Luˇkaꞈ 15:13 - Akha

¹³ Gʼawˬ mya nah maˬ gʼeh-ehˇ, aˬ li aˬ nyiˇ gʼaˬ aˬ yawꞈ kʼaˇ jaˆ-eu yuˇ jiˇ-awˇ, gaˇ mahˇ kaˬ-eu miˇ kʼahˬ-ahˇ doˆ-iˇ-awˇ, kʼaˇ dehꞈ mawꞈ-eu dehꞈ-awˇ, aˬ yawꞈ-euˬ pyuˇ shuiˇ myawˬ gahˬ zmˬ dzeh jiˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Ghawqmya nan maqghae-aer, aqnyir ghaq, aqyawf kharjav-eu dawqtawvluf yuruiq-awr, garmanr kaq-eu mirkhanq-anr ir-euq mae. Khoergar, aqyawf khar daefmawf-eu lof-aer daef-awr, pyurshuir khoer zmqdzae jir-euq mae.

Luˇkaꞈ 15:13 ပူးပေါင်းရင်းမြစ်များ

Jaceuq 73:27

Nawˬ-ahˇ byehˇ dzeh-eu tsawˇ haˬ deuˬ aˬ diˇ aˬ maˇ ya luˬ ya seˇ-iˇ tehꞈ-a. Nawˬ-ahˇ saˇ jaˇ maˬ ziꞈ-eu tsawˇ haˬ deuˬ-ahˇ nawˇ laˆ luˬ laˆ seˇ nehˬ tehꞈ-a.

Dawqdaq 18:9

Yaw doeˇ doeˇ-eu jeˬ-aˬ, aˬ dzawˬ aˇ gah-ahˇ mehˇ nmˇ jawꞈ-eu meh.

Dawqdaq 21:17

Dzaˬ kuiˇ dawˇ kuiˇ gaˇ gaˬ-eu deuˬ, smˇ muiˬ maˬ muiˬ laˇ nya-a.

Dawqdaq 21:20

Tsawˇ gahˇ byah-eu deuˬ dehꞈ poeˬ jawˇ poeˬ nya kʼawꞈ, aˬ dzawˬ aˇ gah deuˬ pyuˇ yaw kawˇ-ehˇ shehˆ dzeh-eu meh.

Dawqdaq 27:8

Iˇ kahˇ byehˇ-awˇ cah byoˆ-euˬ tsawˇ haˬ-aˬ, bahˬ-ahˇ gaˇ mahˇ zaw kaˬ-euˬ aˇ jiˇ zaˬ-ahˇ duˇ-eu meh.

Dawqdaq 28:7

Miˇ kʼahˬ zahˇ sahˇ kʼoꞈ-ahˇ yaw muiˬ paˬ-ehˇ caw teh-eu zaˬ guˬ-aˬ, tsawˇ gahˇ ahˇ-eu meh. Gaˇ dahˇ maˬ tsoeˬ-eu deuˬ nehˬ-ehˇ cawˬ cawˬ-eu gʼaˬ-aˬ, aˬ da-euˬ nui ma-ahˇ laˆ shaˬ nehˬ-eu meh.

Dawqdaq 29:3

Zaˬ siˬ tsawˇ gahˇ mehˬ nah teh-eu tsawˇ haˬ, aˬ da-euˬ kʼahˬ sehˇ pyeuꞈ-awˇ, meh maˬ laˇ nehˬ-ehˇ byawˬ gʼa-eu tsawˇ haˬ pyuˇ laˆ dzeh-eu aˬ dzawˬ aˇ gah meh.

Dawqdaq 6:26

Meh maˬ laˇ-ahˇ kaˬ muˇ tiˬ siˬ biꞈ-awˇ ja juˬ nya kʼawꞈ, aˬ cawˬ aˬ ma nawˬ-euˬ uˬ kʼawˇ poeˬ gaˇ taˬ ngehˇ.

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Iˇsaˬyaˇ 22:13

Ehˇ kʼawꞈ, nawˇ uiˇ-awˇ bawˬ-iˬ gʼeh-eu laꞈ kʼoeˇ, yawˇ hawˇ-eu mawˇ neˇ sehꞈ-awˇ, aˬ gaꞈ dzaˇ uiˇ lehˬ hmˬ taˬ-awˇ, dzaˬ byawˬ dawˇ byawˬ byawˬ gʼa tehꞈ-a. “Ni shawˬ shiˇ-eu keuˆ le-euˬ-aˬ, iˬ nah dzaˬ byawˬ dawˇ byawˬ byawˬ ma” lehˇ nawˇ ehˇ tehꞈ-a.

Iˇsaˬyaˇ 30:11

“Nga maꞈ cah-eu gaˇ ma-ahˇ taˬ laˆ tsoeˬ Iˇsaˬleˬlaˆ-euˬ muiˬ-eu shawˇ-eu Miˬyehˇ gaˇ kawˆ, nga maꞈ maˬ gaˬ mawꞈ nya” lehˇ ehˇ-eu meh.

Iˇsaˬyaˇ 56:12

Aˬ yawꞈ maꞈ heu loꞈ-ehˇ ehˇ-eu meh. ‘Aˬ dui jiˇ baˬ kʼaˇ uiˬ taˬ-awˇ, kʼaˇ dawˇ coeˇ-eu dawˇ haw kaˇ-euˇ. Iˬ nah maˬ tseˇ ni shawˬ dehꞈ byawˬ dzehˬ ma’ ”

Yeˬlaˬmiˇ 2:13

Aˬ jeˬ miˇ neh ehˇ naˇ ngaˬ-euˬ tsawˇ jeuˬ, iˬ baˇ nyiˬ jeˬ mˇ taˬ-euˬ meh. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu ngaˬ-ahˇ, aˬ yawꞈ maꞈ byehˇ dzeh-awˇ, iˇ cuꞈ maˬ dahˬ ziꞈ nya-eu lah duˬ gawˬ-euˬ meh.

Yeˬlaˬmiˇ 2:31

Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Ngaˇ-aˬ, naw maꞈ gʼaˇ duˬ kʼaˇ shuiꞈ deh yaˇ-ahˇ duˇ ta loˇ. Zahˇ tsui ni gʼeh-awˇ guˆ kʼaˇ za-eu miˇ kʼahˬ-ahˇ duˇ ta loˇ. Aˬ jeˬ miˇ neh ngaˇ jawˇ paw maˬ gʼoꞈ pyawˇ laˇ-ehˇ, yawˬ ha kʼaˇ noeˬ-euˬ jeˬ mˇ ma ehˇ te.

Yeˬlaˬmiˇ 2:5

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh paˬ-ehˇ, ngaˬ-euˬ yaw lehˬ aˬ geu jeˬ-ahˇ haw toˆ-euˬ taˬ. Gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ uˬ duˬ tahˬ-awˇ, aˇ poeˬ maˬ baw ni dehꞈ pyeuꞈ-euˬ meh.

Miˇkaˬ 6:3

Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ deuˬ-oˇ, naw maꞈ-ahˇ ngaˇ aˬ jeˬ mˇ lehˬ taˬ-euˬ jaˆ ta. Naw maꞈ-ahˇ ngaˇ ciˬ baꞈ ciˬ pi-euˬ jeˬ jaˆ ta loˇ. Ehˇ haw sheˇ.

Luˇkaꞈ 15:12

Aˬ li aˬ nyiˇ gʼaˬ aˬ yawꞈ-euˬ aˬ da-ahˇ, ‘Aˬ da-oˇ, ngaˬ-ahˇ oꞈ-eu jeˬ biˇ nymˬ-mˇ biꞈ nehˬ laꞈ-awˬ’ lehˇ shaˇ-eu meh. Kʼoeˇ ngeh, aˬ da gʼaˬ aˬ nyaꞈ nmˇ-ahˇ jeˬ biˇ biˇ paˆ nehˬ-euˬ meh.

Luˇkaꞈ 15:14

Kʼaˇ ahˇ-eu dawˬ tawˆ luꞈ zmˬ dzeh jiˇ ngeh jawˇ, miˇ kʼahˬ kʼoeˇ kʼahˬ-ahˇ mehꞈ dui shuꞈ dui dui-eu jeˬ keuˆ le-awˇ, aˬ yawꞈ tiˬ jeˬ-iˬ maˬ jaˆ ni shaˬ dui dui-euˬ meh.

Luˇkaꞈ 15:30

Ehˇ kʼawꞈ, nawˬ-euˬ pyuˇ shuiˇ myawˬ gahˬ deuˬ-ahˇ, meh maˬ laˇ nehˬ-ehˇ byawˬ gʼa byawˬ gʼa-ehˇ zmˬ dzeh jiˇ-euˬ nawˬ li heu li gʼoꞈ laˇ-euˬ gaˇ, cu tsuˇ taˬ-euˬ mawˇ neˇ mawˇ gaw zaˬ kʼoeˇ mawˇ sehꞈ nehˬ-euˬ nga laˬ.’

Luˇkaꞈ 16:1

Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh.“Tiˬ poˆ-aˬ, smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-euˬ myawˬ bi jeˬ-hmˬ-euˬ tiˬ gʼaˬ jawˇ-awˇ, myawˬ jeˬ hmˬ-eu tsawˇ haˬ kʼoeˇ gʼaˬ aˬ yawꞈ-euˬ myawˬ gahˬ zmˬ dzeh luꞈ-eu gaˇ kawˆ, aˬ cawˬ aˬ yawꞈ-ahˇ tsaꞈ gaˬ laˇ-euˬ meh.

Luˇkaꞈ 16:19

“Smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-aˬ, aˇ poeˬ kʼaˆ dui dui-eu mehˬ tsoeˬ yaw pyuˇ yaw neˇ dm-awˇ, yawˬ nah na luꞈ dzaˬ-awˇ dawˇ-awˇ byawˬ gʼa luꞈ-eu meh.

Eˇpeˇsu 2:13

Ehˇ kʼawꞈ, nymˬ-mˇ-aˬ, Ka li shiˇ dah-euˬ baˬ da neh, gaˇ mahˇ kaˬ-eu tsawˇ haˬ pyeuꞈ-eu naw maꞈ Yeˬsuˇ Ka li laꞈ kʼoeˇ dawˬ peh peh laˇ-euˬ meh.

Eˇpeˇsu 2:17

Ka li oe-awˇ Miˬyehˇ-ahˇ gaˇ mahˇ kaˬ-eu naw maꞈ-ahˇ maˬ ehˇ, Miˬyehˇ-ahˇ peh-eu Yuˇdaˆ tsawˇ haˬ deuˬ-ahˇ maˬ ehˇ, tsaˬ leˇ dzoeˇ leˇ-eu Laˬ kʼaˬ cehˇ-eu Guiˬ lahˬ dawˬ mehˬ le-euˬ meh.

2 Beˬtuˆluˆ 2:13

Aˬ yawꞈ maꞈ neh aˬ cawˬ-ahˇ yaw doeˇ jahˇ-awˇ kʼaˇ bi daˬ-euˬ loꞈ-ehˇ, aˬ yawꞈ maꞈ ya daˬ poˆ tehꞈ-a. Nah gʼahˇ nah gaˆ-ehˇ yawˬ ha-euˬ shiˬ shaˬ jiˇ nui kʼahˇ ya mˇ byah-eu jeˬ-ahˇ laˬ kʼaˬ cehˇ-eu jeˬ lehˇ aˬ yawꞈ maꞈ sawˇ-eu meh. Aˬ yawꞈ maꞈ-aˬ, naw maꞈ nehˬ-ehˇ dzaˬ taꞈ dawˇ taꞈ ngeh daˬ ga-awˇ shaꞈ dawˇ dui dui paˬ-ehˇ gʼeh-eu, aˬ myah luꞈ jaˬ myawꞈ mehˇ shuiˇ-ahˇ laˬ kʼaˬ cehˇ-eu tsawˇ haˬ deuˬ meh.