Luˇkaꞈ 14:21 - Akha

²¹ “Zaˬ kʼaˆ kʼoeˇ gʼaˬ gʼoꞈ laˇ-awˇ, nymˇ sahˇ gʼaˬ-ahˇ gaˇ kawˆ kʼoeˇ deuˬ dzawˇ nehˬ laˇ-euˬ meh. Kʼoeˇ ngeh, nymˇ sahˇ gʼaˬ nui ma pehˇ laˇ-awˇ, aˬ yawꞈ-euˬ zaˬ kʼaˆ-ahˇ ehˇ nehˬ-eu, ‘Meuˬ laꞈ kʼoeˇ kʼaˇ jaˆ-eu gaˇ ma huiˬ huiˬ nyiˇ nyiˇ doe ni yaw kawˇ-ehˇ iˇ-awˇ, shaˬ zaˬ zahˬ zaˬ deuˬ, kuiˇ kuˆ laꞈ kuˆ deuˬ, kuiˇ shiˇ laꞈ shiˇ deuˬ hawˇ-eu, myaˆ behꞈ deuˬ kuˇ uiˬ laˬ-iˇ-awˬ.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Kuirlaf zaqkhav khoerghaq ghoflar-awr, garkawv khoerdeuq nymrsanr ghaq-anr dzawrnaeq lar-euq mae. Khoerngae, nymrsanr ghaq nuima paer duidui lar-awr aqyawf-euq kuirlaf zaqkhav-anr aernaeq-eu, ‘Meuq-euq lafkhoer danr-eu garjawq hawr-eu garma deuq-anr yawkawr-aer ir-awr, irshaqzaq, arsaer cawv-ir-euq deuq, myavbaef deuq, kuircawv deuq-anr sheuqlaq-ir-awq.’

Luˇkaꞈ 14:21 ပူးပေါင်းရင်းမြစ်များ

Jaceuq 38:7

Joꞈ-ahˇyaw piˇyaw lahˇlahˇ-awˇ, mawˇdo naˇ-eu maˬkamˬcoeˇnya.

Iˇsaˬyaˇ 33:23

Muiˇ-eu deuˬ-euˬ saˇ baoˬ aˇ caˆ tsehˆ-iˇ jiˇ-awˇ, lehˇ baw saˬ paˇ maˬ gʼeu taw nya-a. Muiˇ-eu deuˬ-euˬ pyuˇ shuiˇ myawˬ gahˬ dawˬ tawˆ, nga maꞈ ceh geuꞈ jiˇ ma. Aˬ yawꞈ maꞈ-euˬ pyuˇ shuiˇ myawˬ gahˬ myaˬ dui dui-awˇ, kuiˇ shiˇ laꞈ shiˇ deuˬ-ahˇ kʼawꞈ oꞈ tehꞈ-a.

Iˇsaˬyaˇ 35:6

Kuiˇ shiˇ gaˇ nyeh nyeh nya laˇ-awˇ, aˬ dzawˬ laˬ kʼaˬ cehˇ-eu dawˬ ngehˬ-awˇ guˇ tehꞈ-a. Koˆ kaˆ ni gʼeh-eu kʼaˇ shuiꞈ deh yaˇ-ahˇ, lawˇ baˬ yoeˇ le tehꞈ-a.

Yeˬlaˬmiˇ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, meuˬ-euˬ gaˇ ma doe ni cehˆ doe haw-awˬ. Doe doe-ehˇ cah-awˇ haw doe-awˬ. Lehˆ kawˆ doe ni poˆ doe haw-awˬ. Yaw tsaˬ yaw dawˇ jeˬ-ahˇ mˇ-awˇ, Miˬyehˇ-ahˇ saˇ jaˇ ziꞈ-awˇ dehꞈ luꞈ-eu, tsawˇ haˬ tiˬ gʼaˬ nawˇ mawˇ nya naˇ, Yeˬluˇsaˬlehˬ meuˬ-ahˇ Sahˬpaˬ Miˬyehˇ iˬ baˇ pyehˬ nehˬ tehꞈ-a.

Zaˬkaˬliˇ 11:11

Kʼoeˇ miˇ neh, dawˬ ma saˇ jaˇ kʼoeˇ hmˬ kʼoeˇ ngeh nah cawˆ-iˇ-euˬ meh. Yawˇ gaꞈ-eu tsawˇ haˬ kʼoeˇ deuˬ ngaˇ mˇ gaˇ haw tsoˆ taˬ-awˇ, ngaˬ neh mˇ-euˬ jeˬ laꞈ kʼoeˇ Sahˬpaˬ Miˬyehˇ dawˬ ngehˬ luꞈ-eu nga lehˇ haw siˬ-euˬ meh.

Zaˬkaˬliˇ 11:7

Yawˇ gaꞈ-eu deuˬ neh sehꞈ-eu gʼaˇ duˬ zeuˇ taˬ-euˬ yawˇ deuˬ-ahˇ ngaˇ bo-euˬ ma. Daˇ cuiˇ nyiˬ cuiˇ ngaˇ tuˆ tehˬ taˬ-euˬ ma. Tiˬ cuiˇ-ahˇ “Gʼawˬ shaˬ gaˬ-eu jeˬ” lehˇ myahˇ-awˇ, biˬ cuiˇ-ahˇ “nui ma gm-eu jeˬ” lehˇ myahˇ-euˬ ma. Kʼoeˇ naˇ, yawˇ kʼoeˇ deuˬ-ahˇ ngaˇ bo-euˬ ma.

Maꞈtehˬ 11:28

“Kʼaˆ behˆ yaw kah pi-awˇ gʼaˬ doeˇ doeˇ-eu tsawˇ haˬ dawˬ tawˆ luꞈ ngaˇ jawˇ gaˇ laˇ-awˬ. Ngaˇ naw maꞈ-ahˇ gʼaˬ naˬ bi naˬ ma.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 15:12

Kʼoeˇ ngeh, zaˬ lahˇ deuˬ aˬ yawꞈ jawˇ gaˇ laˇ-awˇ ehˇ-eu, “Nawˬ neh ngehˬ-euˬ dawˬ teu dawˬ Paˬliˬsehˇ deuˬ-ahˇ zaw leˇ-eu nawˇ siˬ nya ma loˇ.”

Maꞈtehˬ 18:31

Kʼoeˇ loꞈ-ehˇ jahˇ-euˬ gaˇ zaˬ kʼaˆ nui deuˬ ya mawˇ ngeh, nui ma tiˬ pawꞈ-iˬ maˬ saˇ-ehˇ, sahˬ paˬ jawˇ gaˇ le-awˇ, gaˇ kawˆ dawˬ tawˆ luꞈ dzawˇ nehˬ leˇ-euˬ meh.

Maꞈtehˬ 20:7

‘Tsawˇ haˬ tiˬ gʼaˬ-iˬ nga maꞈ-ahˇ gaˇ bi mˇ-eu lehˇ maˬ poˆ le-euˬ miˇ neh, heu loꞈ-ehˇ jawˇ luꞈ-eu ma’ lehˇ aˬ yawꞈ maꞈ ehˇ-eu meh. ‘Toˆ-ehˇ ngeuˇ naˇ, naw maꞈ jiˇ ngaˬ-euˬ aˬ gaꞈ yaˇ kmˇ-ahˇ iˇ-awˇ gaˇ mˇ-iˇ-awˬ’ lehˇ, tsawˇ haˬ kʼoeˇ deuˬ-ahˇ aˬ yawꞈ ehˇ nehˬ-euˬ meh.

Luˇkaꞈ 14:13

Ehˇ kʼawꞈ, nawˇ hawˬ byawˇ lawˇ ngeh, shaˬ-euˬ zahˬ-eu tsawˇ haˬ deuˬ, kuiˇ kuˆ laꞈ kuˆ kuˆ-eu tsawˇ haˬ deuˬ, kuiˇ shiˇ laꞈ shiˇ shiˇ-eu tsawˇ haˬ deuˬ hawˇ-eu, myaˆ behꞈ behꞈ-eu tsawˇ haˬ deuˬ-ahˇ kuˇ-awˬ.

Luˇkaꞈ 14:20

Tiˬ gʼaˬ paˇ ehˇ-eu, ‘Ngaˇ miˬ zaˬ sheuˬ gʼaˬ-euˬ tiˬ dehˬ pyeuꞈ-eu miˇ neh maˬ laˇ nya nga.’

Luˇkaꞈ 14:22

Tiˬ kʼehˬ keuˆ laˇ ngeh, zaˬ kʼaˆ kʼoeˇ gʼaˬ ehˇ-eu, ‘Baw leˬ-oˇ, nawˬ neh ehˇ-euˬ loꞈ-ehˇ kuˇ uiˬ taˬ-euˬ ma. Ehˇ kʼawꞈ, jawˇ duˬ gʼawˬ mya ni ngehꞈ nga siˬ.’

Luˇkaꞈ 14:24

Ngaˬ neh yaw beh kuˇ taˬ-euˬ tsawˇ haˬ kʼoeˇ deuˬ, ngaˬ neh lawˇ-euˬ hawˬ byawˇ heu byawˇ-ahˇ tiˬ gʼaˬ-iˬ maˬ ya myeuꞈ haw-aˇ.”’

Luˇkaꞈ 24:47

Kʼoeˇ naˇ, Yeˬluˇsaˬlehˬ meuˬ-ahˇ neh dahˬ beh-awˇ, tsawˇ jeuˬ dawˬ tawˆ luꞈ-ahˇ iˬ baˇ noeˬ poˆ-eu gaˇ kawˆ hawˇ-eu, Miˬyehˇ iˬ baˇ pyehˬ nehˬ-eu gaˇ kawˆ, aˬ yawꞈ-euˬ tsawˇ myahˇ uˬ moˆ ya mehˬ nehˬ-iˇ meh lehˇ boꞈ taˬ-euˬ meh.

Luˇkaꞈ 9:10

Gʼaˬ kʼehˇ deuˬ gʼoꞈ laˇ-awˇ, aˬ yawꞈ maꞈ neh mˇ yaꞈ shaˇ yaꞈ-euˬ gaˇ kawˆ Yeˬsuˇ-ahˇ dzawˇ nehˬ laˇ-euˬ meh. Aˬ yawꞈ maꞈ-ahˇ aˬ yawꞈ sheuˬ ceuˆ doˆ-awˇ, Behˬdzeˇdaˬ meuˬ-ahˇ sheuˬ gʼeh-euˬ meh.

Yoˇhaˬ 9:39

Yeˬsuˇ ehˇ-eu, “Myaˆ behꞈ deuˬ-ahˇ myaˆ nuiˆ bi mawˇ laˇ-awˇ, myaˆ nuiˆ mawˇ luꞈ-eu deuˬ myaˆ behꞈ bi behꞈ-iˇ ni yaˇ kʼaˬ daˇ-eu gʼaˇ duˬ, miˇ tsaˬ heu kʼoeˇ taˆ ngaˇ oe-euˬ ma.”

HeˬByehˇ 13:17

Naw maꞈ kʼoeˇ taˆ aˬ yuiꞈ aˬ tsu geuꞈ-eu deuˬ-euˬ ehˇ dawˬ yaw muiˬ paˬ-ehˇ naˇ haˬ geuꞈ-awˬ. Aˬ yawꞈ maꞈ neh mˇ-euˬ gaˇ deuˬ Miˬyehˇ mehˬ shi ya dzawˇ mehˬ leˇ-eu baˬ da neh, jawˇ naˬ maˬ mˇ ni naw maꞈ-euˬ saꞈ laˇ-ahˇ haw piˇ luꞈ-eu meh. Aˬ yawꞈ maꞈ-euˬ ehˇ dawˬ-ahˇ naw maꞈ naˇ haˬ geuꞈ naˇ, aˬ yawꞈ maꞈ-euˬ gaˇ-ahˇ aˬ yawꞈ maꞈ laˬ kʼaˬ cehˇ-eu laꞈ kʼoeˇ ya mˇ tehꞈ-a. Naw maꞈ maˬ naˇ haˬ geuꞈ naˇ, aˬ yawꞈ maꞈ noeˬ shaˬ-eu laꞈ kʼoeˇ ya mˇ-awˇ, naw maꞈ gʼaˇ duˬ gaˇ dahˇ maˬ tsoeˬ-a.

HeˬByehˇ 2:3

Toˆ-ehˇ ngeuˇ naˇ, heu naˆ naˆ-ehˇ huiˬ-eu ka kʼoꞈ-eu jeˬ heu-ahˇ aˬ dui myaˆ haw maˬ cawˬ naˇ, kʼehˬ-eu kʼaˆ-eu jeˬ-ahˇ aˬ joˆ-ehˇ dzeuˇ-iˇ nya nmˇ. Ka kʼoꞈ-eu gaˇ kawˆ heu, Sahˬpaˬ Yeˬsuˇ neh jeˬ huˬ ehˇ naˬ laꞈ-awˇ, kʼaˇ ya gaˬ-euˬ tsawˇ haˬ deuˬ tsaˬ meh lehˇ saˇ kiˇ kamˬ-eu meh.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.

1 Saˬmeuˬlaˆ 25:12

Daˬbiˇ-euˬ tsawˇ haˬ deuˬ gʼoꞈ leˇ-awˇ, Naˬbaˬlaˇ neh kʼaˇ ehˇ-euˬ loꞈ-ehˇ tsaꞈ nehˬ leˇ-euˬ meh.