Luˇkaꞈ 14:18 - Akha

¹⁸ Ehˇ kʼawꞈ, aˬ yawꞈ maꞈ yawˬ gʼaˬ na luꞈ tiˬ gʼaˬ tiˬ jeˬ myahˇ myahˇ-ehˇ, maˬ laˇ nya-eu gaˇ kawˆ ehˇ-eu meh. Yaw beh gʼaˬ ehˇ-eu, ‘Ngaˇ deh yaˇ tiˬ kawˬ zeuˇ-euˬ gaˇ ya haw-iˇ nga. Ngaˬ-ahˇ iˬ baˇ taˬ taˬ nehˬ laꞈ lehˇ shaˇ-eu ma.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aerkhawf, aqyawfmaf yawqghaq navluf tiqghaq tiqjeq-anr daeqlaef daeqlaef-aer maq larnya nga laer aer-eu mae. Yawbae ghaq aer-eu, ‘Ngar daeyar tiq kawq zeurtaq-euq mirnae ir-awr yahaw-ir nga, ngar, nawq-anr yashar-eu ngar-a.’

Luˇkaꞈ 14:18 ပူးပေါင်းရင်းမြစ်များ

Yeˬlaˬmiˇ 6:10

Ngaˇ heu loꞈ-ehˇ ehˇ kʼoꞈ nehˬ-euˬ ma. “Ngaˬ neh mehˬ-euˬ dawˬ-ahˇ aˬ suˇ gʼaˬ naˇ haˬ nmˇ. Aˬ yawꞈ maꞈ nui ma gʼahˇ-eu baˬ da neh, nawˬ neh bi ehˇ-euˬ dawˬ deuˬ-ahˇ maˬ naˇ haˬ-ehˇ, nawˬ-euˬ dawˬ-ahˇ naˬ gʼa-eu meh.

Luˇkaꞈ 14:17

Hawˬ byawˇ lawˇ-eu aˇ yamˬ keuˆ laˇ ngeh, kuˇ taˬ-euˬ tsawˇ haˬ deuˬ jawˇ gaˇ aˬ yawꞈ-euˬ zaˬ kʼaˆ deuˬ kʼehˇ gʼeh-awˇ,‘Lehˬ hmˬ dah gʼaˬ-euˬ ma. Laˇ-awˬ’ lehˇ bi ehˇ gaˬ-iˇ-euˬ meh.

Luˇkaꞈ 14:19

Yawˬ gʼaˬ yawˬ ehˇ-eu, ‘Ngaˇ mawˇ neˇ ngaˬ gu zeuˇ taˬ-euˬ, deh yaˇ ya tsehˬ haw-iˇ-eu miˇ neh, laˇ-eu maˬ dah nga. Ngaˬ-ahˇ iˬ baˇ taˬ taˬ nehˬ laꞈ lehˇ shaˇ-eu ma.’

Luˇkaꞈ 18:24

Yeˬsuˇ aˬ yawꞈ-ahˇ haw-awˇ ehˇ-eu, “Pyuˇ shuiˇ jaˆ myaˬ-eu tsawˇ haˬ-aˬ, Miˬyehˇ Miˇkʼahˬ-ahˇ uˇ leˇ-eu aˇ naˆ ni shaˬ-eu nga.

Luˇkaꞈ 8:14

Aˬ gah gah yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ dawˬ kawˬ-ahˇ ya gaˬ-euˬ kʼawꞈ, shiˬ shaˬ jiˇ-ahˇ taꞈ-eu kʼahˬ lahˇ-eu nui ma, pyuˇ shuiˇ myawˬ gahˬ-ahˇ gaˬ-eu nui ma hawˇ-eu, byawˬ gʼa mo gʼa gaˇ gaˬ-eu nui kʼahˇ neh bi uˆ tehˬ-awˇ, aˇ siˬ maˬ siˬ le nya-eu tsawˇ haˬ deuˬ-ahˇ ehˇ mawꞈ-eu meh.

Yoˇhaˬ 1:11

Aˬ yawꞈ-euˬ miˇ kʼahˬ-ahˇ aˬ yawꞈ oe-euˬ kʼawꞈ, aˬ yawꞈ-euˬ tsawˇ haˬ deuˬ aˬ yawꞈ-ahˇ maˬ ha geuꞈ-a.

Yoˇhaˬ 5:40

Ehˇ kʼawꞈ, maˇ maˇ ni gʼeh-eu dehꞈ-eu jeˬ-ahˇ za ni, ngaˇ jawˇ gaˇ naw maꞈ maˬ laˇ mawꞈ-a.

Piˇliˇpiˆ 3:4

Ngaˇ kʼawꞈ, kʼoeˇ loꞈ-ehˇ gʼeh-eu deuˬ-ahˇ gʼoe mawꞈ naˇ gʼoe nya ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ gʼoe nya ma lehˇ aˬ cawˬ noeˬ-eu ngeuˇ naˇ, ngaˇ-aˬ, kʼoeˇ naˆ maˬ tseˇ noeˬ nya-eu gaˇ ma dahˇ ma.

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

2 Tiˆmoˇseˬ 4:4

Yaw tsaˬ yaw dawˇ jeˬ-ahˇ aˬ yawꞈ maꞈ maˬ naˇ haˬ-ehˇ, aˬ poeˬ dawˬ oeˇ ja gaˇ tehꞈ-ehˇ naˇ haˬ tehꞈ-a.

HeˬByehˇ 12:16

Aˬ li aˬ yuiꞈ-ahˇ oꞈ-eu aˇ yaˬ-ahˇ hawˬ tiˬ byawˇ neh paˇ dzeh-euˬ Iˇsawˇ loꞈ-ehˇ, tsawˇ haˬ tiˬ gʼaˬ-iˬ kʼaˬ miˬ sheu-awˇ Miˬyehˇ-ahˇ yaw zeu maˬ baw-eu tsawˇ haˬ maˬ ya bi pyeuꞈ ni yahˇ-awˬ.