Luˇkaꞈ 14:32 - Akha

³² Maˬ deuˆ gʼaˬ nya paˬ-ehˇ gʼeh naˇ, a cawˬ gaˇ mahˇ kaˬ gaˇ laˇ luꞈ ngeh neh, aˬ yawꞈ-euˬ dah zaˇ tsawˇ haˬ pyehˬ gʼeh-awˇ ja tsaˬ geuꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Maq ghaqler luf-a laer siqnya nar-aq, sanqpaq yawqghaqyawq garmanr kaq-eu gar larluf ngae nae, aqyawf-euq danzar khaerghae-awr bi jatsaq-ir taef-a.

Luˇkaꞈ 14:32 ပူးပေါင်းရင်းမြစ်များ

Yawˇbaˆ 40:9

Nawˇ ngaˇ naˆ ni gʼaˬ kʼaˆ te loˇ. Ngaˇ loꞈ-ehˇ mˬ jeˬ bi jeˬ mahˇ nya te loˇ.

Maꞈtehˬ 5:25

Nawˬ-ahˇ yaˇ kʼaˬ ja-eu tsawˇ haˬ nehˬ-ehˇ yaˇ kʼaˬ daˇ-eu nymˇ-ahˇ le luꞈ ngeh, naw nyaꞈ yaw kaˬ yaw kawˇ-ehˇ laˆ tsaꞈ geuꞈ-awˬ. Yaw kawˇ-ehˇ maˬ laˆ tsaˬ geuꞈ naˇ, tsawˇ haˬ kʼoeˇ gʼaˬ nawˬ-ahˇ yaˇ kʼaˬ daˇ-eu gʼaˬ-euˬ laꞈ-ahˇ aˬ nehˬ tehꞈ-a. Yaˇ kʼaˬ daˇ-eu gʼaˬ kʼawꞈ, nawˬ-ahˇ paˬ kuˆ-ahˇ haw-eu gʼaˬ-euˬ aˬ laꞈ laꞈ kʼoeˇ a nehˬ-awˇ, paꞈ kuˆ-ahˇ bi dawˆ tehꞈ-a.

Maꞈtehˬ 5:42

Shaˇ-eu tsawˇ haˬ-ahˇ biꞈ-awˇ, ngaˬ mawꞈ paˇ mawꞈ-eu tsawˇ haˬ-ahˇ ngaˬ nehˬ paˇ nehˬ-awˬ.

Luˇkaꞈ 12:58

Nawˬ-ahˇ yaˇ kʼaˬ ja luꞈ-eu tsawˇ haˬ nehˬ-ehˇ yaˇ kʼaˬ daˇ-eu gʼaˬ jawˇ gaˇ le luꞈ ngeh, gaˇ pehˇ-ahˇ naw nyaꞈ yaw kaˬ leh jeh-awˇ jahˇ tsaˬ geuꞈ-awˬ. Maˬ ngeuˇ naˇ, aˬ yawꞈ nawˬ-ahˇ yaˇ kʼaˬ daˇ-eu gʼaˬ jawˇ gaˇ gʼeu gʼeh-awˇ, yaˇ kʼaˬ daˇ-eu gʼaˬ neh aˬ yawꞈ-euˬ laꞈ oˆ gaˇ mˇ-eu deuˬ-ahˇ a nehˬ-awˇ, nawˬ-ahˇ paꞈ kuˆ-ahˇ bi nyehꞈ ahˇ tehꞈ-a.

Luˇkaꞈ 14:31

“Sahˬ paˬ tiˬ gʼaˬ sahˬ paˬ yawˬ gʼaˬ yawˬ-ahˇ guiˇ deuˆ-eu lehˇ gʼeh ngeh, yawˬ ha-euˬ yehˇ tiˬ muiˇ gʼaˬ tehꞈ-ehˇ, aˬ cawˬ-euˬ yehˇ nyiˬ muiˇ gʼaˬ laˇ luꞈ gaˇ ciˬ daˬ-awˇ deuˆ gʼaˬ nya nga loˇ, maˬ deuˆ gʼaˬ nya nga loˇ lehˇ, jeuˬ huˬ nuiˇ-awˇ maˬ shaˇ sawˇ-aˇ loˇ.

Luˇkaꞈ 14:33

Kʼoeˇ loꞈ-ehˇ duˇ ni, naw maꞈ aˬ geu gʼaˬ maˬ kaˬ, yawˬ ha kʼaˇ jaˆ-eu jeˬ dawˬ tawˆ luꞈ-ahˇ maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-aˇ.

Luˇkaꞈ 19:14

Ehˇ kʼawꞈ, aˬ yawꞈ-euˬ miˇ kʼahˬ zaˬ deuˬ aˬ yawꞈ-ahˇ bye-awˇ, aˬ yawꞈ-euˬ mehˬ nah tsawˇ haˬ pyehˬ gʼeh-awˇ heu loꞈ-ehˇ bi tsaꞈ gaꞈ-iˇ-euˬ meh. ‘Tsawˇ haˬ heu gʼaˬ-ahˇ nga maꞈ kʼoeˇ taˆ sahˬ paˬ geuꞈ-awˇ maˬ bi uˆ lahˇ mawꞈ nya.’

Gʼaˬkʼehˇ 12:20

Heˬloˆ-aˬ, Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ-ahˇ nui ma pehˇ dui dui-eu meh. Kʼoeˇ miˇ neh, aˬ yawꞈ maꞈ nui maˬ tiˬ siˬ tehꞈ-ehˇ taˬ-eu laꞈ kʼoeˇ, baˬ maꞈ puˇ jeˬ-ehˇ aˬ yawꞈ-ahˇ tahˬ puˬ laˇ-euˬ meh. Sahˬ paˬ-euˬ hawˇ nymˇ-ahˇ aˬ yuiꞈ geuꞈ-awˇ haw-eu pyaˆ-eu gʼaˬ pyeuꞈ-eu Baˬlaˬduˇ-ahˇ jeˬ huˬ ja cawˬ-awˇ, Heˬloˆ nehˬ-ehˇ ja tsaˬ geuꞈ leˇ-euˬ meh. Aˬ jeˬ miˇ neh ehˇ naˇ, sahˬ paˬ Heˬloˆ-euˬ miˇ kʼahˬ-ahˇ aˬ yawꞈ maꞈ dzaˬ dzaˬ dawˇ dawˇ gʼoe luꞈ-eu meh.