˬ mahˇ mahˇ dzaˬ-eu tsawˇ haˬ tiˬ gʼaˬ loꞈ-ehˇ sawˇ nehˬ laꞈ-awˬ” lehˇ ehˇ nehˬ leˇ ma’ lehˇ, yawˬ haˇ yawˬ ha ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aqkar nar-aq, nawq-euq zaqyo laer bikur-eu maqgeux nya. Ngaq-anr nawq-euq ghaqmanr manrzaq tiq ghaq lof-aer sawxnaeq laf-awq.” ’

Luˇkaꞈ 15:19 ပူးပေါင်းရင်းမြစ်များ

Aˇ dahˬ 32:10

Nawˬ-euˬ zaˬ kʼaˆ pyeuꞈ-eu ngaˇ-aˬ, nawˇ gʼawˬ shaˬ gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ-ahˇ za-eu maˬ geuˇ-a. Aˇ hu ngaˇ Yawˇdaˬ lawˇ baˬ tsehˆ doˆ ngeh, ngaˬ-euˬ aˬ laꞈ laꞈ kʼoeˇ gawˬ yoeˬ tiˬ yoeˬ tehꞈ-ehˇ ahˇ-euˬ kʼawꞈ, nymˬ-mˇ ngaˇ gʼoꞈ doˆ laˇ ngeh poˆ jawˇ, ngaˬ nehˬ-ehˇ tsawˇ haˬ nyiˬ muˇ ahˇ-eu ma.

Yawˇbaˆ 42:6

Kʼoeˇ miˇ neh ngaˬ neh kʼaˇ ngehˬ kʼaˇ tmˇ dzeuˇ-euˬ jeˬ-ahˇ ngaˇ shaꞈ dawˇ-eu laꞈ kʼoeˇ, kʼaˬ puiˬ kʼaˬ lehˇ tsahˬ-ahˇ jawˇ-awˇ iˬ baˇ noeˬ poˆ-eu ma.”

Jaceuq 84:10

Nawˬ-euˬ Uˬ duˬ tahˬ nymˇ nymˇ ma laꞈ kʼoeˇ tiˬ nah jawˇ ciꞈ-euˬ-aˬ, nui gaˇ tiˬ heˇ nah jawˇ-euˬ naˆ maˬ tseˇ poeˬ nya. Haiˬ-eu tsawˇ haˬ deuˬ-euˬ nymˇ laꞈ kʼoeˇ jawˇ-eu naˆ maˬ tseˇ, Miˬyehˇ-euˬ nymˇ gʼoˆ kʼehˬ-ahˇ ya yawꞈ gaˇ ngaˇ nui kʼahˇ shiˇ dzehˬ ma.

Luˇkaꞈ 15:18

Ngaˇ tsawˬ tuˇ-awˇ ngaˬ da jawˇ gaˇ gʼoꞈ leˇ-awˇ, “Aˬ da-oˇ, Miˬyehˇ mehˬ shi hawˇ-eu nawˬ-euˬ mehˬ shi ngaˇ iˬ baˇ mˇ-euˬ ma.

Luˇkaꞈ 15:20

Kʼoeˇ naˇ, aˬ yawꞈ tsawˬ tuˇ laˇ-awˇ, aˬ yawꞈ-euˬ aˬ da jawˇ gaˇ gʼoꞈ leˇ-euˬ meh. “Aˬ yawꞈ gaˇ mahˇ kaˬ gaˇ gʼoꞈ laˇ luꞈ ngeh neh, aˬ yawꞈ-euˬ aˬ da aˬ yawꞈ-ahˇ haw mawˇ-awˇ, gʼawˬ shaˬ gaˬ dui dui-eu miˇ neh cehˆ coeˬ coeˬ gʼeh-awˇ, aˬ yawꞈ-ahˇ byaˇ cuꞈ-awˇ ha-eu laꞈ kʼoeˇ, mehˬ cuˇ cuˇ nehˬ-euˬ meh.

Luˇkaꞈ 5:8

Kʼoeˇ loꞈ-ehˇ pyeuꞈ laˇ-euˬ gaˇ Siˇmoˬ Beˬtuˆluˆ ya mawˇ ngeh, Yeˬsuˇ-euˬ mehˬ shi aˬ yawꞈ pawˬ tsuiꞈ pawˬ dmˬ dmˬ-awˇ ehˇ-eu, “Sahˬpaˬ-oˇ, ngaˇ jawˇ gaˇ neh doˆ-iˇ-awˬ. Ngaˇ-aˬ, iˬ baˇ huiˬ dui dui-eu tsawˇ haˬ tiˬ gʼaˬ ma.”

1 Gawˇliˬtu 15:9

Aˬ jeˬ miˇ neh ehˇ naˇ, gʼaˬ kʼehˇ dawˬ tawˆ luꞈ laꞈ kʼoeˇ ngaˇ aˬ cawˬ naˆ maˬ tseˇ teˬ-eu gʼaˬ pyeuꞈ-eu ma. Miˬyehˇ-euˬ Ka li zaˬ aˇ muˇ-ahˇ kʼehˬ haw kʼaˆ haw-euˬ tsawˇ haˬ pyeuꞈ-eu miˇ neh, gʼaˬ kʼehˇ lehˇ bi kuˇ-eu kʼawꞈ maˬ geuˇ nya.

1 Beˬtuˆluˆ 5:6

Miˬyehˇ neh noeˬ taˬ-euˬ aˇ yamˬ tsaˬ laˇ ngeh, aˬ cawˬ kʼoeˇ taˆ naw maꞈ-ahˇ ciˬ huiˬ ciˬ mahˇ nehˬ laꞈ ni, Miˬyehˇ-euˬ baoˬ huiˬ-eu aˬ laꞈ uˬ moˆ naw maꞈ nui ma nahˬ yu ni taˬ-awˬ.